بعد الوعد في ورطة

ايام الدراسة في الجامعة صحيت يوم الجمعة بدري ومريت على بوفية اسمها السعادة في الخبر اخذت لي سندوتشات وعصير وتوجهت مباشرة الى شاطئ نصف القمر وكانت الساعة لا تزال السادسة صباحا وفي الطريق اكلت سندوتشاتي حتى وصلت واخذت ابحث عن مكان بعيد وهادئ وبالفعل وجدت المكان وفي تلك الايام كانت الزحمة اقل من الان بكثير.. اللي حصل اني وقفت سيارتي ونزلت ووقفت لحالي امام البحروكان وقت الشروق والجو جميل وهادئ يعني ما ود الواحد الا يقعد ويسبح في بحر الخيال مع تلاطم الامواج الخفيفة لبحر الواقع.
المهم اني جلست شويه اتفرج واغني واستمتع بذا الاجواء الرائعة الين طلعت الشمس صح
وبدأ الجو يزداد حرارة قلت يالله خلاص بامشي
على بالي اني بس ادق سلف واحرك
المهم شغلت السيارة وحطيتها في الار او الريوس وادوس بنزين الا والله مكانك سر
اش السالفة
غرزت
نزلت وشفت الوضع لقيته ما يحمس
رجعت وحاولت استخدم كل فنون القيادة اللي تعلمتها
اروح قدام خطوة
وارجع ورى خطوة
وشوي شوي
الين غاصت الكفرات الخلفية في اعماق الارض
نزلت من السيارة وبدأت احفر من خلف الكفرات الخلفية واشيل التراب
رجعت وحركت ويا دوب نص متر الا السيارة بطنها لاصق في الارض
طبعا في ذا الوقت الشمس صارت في وسط السماء
ودرجة الحرارة اقل شي 40
وضغطي اقل شي 2000
اطالع يمين يسار
ما فيه احد
والسبب اني انا اللي كنت حريص في البداية اكون بعيد
المهم اجريت كل المحاولات اللي ممكنة واللي غير ممكنة ولا فيه فايدة
باختصار يا جماعة الخير حسيت اني بانفجر
حر وقهر وضيقة نفس وحالة يعلمها ربي
وجلست على ذا الحال اكثر من 3 ساعات
والمشكلة ان ما عندي ماء وبديت احس بالعطش
قلت ما لها الا ادقها كعابي
وبالفعل قفلت سيارتي ومشيت
تحت حرارة الشمس الحارقة في منظر يبعث الاسى والشفقة
وبعد حوالي كيلو حصلت صفيحة خشب ابلكاش
شفتها ووقفت
قلت ياولد
ليش ما تاخذ ذا الخشبة وتحفر وتحطها تحت الكفرة يمكن تطلع
لكن في نفس الوقت خفت بعد المشوار هذا ارجع وكمان شايل خشبة وما تطلع
بعد تفكير طويل قررت اني ارجع وقلت يالله عصفور في اليد ولا عشرة على الشجرة
خصوصا انه ما هو مضمون الاقي احد لاني كنت فعلا بعيد جدا عن اقرب تواجد محتمل للبشر في صباح الجمعة في ذلك المكان
المهم حطيت الخشبة فوق راسي ورجعت في منظر اكثر من منظر الذهاب طرافة هذه المرة
ووصلت السيارة وقعدت العنها واشوت الكفرات الين وجعتني رجولي
قسمت الخشبة نصفين واستخدمتها وحفرت بجنب الكفرات قد ما قدرت
ولازلت اتذكر والله العرق يتصبب من جبهتي مثل المطر
وكنت احس بقهر عليه لاني في غاية العطش
حتى اني فكرت اشرب من الماء اللي ينظف القزاز
المهم
بعد الحفر وازاحة الرمال حطيت خشباتي وتوجهت للقبلة ودعيت الله انه ما يخيب املي وكنت ناوي والله بس اوصل اتروش واروح المسجد
ركبت السيارة وشغلت وتوكلت على الله وما امداني اتحرك الا قربعة الخشب اللي تحول الى قطع صغيرة ساعدت الرمال في احتواء الكفرات والغوص اكثر واكثر في الرمال
الحين ابغى احد يقول لي اش اسوي
او احد يتخيل ويوصف الوضع
او احد يقول لي شي ممكن يخفف عليه الحزن والكمد اللي اصابني

طبعا ممكن احد يقول وين الجوال
لكن مع الاسف ايامها تو البيجر يغرد في الجيوب والشناط

فكرت وفكرت في ذا البلشة والمصيبة اللي حلت عليه
قلت الحين انا ميت عطش والقهر اني بجنب البحر
وكان امامي احد حلين اما اني انتظر احد من حرس الحدود يجي
او اني امشي على رجلي الين اما اطيح او الاقي احد
لكن كانت الشمس نار وما عاد فيني حيل ابدا امشي

طبعا تستغربون من اللي حصل
والله العظيم ما اكذب
شغلت السيارة وبدأت في محاولة اليائس
وقعدت حبه قدام وحبه ورى
شوي شوي
ما دريت الا والله السيارة بدأت تأخذ لها مجرى للخلف
قلت يالله والحيت في الدعاء
ونزلت وحاولت احفر اكثر واكثر
واستخدم بقايا الخشبة قدر المستطاع
وارجع للسيارة ادوس بحنان وبرفق
وشوي شوي والله ما دريت الا انا في الجزء الصلب من الشاطئ
والا السيارة محررة تماما من الرمال والتغريز

وقتها لا يمكن ان اصف شعوري
ولا احد يقدر يتخيل فرحتي
سبحان الله كأني ولدت من جديد
رغم كل المحاولات السابقة
ورغم كل الجهود المضنية
ورغم ان وضع الكفرات كان في اسوأ حالاته
الا انها طلعت وبدون مجهود
فعلا كان شئ غريب بالنسبة لي

ومن كثر ما كنت غير مصدق مشيت الين وصلت الاسفلت وادوس على الاخير
يعني طيران
واشغل المكيف
واحس بالانتعاش
حتى العطش خف كثير
ووصلت السكن
واتخذت عدة قرارات لازلت اعمل بها الى اليوم
اهمها
اني ما اطلع لحالي

بعد الوعد

وش قصدك ماتطلع لحالك ؟؟لاتسمعك المدام تتضايق بس ههههههههههههههه

انا بعطيك قرار احلى من قرارك الاول وش رايك تترك العمل وتجلس بالبيت هههههههه وتبيع السياره هههههههههه


لاتزعل بعد الوعد ترى امزح ههههه

هههههههه
هههههههههههه
ههههههههههههههه
ههههههههههههههههههه
ههههههههههههههههههههههه
والله معاناه وبقوه
عمومآ الحمد لله على السلامه

تحيات اميرة الحب

قصه فيها الطرافه المحزنه يعني ودي اضحك ولكن ما حصل يجعلني اتعاطف معك
صدقني انه حصل معي انا واحد الاقارب اشنع من اللي حصل معك0
فاقول حتى وان كنت لحالك او معك شخص فالمشكله هيه هيه
لذلك اعتبر قرارك قد يكون صائب وقد لا يغير من اللي حصل لك شي
عموما انتظر قصتي الحزينه الطريفه قريباً
لك تحياتي
اخوك
دباس الجارح

ههههههههههههههههههههههههه

ما ضيك كله مآآآآآآآآآآسي ياااا بعدالوعد ..

صرااحة إني رحمتك من كل قلبي ..

خااصة وقصة العرق والشمس والعطش والطفش والرومنسية الي وسط الشمس والكرف الي جالك من التحفير والتعب الي صادك من المشي ولحظات اليأس وقلة الحيلة .

أقترح عليك تدون مواقفك في كتاب مذكرات .

ما شاء الله كل يوم تجيب لنا قصة مآساوية .

بدااية بالعامل الهندي ( الحارس ) .. وقصة البسة ( القطوة ) ضعيفة الله .. وانتهااء بشاطئ الهاف مون .

في الاخير أقول لك الحمد لله على السلامة ..

وقول لي بعد ما نجوت بإعجوبه انت وفيت بنذرك ورحت صليت في المسجد ولا ....................

خخخخخخخخخخخ



خخخخخخخخخ

سمااا
اما قراراتك اللي اقترحتيها فانا بسوي مثل اللي جاء يكحلها وعماها
وعلى فكرة السيارة وللامانة انباعت قبل اسبوعين بعد ما جلست واقفة لمدة اربع سنوات متواصلة
لان حالتها الصحية كانت سيئة جدا وما قدرت افرط فيها لان لي انا واياها ذكريات جميلة
ولكن شفت ان بقاءها الى الابد مستحيل وبعتها ب 800 ريال فقط طبعا تشليح
تحياتي لك

اميرة الحب
شكرا لك وربنا يسلمك والقصة هذي صارت تقريبا قبل 9 سنوات يعني مداني تعافيت
اكرر الشكر

دباس الجارح
شف وانا اخوك .. ترى ما فيه اصعب من الوحدة في النكبات والورطات
على الاقل اذا صار معك احد يواسيك ويشيل عنك الحمل شويه
و على قولة اهل الديرة ( يسكنك )
وتكفى اذا حطيت قصتك انت ورفيقك اعطني خبر لاني يمكن انسى وما اشوفها
وودي اشوف اش حصل لك شكل فيها تراجيديا خطيرة
وتقبل تحياتي

سلطان القلوب
دائما انت خطير ياسلطان
وتركز على التفاصيل
عموما انا نسيت اقول في القصة ان العالم صلوا وتغدوا وشربوا الشاهي وناموا
وتوني انفض الغبار من يدي واتحرك في اتجاه المدينة
يعني فاتت عليه صلاة الجمعة
اقول لك يا اخي مأساة ومعاناة لن انساها
وقبل كم شهر رحت الشرقية وشفت المكان اللي كنت فيه ولقيت الدنيا تغيرت
صاروا الناس يخيمون هناك وصار فيه عالم وما ينقطع الموقع من البشر
وتقبل تحياتي

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه

الله يسعدك يا شيخ as)

الصراحه قصه تضحك وتقطع القلب <=== قصده تحزن خخخخخخ

والحمدلله على السلامه <<==== يقولك السالفه لها 9 سنوات as)

المشاركة الأصلية كتبت بواسطة بعد الوعد

ومن كثر ما كنت غير مصدق مشيت لين وصلت الاسفلت وادوس على الاخير
يعني طيران
واشغل المكيف
واحس بالانتعاش
حتى العطش خف كثير

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه

تخيلت شكلك وانت خايف لا تغرز مره ثانيه ههههههههههههههههههههههههههههههههههههههههه

بس صدق ياخي المفروض الواحد ما يطلع اماكن زي كذا الا معه واحد ...
على الاقل اذا نشبت في موقف زي هذا تلقى واحد يساعدك أو على الأقل يسولف معاك خخخخخخ as)

وقهرتني يوم تقول بعت السياره بـ 800 ريال خخخخخخخخخخخ كل شي له نهايه ...

أجل نهاية سيارة شجاعه خخخخخخخخخخخخ

على كل حال الله يعطيك العافيه يا بعد الوعد ...

والصراحه قصصك شي خاصه حقت البسه اللي اعدمتوه خخخخخخخخخخخخخخخخخخخخخخ as)

تقبل خالص تحياتي ...

والسلام عليكم ...

حياك الله يا محمد
نورت المشاركة بطلتك البهية

اما السيارة وانا اخوك فبصراحة ما صدقت انها انباعت بذا السعر
لانه يبغى لها اقل شي 6 الاف ريال حتى تعاود السير من جديد وتترنح
ومواصفاتها كابرس موديل 87 لون ذهبي
كان لي معها اجمل واحلى واروع الذكريات

اشكرك مجددا والى اللقاء في قصة اخرى

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه


لو انا منك بنتحر
حلوه القصه خخخخخخخخخخخخخخخخخخخ
تبكي واضحك وكل شي

شكرا لك يا بنتوتي على المرور والمشاركة
ولا اراك الله مثل ذلك الموقف
لكن تدرين اني من جد خفت اموت هناك
لاني قعدت الافكار تودي معي وتجيب والتخيلات من كل حدب وصوب
مرة اقول طيب لو جلست هنا يوم او يومين وما احد جاء اكيد بموت
ومرة اقول طيب لو مشيت في ذا الشمس اش ممكن يصير اذا ما لقيت احد
وحتى في الاخير صرت احاول اني ما اجهد نفسي بالحفر والمحاولات احتفاظا بالطاقة حتى يصل الغوث
لكن ربي ولله الحمد سلم