ابراهيم القبيلي يمدح العجمان

السلام عليكم ورحمة الله وبركاته

بسم الله الرحمن الرحيم

--------------------------------------------------------------------------------



قصه وقصيده من سوالف الرجال الطيبين :------------------
فيه شاعر يقال له ابراهيم القبيلي من أهل القصيم سكن فى انطاع بوادى العجمان ،راح يوم من الايام مع خوى له يقال له دخيل بن فهد
للقطيف لهم حاجه ويوم خلصت وصلوا للنعيريه وكان الوقت قيض والسيارات شوى وسمعوا ان به واحد يقال له (بين بن سويد العجمى)
يشتغل سايق فى الشركه قالوا خلنا ننشد منه ولا خذوا الا السياره اللى مقبله عليهم فوقفوها وقالوا لراعيها تعرف بين العجمى قال لهم تعرفونه الى شفتوه قالوا مانعرف الا سمعته الطيبه قال اركبوا ومشى موديهم لاهلهم فقال له القبيلي أنت بين قال السايق نعم انا بين قال القبيلي لصديقه دخيل بن فهد وش يقول راشد بن الذيب فى قصيدته المشهوره قال فهد :_



حالف ماخذ على الرجلى ريالـه
وبالثلاثه حالف انهـا ماتجينـى
لا لقبت اللى على الرسته الحالـه
يلتفت ويقـول ويـن الطيبينـى
اوقف الموتر حيا وابغى الجماله
يوم ولد اللاش وجـه مايلينـى
الصبى وان طاب طيبه من خواله
وبالخوال يسال قبـل الوالدينـى


لما سمع القبيلي هذه الابيات من خويه قال هذه القصيده وهم فى السياره مع بين :___________



يادخيل ادخل على منشى خيالـه
من ردى التوفبق عند الطيبينـى
يادخيل الله تعالـى فـى جلالـه
انزل الرحمه وهى للمستحينـى
من عطاه الله وقام بحـق مالـه
كل عمره بالسعد دنيـا ودينـى
والردى لاكثر ماله سـو حالـه
بالعنا والرزق لـه رب ظمينـى
من بغى درب المراجل والشكاله
من يرده مـن دروب الطيبينـى
المراجل ماتـرد مـن اهتوالـه
مثل (بين) يوم صار الها خدينى
نادر مجناه من منشـى خيالـه
بيـن بيـن وربعـه بينيـنـى
ربعه العجمان هم ساسه وجالـه
تردع الهقـوه بـرد الواهمينـى
واقص يقدح شـراره بشتعالـه
ما يكل مـن القسـا ولايلينـى
من هرج فيهم يقصر فى مقالـه
سلمهم عن سلم خلق الله يمينـى
عودهم كل يجـره مـن اقبالـه
ياخذ الفنجال قـدم الحاضرينـى
يوم عود القوم يقعد فـى ظلالـه
عارف لسلوم ربعه من سنينـى
لاتريض جارهم راض العشا له
وان حضر ولافهق جنب السمينى
منزل تستاهل البيضـا رجالـه
للـدلال وللربـاع مشيديـنـى
ولازبنهم مجرم حطـت حمالـه
يستريح بظـل رايتهـم سنينـى
كم عقيد خربوا حسبـة مصالـه
طاح طوله والسلـوم امنعينـى
عودوا عقب الطمايع والصيالـه
حسـر ومكسـر ومزمليـنـى
يالله يا المطلوب ياراعى العدالـه
جعلهم يـوم القطايـع سالمينـى
بنت يااللى ما مشت درب الفساله
ماتخايل راعى السبحـه بعينـى
احفظى عرضك بعدله واعتدالـه
غير (بين) هو وربعه لاتبينـى
والصلاه عداد ماتـذرى شمالـه
للنبى المصطفـى والمرسلينـى

اتمنى تعجبكم القصيده واتمنى انكم تسامحوني اذا غلطت بشي وشكرا لكم
تحياتي

راائعه والاروع منها مثل تلك المواقف
والعجمان والنعم فيهم والله وونعم فيك
شكراً لك ولاعدمناااك
إحترامي

يَ رِقِيقِ آإلمِشَآإعِرّ يَ آنّت ،
آصّدُقُكَ آإلقَوّلّ بِـ أَنّه لآ جَدِيدّ ،
" رَآإِئعّ آنّتّ كـَ آلعَآإدَهـْ " ،’

آإسّتَمِررّر

الله يعطيك العافية على هذه القصه والا بيات الجميله