يطيح جفن الليل واهز كتفه :

يطيح جفن الليل واهز كتفه= نجمٍ يشع وباقي الليل مطفي
واحاكي الجدران عن وصف غرفه= ماتشبه الجدران ويطول وصفي
وتملني الجدران واظهر لشرفه= تحت السما واسكر الباب خلفي
ريحٍ تهب وتسكن العظم رجفه= وتموت ريح وتسكن اوراق نزفي
على الروابي تهطل دموع وطفه= وتصب لمع بروقها وسط طرفي
ياطاري الغدران والعمر رشفه=مع قلها ياليتها يوم تصفي
لحب واجد مير الاقدار صلفه= والأرض واجد لكن الحلم منفى
واللي اعرفه راح ماعاد اعرفه= ولاظن يذكرني الى أقبلت مقفي
ماهو حبيبي مورد القلب حتفه= ولا هو حبيبي يفرح بوقت ضعفي
مر ثمر هالليل وأمر قطفه= يالحنظل اللي قمت اذوقه بكفي
متى الشوارع تجمع اثنين صدفه= لا صار شباك المواعيد مجفي
يابنت تو الليل ماراح نصفه= وياليل بعض اللي مضى منك يكفي

بنـت تــو اللـيـل مــاراح نصـفـه
وياليل بعض اللي مضى منك يكفي

احساس وعشق رائع اخوى

ومدام معايا القمر مالى ومالى النجوم

سجل حضورى واعجابى

اسيره الحب

متأمل
ولليل وقفه

احترامي لمشاعرك لا ينتهي


رعاااك الله وصح لسانك

احترام
المسكت