لاتقتل الماضي ,,,

هذي قصيده جديده اخص بها هذا المنتدى اتمنى ان تحوز على رضى قراءمنتدانى الجميل علمآ اني لم اكتبها كامله


لاتقتل الماضي وانا عايش فيه
ولا تقتل الحاظر وهو حي فيني



زمان اتعبني على كثرمنخيه
يقول ظالم والجفى في يديني

زمان اظلم من دجى الليل يكفيه
شوه حياتي في لواحظ سنيني


لاماعرفته لا ولا عارف اشفيه
لكنه اتعب كل لحظه تبيني

مشرد عقلي وقلبي تواسيه
دموع تسري في دهاليز عيني

يلي احبه كثر هالكون واغليه
فتحت باب الشمس في صبح ليلي

ليل تولى ونتهى في تواليه
سمعت صوتك يوم تنشده ويني

شفني قريب فيمدى البعد بطويه
ليل تعلم كيف يطوي حنيني

كسرت ضوي لجل اودعه ماجيه
وانظر شموع الصبح يوم تجيني

صبح لفاني كنت نور يجليه
مابين قلبك ياعزيزي وبيني

صدري سماك وقلبي الغيم برويه
حب زرعته في الحشى يحتويني


ولا تقتل الماضي وانا عايش فيه
ولا تقتل الحاظر وهو حي فيني

أنامين ..
ماذا عساني أقول ؟
لله درك وكفى ..
قصيدة نابغة جداً ومعبّرة وتصل بمعانيها وحضورها البهي إلى أعلى مستوى ..
صح لسانك وإلى الأمام ..
لك التقدير ..

ولا تقتل الماضي وانا عايش فيه
ولا تقتل الحاظر وهو حي فيني

انا مين

صح لسانك يالغلا
ولاعدمناك
ننتظر جديدك

ولك مودتي ..