مجارات الشاعر عائض الحارثي للشاعر ابراهيم العبيدي القحطاني

زاع قلبي زوعة الحر في رجم (ن) طويل= وزاع فكري يبني البيت ويسوي الجدار ياالعبيدي فالك الطيب والعلم الجزيل= صغت لب الجزل وانحيت في ذاك المدار من جبال الصيد ونيت بالصوت الثقيل= يوم سج القاف واطرا على تيك الديار الله الله يوم شفت المزراع والنخيل= بهجت (ن)حلت على القلب ما فيها كدار وانتهز من صافي الود لايام المقيل= تحت غرس (ن) مثمر الطلع منتوجه بكار نستمع طير المزارع يغرد بالهديل= يوم حل الطير في منحي غصني وطار شمسهاياخوك نسميه بالظل الظليل= وبردهاواقي لمن كان بالرمضاءاستجار يوم قفت كفت الشمس من ليل (ن ) مهيل= طاب ذاك السمر تحت المظله والستار نلعب المقطار ونسير في جو(ن) عليل= تحت نور البدر نطوي الفيافي والقفار حب بيشه يبري الظيم ويطب العليل= وحب بيشه في ظميري تلبسه الوقار لكن الله يمحى الجدب ويدمه بسيل= لين نبت العشب يكسيه من وبله خضار لو تنفس جو بيشه على ذاك المخيل= وبله الصادق يمر الهشايم والبوار ولو يجود الوقت ياخوك في عين البخيل= صارت كفوف الزحاحيل يلحقها غبار اذكرالماضي وقلبي على الماضي قتيل= ليت ذاك الليل يرجع على ذاك النهار والنهايه دمعي عيني على خدي يسيل = وياصلاة الله على خيرمن في الارض سار

الشاعر/ عائض حمود مفلح الحارثي

سهم المنايا



اشكر لك طرح الراقي

واختيارك الممتع

لك كل الود .,,

تسلم يا الغالي على هذا الطرح القيم بارك الله فيك
حب بيشه يبري الظيم ويطب العليل= وحب بيشه في ظميري تلبسه الوقار
لكن الله يمحى الجدب ويدمه بسيل= لين نبت العشب يكسيه من وبله خضار
لو تنفس جو بيشه على ذاك المخيل= وبله الصادق يمر الهشايم والبوار
ولو يجود الوقت ياخوك في عين البخيل= صارت كفوف الزحاحيل يلحقها غبار
اذكرالماضي وقلبي على الماضي قتيل= ليت ذاك الليل يرجع على ذاك النهار
والنهايه دمعي عيني على خدي يسيل = وياصلاة الله على خيرمن في الارض سار