<><>(( سلامتك يا ناعس الطرف ))<><>

سلامتك يا ناعس الطرف لابـــــآس = عساك تسلم من عناء كل عــــــــله
وعساني أتمتع بشوفك على ســـاس = إنك معافى في جمال وحـــــــــــله
وعساك ما تصبح مع الغير محتــاس = وعساك ما تلقى إهــــــــــانه وذله
وعسى عدوك داخل النار مقبــــاس = تآكل مناص الجسم دقه وجــــــله
صحيح هذا الوقت في مجمله قـــاس = وأكثر قريب من القرايب تمــــــــله
لكن حذرك يالغضي يسكنك يـــآس = ترى الأمل في الله شرع ومــــــــــله
ما دام أنا حولك تدلل على النـــاس = وأطلب ترى مطلبك مضمون كـــــله
والله لو مطلبك ينقصّ لــــــــه رآس = لاأنفذه ما قلت يا زين خَــــــــــله
وأدوس دربٍ بأول الدهر ما أنـــداس = وأحل دارٍ ما بعد حآن حـــــــــله
وأشرب شراب الموت كاسٍ وراء كآس = وأحل عقدة حبل صعبٍ تحـــــــله
هذا كلامٍ صدق ماهوب هوجــــــاس = وإن كان ما صدقت جـبـــت الأدله
دليل واحد يـفـهـمـه كــــــل درّاس = بالمختصر هرجي يكفيك قــــــــــله
والآدمي لاصار ما عنده إحســـــاس = أكيد في عقله ضمور وخِـــــــــــــله
واللي مع خله مراوغ وهـــــــــلاس = باكر يصير وحيد ماله أخــــــــــله
وتبهذله الأمراض ويصيبه إفــــلاس = وأكيد يخشى الموت ويخاف ظــــله

البتار الله يكفينا شرك زادو عليك العيار خفف لا ؟؟؟؟؟؟؟؟؟؟؟؟؟؟؟؟؟

بارك الله فيك وصح لسانك وقلبك إللي ضيعك ويكفي

والآدمي لاصار ما عنده إحســـــاس = أكيد في عقله ضمور وخِـــــــــــــله
واللي مع خله مراوغ وهـــــــــلاس = باكر يصير وحيد ماله أخــــــــــله
وتبهذله الأمراض ويصيبه إفــــلاس = وأكيد يخشى الموت ويخاف ظــــله

شاعر الابداع والامتاع
غرمان بن عزيز بيض الله وجهك على هذه
القصيدة الشامخة والتي اتضح من خلال نصها
وفاء الشاعر وصدق حبه واستعداده التضحية
بأي شيء في سبيل اسعاد من يحب
هنا كان صدق الاحساس هنا كان بوح المشاعر
لله درك كم كنت مبدع في هذه المعزوفة الجميلة

ولكن لي ملاحظة واتوقع أنها وقعت بغير قصد
في شطر هذا البيت


هذا كلامٍ صدق ماهوب هوجــــــاس
مفروض يكون هذا كلام الصدق عشان اللحن
وبرضه اللون الاحمر خطير يابو محمد

وفي الختام واصل الابداع والامتاع يا شاعر النظم...
تقبل تحيتي وفائق احترامي..
ولنا لقاء عند السد والغميلة والشاهي وما غرك ..
اخوك ابو نواف...

ابداع باصدق المشاعر وأعذب الاحاسيس
لاتُقاس بالمشاعر فقط بل بصدق الاحساس وعذوبته
من السهل ان تضحي من اجل صديق لكنه من الصعب أن تجد من تضحي لأجله
وهذا هو مايمكن ان يُطلق على مثل تلك

شكراً غرمان وصح لسانك ولاعدمناك والله
تقبل احترامي ولاهنت

اخووك

قصيدة رائعه بروووعة كاتب النص




ابحرنا معها في تذوووق خاص





اسعدني حضوري هنا





ووضع بصمة اعجاب





تقبل احترامي وتقديري

قصيده رائعة
يعطيك العافية

روعه روعه روعه روعه روعه من روائع الشعر يابو عزيز ,,

قصيده جميله من ابداعات رجل أجمل ,, ملاحظه بسيطه من تلميذك الصغير عجاج : البيت التاسع : دار ( مؤنث ) لو كانت بيت ( مذكر ) عشان القافيه بس ,,

وكذلك أرجو إعادة النظر في البيت ما قبل الأخير ,, ولك وافر تقديري وإعجابي بالقصيده الرائــــــــــــــــــعه .

بن ظافر / كل الحب والتقدير لشخصك الكريم 0ألف شكر لمرورك الغالي 0

أبو نواف / ما أطيبك وما أطيب ملاحظاتك وهذا مما يجعل النص يكتب بالمعنى السليم وعلى عيني ورآسي ولك ما شئت فيما شئت وما أطيب الشاهي والغميله في ذلك الموقع الجذاب 0تقبل مني اجمل التحايا واشكرك على المرور العذب 0

المسكت / ألف شكر لمرورك الكريم وعساك سالم وغانم ودمت بخير 0

الحلم الشارد / سسرت بمرورك فلك مني جل الحب والتقدير ولا خلى ولا عدم 0

إحساس إنسان / شكراً لك على المرور الطيب وعساك تسلم 0

عجاج السنيني / الله يعطيك لعافيه على المرور والملاحظه الطيبه بطيب قلبك وعلى عيني ورآسي ولا يمنع أن تبين لي أخطائي سواء الإملائيه أو المسميات ولكن من وجهة نظري إن الدار مذكر والله أعلم . أما اليت ما قبل الآخير فيجوز للشاعر ما لا يجوز لغيره حتى في نبرة الكلمة ونطقها وعفاك 0

المشاركة الأصلية كتبت بواسطة غرمان بن عزيز

عجاج السنيني / الله يعطيك لعافيه على المرور والملاحظه الطيبه بطيب قلبك وعلى عيني ورآسي ولا يمنع أن تبين لي أخطائي سواء الإملائيه أو المسميات ولكن من وجهة نظري إن الدار مذكر والله أعلم .
أما اليت ما قبل الآخير فيجوز للشاعر ما لا يجوز لغيره حتى في نبرة الكلمة ونطقها وعفاك 0

هلابك اخوي غرمان : ليست الدعوى املاء او تسميه ,,,, كما أن الدار مؤنث وكلامي متأكد منه ...
من ناحية البيت قبل الاخير
ملاحظتي فيه كالتالي : الشطر الثاني غير موزون والسبب هو حرف ساكن يأتي بعده حرف عله ساكن ايضا فيكون توقف في الكلام فلذلك كسر البيت ,,
واذا كان يجوز للشاعر مالا يجوز لغيره كان غدا الشعر عندنا ( مدري مذا يقول ويقول ومن حبنا ) ما يجوز للشاعر في أمور اخرى .. ولكن للوزن لا يجوز له اي شئ ,, ودمت مبدعاً ..

أقول يا عجاج إن طاعك السوق ولاّ طعه 0

نطيعه دامه على النفس راضي ,,,

الله يبيض وجهك ويسلم ذا يعرف إذا تناشبت العلوم 0