♥ • صـفـحــات فـارغــة • ♥

مايغيب إلا الحضور وماحضر غير الغياب
.............................والعمر مشوار بين أحلامنا والمقبره

آه ياشين إنتظار الموت في عز الشباب
............................لكن أشين منه ذنبٍ .. ماسعى للمغفره

وآه ياعمرٍ تبعثر من يديني فالتراب
...........................والله إني بعدك إن واجهت همي .. لأشكره

ياسكون الجرح .. وإلا .. جرح ساكن فإغتراب
................................للمدامع في عيونك من سكونك غرغره

وإن سألتي.. ليه أجاوب؟ والسؤال أصلاجواب
................................وإن سكتّي ! ماسمعت لصمتك إلا ثرثره

والهوى..مزمار حاوي..والخفوق الهش.. داب

.. ...........................والوفا هو كسرة العود وحبيبك مبخره


خاب ظني .. والرجا ماخالف ظنوني .. وخاب
...............................ومن كثر ماأسهر .. لويغيم نهاري لأسهره

وكل ماغاب الحضور .. أنشد عن حضور الغياب
............................لين عمري .. مل من عمري وراح المقبره