طلب الى جميع الشعراء قولوا تم ....

بسم الله الرحمن الرحيم
السلام عليكم ورحمة الله وبركاته
ايها الشعراء الكرام بارك الله فيكم واسعد جميع او قاتكم :

كثر الاهتمام بالمحاورة والمدح والذم والهجاء والرثاء وهذا حق مشروع للشاعر ما دامه لم يخرج عن حدود ما امر الله به ولكنكم لم تعطوا هذا الموضوع حقه ( الا وهو الموت ) وذكره للموعظة والاعتبار وارى ان من واجبه عليكم ان تثروه هنا وتعوضوه عن ما فات باي لون من الوان الشعر يناسب كل واحدٍ منكم وانا لست بشاعر ولكنني سوف اشارك بهذه القصيدة ولعلها فاتحة خير على الموضوع وارجو المعذره اذا لم ترقى لمستوى شعركم . واحتسبوا الاجر من الله .

قلت :

الله اكبر وسبحان الله الواحد اللي ما يموت =
سبحانك ياعظيم الملك يا دايم من غير يفنا=
وباقي الخلق مكتوب عليها المنايا والفنا =
وانت يالموت مالي عنك مدراج ولا عنك مهرب =
وان تأخرت مهلاً ما تأخر عن العمر ارذله =
يا الله تحسن خواتمنا وتحسن جميع اعمالنا =
وافتكر يا ابني ادم ساعة الموت وانت على فراشك =
ويوم توضع بوسط القبر ويهيلوا عليك التراب =
وافتكر يالبيب العقل الى جاء نكير ومنكرا =
ثم سالوا ثلاثة اسئلة كلها مما علمته =
من هو ربك وما دينك ومن هو نبيك يا فطين =
فان كان انك نجحت في اختبارك فيا سعدك وحظك=
وسع الله قبرك وهبه روضه من ارياض الجنان =
وان كان انك رسبت في اختبارك فيا كبر المصيبه =
ضيق الله عليك القبر حتى ضلوعك تختلف =
ثم شبت عليك النار واصبحت تتصلى بها =
لا نفع منصب الدنيا ولا نفع مال ولا ولد =
ما يفيدك يكون الدين والدين وحده خير منقذ =
فا حذر من زينة الدنيا تغرك مع لذاتها =
فا حذر من زينة الدنيا تغرك مع لذاتها =

وسلامتكم ،،،،،،،،،،،،،،،،،

بارك الله فيك يا الغالي الله يعطيك العافية على هذا التنبية الهام والشعاراء فيهم الخير

ضيق الله عليك القبر حتى ضلوعك تختلف
ثم شبت عليك النار واصبحت تتصلى بها
لا نفع منصب الدنيا ولا نفع مال ولا ولد
ما يفيدك يكون الدين والدين وحده خير منقذ
فا حذر من زينة الدنيا تغرك مع لذاتها
فا حذر من زينة الدنيا تغرك مع لذاتها

الرد

يالله يارب لا تعينبنا كل عذال وشموت=
وانك ادلنا ياربنا للمعرفة في قيفنا=
واسمع يابو فهد في كلمة الحق هذي والفنا=
ماتخفيّة ماندري عنة والمخفا يعلمه رب=
عاد في عصبة الرجال دكة ونقشة وارذلة=
وانت وانا نغض النظر عن ماجلب لعمى لنا=
والذي يتبع فعل الخطاء بعض فعلة لنفرا شك=
والزمن خضتة بقعاء على كيفها والكفت راب=
وانت ياللي تقول الحق بسمعك زين ومنك ارى=
دام عاد القراح يزول ويضيع طعمه من على امته=
ماصمد في الجبل غير الصفا لا انجرف مالجرف طين=
والمخالف يطيع الشور يا صاحبي لاما وحا الضك=
وان تمادى على فعل الخطايا توريه الجنان=
والمعاني تباريني وادور للشرواك المصيبة=
لكن الطيبة في دربها يالوفي ما تختلف=
والمساجد بيوت للعلي حظ من صلى بها=
مايفيد الذي ينظر بهذا وهاذولا ولد=
ابني ادم ضعيف ويشتكي في السعة لو كان من قذ=
والنفوس العفيفة يرتقي في المعلاّ ذاتها=
والنفوس العفيفة يرتقي في المعلاّ ذاتها=

بن ظافر

يعطيك العافيه واشكرك على مرورك الكريم .

الرادار

يعطيك العافيه ولا نستغني من الزيادة بما يوعظنا حول الموت بارك الله فيك .

أبو فهد
صح لسانك بدع رائع وعذب ,و الموت حق اسأل الله أن يحسن خاتمتنا وإياكم ...

الرادار
رد جميل وتشكر عليه صح لسانك وطاب فالك وإلى الآمآآم .,’

أبو فهد العمري ..
موضوع غاية في الجمال ورائع وفقك الله ..
لأنك راعي الأوله فلا يأتي منك إلاّ كل الروائع ..
أتمنى التفاعل مع هذا الموضوع الذي يحمل القيمة الفريدة ..
أشكر الرادار كذلك على رده الجميل ..
كل التقدير ..

المراقب العام والأستاذ الخلوق أبوفهد
صح لسانك على هذه الدرر المليئة بالفوائد
ومعذرة لعدم مروري من هنا ولكنني كنت مبتعد عن المنتدى لبعض الظروف العائلية
أستاذنا الكريم هذا رد متواضع وهو وبكل تأكيد مليء بالأخطاء ولكن أحببنا المشاركة وخاصة بأن هذه القصيدة
توعوية بالطبع أنا ابتعدت عن مفهوم الشقر لكي لا أكرر أبيات الشاعر الفاضل الذي سبقني بالرد

ملاحظة يوجد بقصيدتي أخطاء إملائية متعمدة لكي تتساير مع اللحن

مرحبا مرحبا ياشاعرا للمعالي كم سموت=
انت راعي المواعظ وانت مامون واحنا اليوم شفنا=
وانت لاجيت بالحكمة فقرب دياري والفنا=
شاعر ولّم الدينار يمكن بعيني ولّمه رب=
وانا باناصره في العلم ماجيت لمه باعذله=
فالعرب ذا بيبصر علمنا غير فيها اعمى لنا=
وانت ياممن فيها الحياة لو تفكر في نعاشاك=
وافتكر في طلوع الروح ولا تخيل للكراب=
وافتكر فوق صدرك مثل حرفه ومثله من كرا=
واذكر اللي لحقته في كلامك ويمكنك ظلمته=
والله ماعاد ينفع وسط قبرك لدموا لك بطين=
والله ما عاد ينفعنا نحزن ولو قد بان مضك=
ولا يمكن يفيد العقل من بعدها ولاّ الجنان=
ثم ماعاد لك من فتلة الشور راي تصيبه=
والحقايق تجمعها ويمكن تضيع وتختلف=
والفروض الفوايت قلت انا كيف تتصلى بها=
والله ماينفعك تقول بانظر لها ولا ولد=
والذي حي ياخذ مالعبر ويتفكر كيف ينفذ=
ويكبح الروح لاهاجت ويكبح معاها ذاتها=
ويكبحالروح لاهاجت ويكبح معاها ذاتها=

اسمحولي المشاركه بقصيده
ملطوشه

جاني وانا في وسط ربعي وناسي=جاني نشلني مثل ما ينشل النـــاس
مني نشل روح تشيل المآســـــــي = تشكي من ايام الشقى تشكي اليـاس
اثر الالم في سكره المـــوت قاسي = ماهالني مثله وانا انسان حـــساس
جابوا كفن ابيض مقاسه مقاســــي= ولفوا به الجسم المحنط مع الـراس
وشالوني اربع بالنعش ومتواســي = عليه ومغطى على جسمي البـــاس
وصلوا علي وكلــــــهم في مــآسي =ربعي ومعهم ناس من كل الاجناس
ياكيف سوا عقبنا تاج راســــــــي = وامي الحبيبه وش سوى بها الياس
اسمع صدى صوت يهز الرواسي = قولولها لاتلطـــم الخــد ياناس
قولولها حق وتجرعت كاســـــــي= لاتحترق كل يبي يجرع الكـــــاس
اصبحت في قبري ولابه مواسي= واسمع قريع نعولهم يوم تـــــنداس
من يوم قــــــفوا حل موثق لباسي= وعلى رد الروح صوت بالاجراس
هـيكل غريب وقال ليه التــــــناسي= صوته رهيب وخلفه اثنين حـــراس
وقف وقال ان كنــت يانـمر نـاسي =هاذي هي اعمالك تقدم بكـــــراس
ومن هول ماشفته وقف شعر راسـي =وانهارت اعصابي ولاارد الانـفاس

أكثروا من ذكر هادم اللذات
ولكم الخيار في حذف المشاركه

وافتكر يالبيب العقل الـى جـاء نكيـر ومنكـرا

ثـم سالـوا ثلاثـة اسئلـة كلهـا ممـا علمتـه

من هو ربك وما دينك ومن هو نبيك يـا فطيـن

فان كان انك نجحت في اختبارك فيا سعدك وحظك



يعطيك العافيه قصيده جزله

ابو فهد
السلام عليكم
موضوع قيم ويدركه كل مخلوق
وحتما سيلاقيه كل كائن حي
نسال الله حسن الخاتمه
والباقي علي الشعراء
ابو فهد وفقك الله ودمت بخير

بيض الله وجهك يا ابو فهد
ونبغى نشمي يرد

يالله يا اللي تعلم الجهر والخفا=
تغفر لعبد زل في عمره وهفا=
يا اللي تركت البر واوحلت في العلل=
وش حيلتك لا جاك موتك على زلل=
لا لحدوك القوم واردوك من تحت النصايب=
ما يسرك كود خير(ن) عملت به=

شكرا للجمبع ولازلنا ننتظر الخطاف وابوليلى وبن عزيز وجبرني والشيباني وامرء القيس وغيرهم من الشعراء اينكم يا الربع او عضونا باي لون يريحكم .

أولا / الله يسلمك ويديمك يا ابا فهد وأسأل الله أن يجعل ما تعمله من خير في ميزان حسناتك ووجودك في عالم النت حقيقة مفيد وأنا اعتبره منبر من منابر الخير لمن أراد فشكراً لك وعساك ذخر 0
ثانياً / القصيدة دائماً لها رد وأنا أكتفي بالرد من الرادار وخشعهم عنا ههههههههه ولكن سوف آتي بغيرها واللي يسبق يرد وعفاكم 0

يالله ياللي خلقت الخلق من كل جنس وكل نوع=
وأنت يارب تعلم موعده في الحياة وفي مماته=
ما تقدم ولا تتأخر النفس عن ميعادها=
وإبن آدم يموت وفي مماته عبر للعاقلين=
يوم تلتف ساق بساق ويساق للحفره لحاله=
لا ونيسٍ ولا مالٍ ولا جاه في ذاك المكان=
ما معه غير ما قدم من أعمال في عمر قضاه=
إن عمل خير يلقى خير وإن كان شرٍ يا خساره=
فأطلبك يا إله العرش رحمتك وألطف يا لطيف=
وثبت القول وأيضا الفعل حين الملاقى والسؤال=
وأهدنا للجواب اللي يوصل الى الجنه مساره=
وأكفنا في الجواب اللي يودي الى دار العذاب=
صح كلٍ برحمة خالق الكون ما فيها كلام=
لكن اللي يريد الجنة العاليه يعمل عملها=
واللي يبغى الحياة يشارك أبليس في لذاتها=
واللي يبغى الحياة يشارك أبليس في لذاتها=

شكرا يابو محمد على مرورك وعلى قصيدتك الغاليه ولم نطلب الرد بقدر ما نطلب ان توضع قصائد موعضة من اي بحر من بحور الشعر . بارك الله فيك يا بومحمد قصيدة جزلة عساك على القوة,.