جبرني الوقت ... الخطاف ... ابو غرام ( بدع ورد )

بسم الله الرحمن الرحيم

السلام عليكم ورحمة الله وبركاته

واسعد الله اوقاتكم بكل خير ...

سوف اورد لكم قصيدة بدعتها ورد عليها كلا من الشاعران القديران في المنتدى :

1_ الخطاف
2_ ابو غرام

اتمنى ان تنال إعجابكم ,,,

البدع من / جبرني الوقت

يالله يارحمن وفقني على درب الهدى والنور=
واعطني في دنيتي خيرك ولا تحرمني اِمن أفضالك

واهبني يارب ماللي قد على درب الوسى بنا=
ولا تضيع شي من عمري ياربي قد مضى ببلاش

والله انه ياحليله ذا مضى عمره وضاع بلاشي=
وابني آدم في نهاية دربه إمّا زين ولاّ شين

ويالله اني طالبك بالوجه الأعظم جنة الفردوس=
واِلحق محمد مع محمد وصحبه جنة الفردوسي

ويسّر اسباب الوصول اِلجنّة الفردوس من دنياه=
قل ياقلبي كم كسبت من الخطايا قل وكم جنيت

والله اني قد تعبت اناصحك وآقول يا كم تجني=
يالله انك لا تعذبني بقلبٍ ع الخطأ مجناه

كم فعلت من الذنوب وما ترجّى غير رحمة ربي=
فاهدني يارب درب الحق ذا قايم وعادلي

الرد من الشاعر / الخطاف

يا عسى بعد الظلام الدامسي يا قلب يآجي النور=
والــ تقي في الصاحب اللي حدته الايام لا يفضى لك

حدته الايام عنّا يبتعد غصبٍ وسابنا=
والكفو ياعلّ ما نفداله الاّ بالردي واللاّش

لانه لا جا في نهار الضيق بان الونعمي واللاشي=
والمواقف من تحدّد وقفت الأبطال واللاشين

والفوارس ماتهاب الموت في وقت اللقاء والدوس=
تنعرف بافعالها وصمودها يوم اللقاء والدوسي

والدّني يبقى دني ما جمّله بين العرب دنياه=
وانت يامن تزرع الاحقاد غير الحقد وش جنيت

إن زرعت الخير تلقى خير وإمّا الشر شرٍ تجني=
كل شخصٍ مربحه من فيض منتوجه ومن مجناه

يالله تجعل سهمنا في الخير تعلى قيمته ويربّي=
واجعلني لامن فعلت الخير يحسب لي وعاد لي

الرد من الشاعر / ابو غرام

قال من شانت ظروفه كن في قلبه غلا تنّور=
وانت يادرب المحبّة رح عن المهموم لين افضى لك

فانا قد هليت دمعي في من احبه وسابنا=
ويل من يركي عزومه والشدايد في غوارب لاش

وان شكينا الهم نشكي للوفيّ ووش لنا باللاشي=
الله يالايام كم تشخل من الوافين واللاشين

الله الله لو يحصل في زمنّا كل كافر دوس=
كانت الدنيا بخير اذا لقي له كل كافر دوسي

لين يعرف قاصي الحق المبين الحر من دنياه=
وانت يا سيف العيون الغرّ كم تبطش وكم جنيت

انت في غمدك ولكن قاطع البتّار ياكم تجني=
قدرة الله كم صويب وكم قتيلٍ طاح من مجناه

ويل من يعشق شبيه الحور وايضاً عاقل ومتربّي=
قد نسيته يا رياح الوقت وش حدّه وعاد لي

جبرني الوقت

صح الله لسااانك

ولساان الخطاف وابو غرام

وبيض الله وجيهكم جميع

مبدعين وكبار دائماً بتواجدكم المميز

تقبل أطيب التحايا

جبرني الوقت؛؛صح الله لسااانك ولساان الخطاف وابو غرام

وبيض الله وجيهكم جميعنعم الشعار لا حرمنا الله من تواجدكم الكريم

صح الله السنتكم جميع وبيض الله وجيهكم

صح اللهـ السنتكم جميع
ابداع واللهـ

جبرني الوقت

بيض الله وجهك ولا هنت

وصح لسانك ولسان الخطاف .... ولساني هههه

تحيااتي

قصايد جميله
ولكن تدل على تريب وتنسيق مسبق
تحياتي

صحت ألسنة الشعار جميع
بدع وردان جميلان وكل رد فيه من المعاني
ما يميّزه عن خويّه ,,

المشاركة الأصلية كتبت بواسطة سيــف العرب

جبرني الوقت

صح الله لسااانك

ولساان الخطاف وابو غرام

وبيض الله وجيهكم جميع

مبدعين وكبار دائماً بتواجدكم المميز

تقبل أطيب التحايا

سيف العرب

صح بدنك ولا هنت يا غالي ...

وجودك في متصفحي يسعدني دائما ...

فلك كل الشكر والتقدير ...

جبرني الوقت

حياك ياغالي وشكراً لك على أيراد القصائد هنا

وكان لي الشرف حقيقة بالمشاركة معك ومع الأخ العزيز أبو غرام

تحياتي وحبي وتقديري لكما

المشاركة الأصلية كتبت بواسطة ابوعقاب

قصايد جميله

ولكن تدل على تريب وتنسيق مسبق

تحياتي

قول قسم
هههههههههههه
على العموم ترى ماجبت شئ جديد
أكيد إن فيه تنسيق مسبق... ولا ليش جبرني الوقت نزل البدع والردود..؟؟
وما هو المهم انه يكون فيه تنسيق مسبق ولا متأخر المهم أن تضع قصيد يرتقي إلى مستوى الذوق العام
وسلامتك

انا ما قلت شي قصايد جميلة
لكن على قول المثل:
اللي على راسه تراب يتحسسه
وسلامتك

قصائد جميلة من البدع والردود
يعطيكم العافية

المشاركة الأصلية كتبت بواسطة ابوعقاب

انا ما قلت شي قصايد جميلة

لكن على قول المثل:
اللي على راسه تراب يتحسسه

وسلامتك

دام القصائد اعجبتك فهذا هو المهم
وعيد خشمك عيدين

جبرني الوقت بيض الله وجهك وصح لسانك ياالى