غربة العمر

اليوم هذا حزن , وشعور فرقا , وكبت
دورت للشعر شي يردني مالقيت
كثر الفرح بالشعر زمان لامن كتبت
كثر الحزن للشعر هلحين لامن قريت
عرفت معنى حضوري بس من يوم غبت
ماعاد همي غلاف وصوره ومانشيت
خسرت ياما ولاعمري وقفت وحسبت
لو بحسب اللي خسرته فالحياه .. اغتنيت
صدقت هذا .. على هذا شرهت وعتبت
زعلت .. ماشفت احد همه رضاي .. ورضيت
في عز ماكنت محتاج لعطا .. ماطلبت
وفي عز ماكنت محتاج اني آخذ .. عطيت
ياغربة العمر طالت رحلتي ماقربت
تعبت خُطا الذاكره من كثر ماني مشيت
خليت حزني , وذكراي القديمه .. وجبت
حلمٍ نسيته ورى ظهر الليالي وجيت
جيتك بعد ماتعبت من الغياب وهربت
في داخلي حكي , خايف نبتعد ماحكيت
الصمت طوّل .. وانا من طول صمتي تعبت
ماعدت انا المشتعل , طار الفراش وطفيت
واليوم بعد التعب والحزن والصبر تبت
وخليت لك جرحك .. وخوفي عليك وسريت
يمكنّي أنساك لو طال الزمن واغتربت
ويمكن بتبقين فيني عايشه ماحييت
أحيان : صدقك صعب تخفيه لامن كذبت
لاقلت ناسي .. وصاح الجرح : لا مانسيت
::
\
\
|
للشااااعر "محمد الوسمي

تسسلم الأياااادي

رائعه لا هنت يا غالي

[ ..


يعطيك العافيه يــ { ــالـ غ ـــلا


طرح .. مميز وراقي


مودتي

..]

روعه وأبداع مميز

يعطيك العافيه على الأبيات االتى طرحتها

تقبلو خالص الموده والمحبه
هبووب الجنووب