~*¤ô§ô¤*~فجر ودمر بلادك..تدخل الجنه~*¤ô§ô¤*~

يسطر لنا عبد الرحمن بن مساعد أحلى صور الوطنية اثر الأعمال الإرهابية
التي قام بها مجموعة من الإرهابيين الذين لا يمثلوننا كسعوديين ولا يمثلون الإسلام والمسلمين

لله ربـي جـزيـل الحـمـد والمـنّـه=العـادل القـادر المتكـبّـر الرحـمـن
اللي عطـى فـي كتابـه رزقـه وأمنـه=لبـلاد مكّـه وطيبـه أطهـر الأوطـان
سبحانه أرسـل رسـول لإنسـه وجنّـه=باليسـر والمغفـره والرفـق والإحسـان
ماكـان فـظٍ غليـظ القلـب لـو إنــه=من حوله انفض جمْع و زعْزع الإيمـان
يالله صلّي على احمد مـا همـت مزْنـه=وما هلّت دموع طفل ومـا تلـي قـرآن
خلقـه عظيـم فكتابـك قلـت ذا عـنّـه=رحيم فينا رؤوف اكرم بشـر قـد كـان
ياحافـظ كتـاب ربّـك دارس السـنّـه=البر واضـح وضـوح الإثـم والعـدوان
علّـم كثيـر المجـادل تـابـعٍ ظـنّـه=لا روس حنّـا غدينـا وْلا هـم الأفغـان
لبـلادك المسلميـن نـفـوس ممتـنّـه=لبـلادك الكافريـن اتمـنّـوا الـخـذلان
للإسئلـه فـي الشـوارع شنّـه ورنّـه=وش وصّل الناس ذولا فوهـة البركـان
وشلون ينهي حياته فـي صغـر سنّـه؟=وشلون هذي المراحل توصـل الإنسـان؟
إن كـان ماهـو فـراغٍ.. يـأس يمكنّـه=ماهي حكايـة تديّـن.. مـا لهـذا شـان
أو هـي حكايـة فـوارق دنيـا منجنّـه=دكتور عاطل.. و يثرى لاعـب وفنـان
أو هـي حكايـة عـدوٍّ زاد فـي زنّـه=لين المسامع تعبّـت كـره .. واستهجـان
أو هي حكاية شفايف فـي الخفـا درْنـه=تلْعن صنيع الأيادي.. تبوس في الكتمـان
ياللي تكفّـر كثيـر الخلـق.. بـك جنّـه=كل هالخلايق مضلّه؟.. وش معك برهان؟
كل هالأمـم فـي جهنّم..كافـره عفْنـه؟=وانت الذي مسك دمّك ضامن الرضوان..؟
جنّه بعرض السمـا والأرض منْضمْنه=هي حكر لك مع رفاقك شلّـة الأعـوان ؟
يالله إقطـع ذيــول الـشـر والفتـنـه=و ردّ كيـد الأعـادي فْنحْرهـم خسـران
واكف البـلاد التقيّـه شرذمـه.. حفنـه=ساروا بدرب الضـلال ولبّـوا الشيطـان
فجـر ودمـر بـلادك .. تدخـل الجنّـه=افتـى بهـذا مشايـخ آخـر الأزمــان

وسيبقى هذا الوطن شامخا من شموخ
الغيورين عليه..
لوطني ولكم كل التقدير والاحترام..

سلمتي اخيتي

اختيار جداً موفق ورائع

ومساعد بالفعل شاعر متميز

تحياتي

بنت العز

راائعه غلا....ي
بمشاعر لشاعر اروع
لوطن كله حب
في قلوبنا

لك تحياتي

المسكت

بنت العز ... المسكت

الله يسلمكم والأروع حضور أقلامكم المتميزه ...
لكم تحياتي الخالصه بالأمتنان ...