يازيــــــــــن شوف الحيا

السلام عليكم ورحمة الله وبركاته
قصيدة لراية الشعر((ابو فوار))
اتمنى ان تحوز على اعجابكم

يازين شوف الحيا لا لاح براقه=على ديارٍ رعدها سبق بارقها
يفرح بها العود راعي الشاة والناقة = يفرح بها الورع وايدينه يصفقها
ويضحك له العشب والاشجار تشتاقه= كن بركادته على الوادي يفرقها
من عقبها يارفيق الحبر واوراقه= كم الطواريق في صدرك تطرقها
لوهي تجيلك كذا من الباب للطاقة = ان كان حنّيت روحي من مفارقها
واحنّها من السهر والليل وافلاقه= واحنّها من البحر يا خوف يغرقها
وشلون وعيونهم لو جيت سراقه= وان رحت عنهم تقطعني مناطقها
والبحر لا جيت اغوصه غصت لأعماقه= اعوم واغرّب اليمّة واشرّقها
والرمح زراق والايــام زراقـــه= والجمره اللي تضم الكف تحرقها
والشي لا جا على حزّته له فاقه= ولا تعرف الرجال الا بمنطقها
في ساحة تقبل الجيد وتستاقه=لا شاب ماعاد تمنى مفارقها
والشاعر اللي عليها راكز ساقه = ان ماشرب مرّها مدبول ... فاحلقها
ترى الحيا له طعم لا شفت براقه= الذ من مزنة ما شيف بارقها

الغرانـــي ابداع جميل أ نت غالي ياغالي
شكرآ لك تفضل بقبول فائق احترامي وتقديري
al_mohajer

الغراني
صح لسانه والله ابو فواز وكثر الله من امثاله

اشكرك الغراني واشكر لك مانقلت

شمووخ

والبحر لا جيت اغوصه غصت لأعماقه=اعـوم واغـرّب اليمّـة واشرّقـهـا

يا سلاااااااااااااااام
شاعــر مبدع والله

الغراني
الله يعطيك العافيه ولاااهـنـت
وصح الله لسان ابو فـواز
وسلمت على النقل الطيب يا غالي
تقبل أطيب التحايـا

علي احمد العمري

اسعدني مرورك الكريم يا غالي

الله لايخلي منك

فالك الطيب

سيــف العرب

الله لايخلي منك
مرورك شرف


لك المقدريه والوقار

فالك الطيب