تعالوا نغير نظرتنا في تعدد الزواج .. خلونا نتزوج أكثر من وحده

في الفترة الأخيرة وبسبب تزايد حالات الطلاق وانتشار العنوسة في المجتمع الخليجي والسعودي بالتحديد ، طالب أحدهم بالتعددية والحث عليها....

اللي ابي اقوله ، ليش ما يكون هناك حملة شعبية يتزعمها مشائخ وعلماء ورجال أعمال ومن خلال المحاضرات والندوات وأيضاء نوعية البرامج التلفزيونية ، تحاول تغيير نظرة المجتمع وأقصد نظرة النساء تجاه التعددية في الزواج ، يعني انا أقصد انو المسألة مسألة ثقافة يعني لو البنت مثلا لقت نفسها عايشة في بيت ابوها متزوج ثانية على أمها وأخوها متزوج على زوجته وأختها زوجها متزوج عليها ، أكيد هي راح تكون أصلا متقبلة أنها مثلا زوجها ممكن راح يتزوج عليها وتعيش في حياة مستقرة ومتقبلة الموضوع تماما ولا تعتبره خيانة عظمى مثل كثير من النساء.

اللي ابي اوصله أن المسألة مسألة وعي ، صحيح ان غيرة النساء لا يمكن ان تتقبل هالامر وهذا طبيعي لكن شوي شوي ومع زيادة مستوى الوعي من خلال ما ذكرت من المحاضروات والندوات راح تنحل كثير من المشاكل وراح نعيش كلنا في سلالالالالالالالالالالالالالام.

ايضا لازم معشر النساء يعرفون ان نظرة الرجل تجاه الأمر هذا هي نظرة طبيعية يعني ما يعتبرها خيانة او شي ، يعني الرجل يقدر يحب اكثر من وحده والأهم طبعا عشان ما تقولون اني مبالغ والأهم هي مسألة العـــدل (طبعا القلب ما راح يقدر يعدل وهذا شي طبيعي) لكن يحاول العدل في الأمور الاخرى

ما ابي اكثر عليكم لكن من هالموضوع هذا اقول خلونا نحاول نتقبل مثل هالوضع في سبيل خلق مجتمع اسلامي يعيش على العدل والمساواة.

شكرا وسامحونا

يعطيك العافيه

انا ضد التعدد والاسباب معروفه جدا

تتذكرون الكاتبه التي تقول للمراه حق ان تتزوج اربع رجال ؟؟


مقصدها يعني هل يهون عليك ان تتزوج اربع ولا تعدل يعني تخيل انك مكانها ماذا ستفعل ؟؟

امير الاحساس وش سالفتك ع التعدد اليوم؟؟
طبعا نحن نؤمن بالتعدد لاننا مسلمين بما جاء به القران والسنه
لكن نختلف في ان ليس كل الرجال يستطيعون العدل
ولن تعدلوبين النساء ولو حرصتم
الأمر النفسي مهم جداً مراعاته ولو قلصنا الضروريات للتعدد لوجدناها قليله جداً
ويمكن كمان الجانب النفسي فيها رح يختلف
بمعنى العقيم قد يهون الأمر عندها ان يتزوج زوجها من اخرى من اجل الانجاب
وكذلك المريضه ومن تتوفى زوجته قد يعذره ابنائه اما ماسوى فما عذره ودافعه ؟؟
بعدين لاتقول ان واحد يحزن على وحده لأنها ماتزوجت ويبغى يكسب اجر
طيب يحزن على زوجته ويراعي نفسيتها لأنها بتموت من القهر لو تزوج ..
كل الود

وحده وتخب عليه

وسوسو كفت ووفت ماعندي شي ازيده

تحياتي

في الاسلام الاصل هو التعدد .....

والعدل مطلوب بكل الاحوال

ماهو جدوى التوعيه للناس بالتقبل النفسي لتعدد الزوجات وبالذات النساء.. التعدد موجود في الأسلام ومشروط بالعدل والقدره ..

هل بإمكان كل رجل أن يفتح بيتين مع ضروف الحياه التي أثقلت كاهل الكثيرين ..
لن يكون هناك زواج بلا أبناء .. التكاثر بالبنين والبنات أصبح حمل كذلك ومعاناه في المستقبل من ناحية البطاله للجنسين والعنوسه للبنات التي طرحت موضوعك مشكوراً من أجل حلها .. فإذا بها تتفاقم من جديد ..
سوف يجاوبني البعض ويقول : الله ما خلق نفس إلا ولها رزقها ..

وأنا أقول صحيح ولكن إنظرو ماذا يحدث في الهند والصين ومصر وغيرها من البلدان التي تزايد عدد سكانها [البعض منهم سكن المقابر والبعض الآخر يفترش الرصيف]

لكن الباب بالطبع مفتوح لمن لديه القدرة الحقيقه لتحمل تبعات ذلك القرار ..
ســـنقول للعريس (راعي الفزعه) الف الف مبـروك وحاول أن تجعل فارق السن بينك وبين عروسك معقول بأن لايزيد عن 30 سنه وجهز الفان 17 راكب وسنافي والنيدو جداً رخيص ولاتهون البامبرز ..

طولت عليكم << بيقولون إنها خرعه من الثانيه ..
تقبلو وجهة نظـر

أمير الأحساس
يعطيك العافيه
كل الـود

رح وانا لك سند ..

شعار الحمله ..

(( التعدد من اجل المجتمع واستمرار الحياه ))

ياعزيي التعدد مشروع وكل بنات حواء لديهم علم بذك ومن اكبر مايؤمنون به
و يؤرق سعادتهم ومن هذا الباب فثقافتهم واسعه وسيكون شعارهم لا لا مهما كانت
الأسباب وهذا يأخي يعتمد علي الرجل ومدي إمكاناته من حيث العدل والنفقه
وتحمل مسؤلياته كامله في سبيل إنجاح تلك الرغبه فالزواج مشروع ومصير
الأولي ترضى وتستسلم للامر الواقع

يعطيك العافيه وتمعن في ردود الأخوات وستجد جواب لجرء من إستفسارك

تقبل فائق مودتي

السفير حلو الشعار هههههههههههههههه
سوسو انتي ليش حقدتي على التعدد في الشرع
وش ذنبي انا مشكورين على الردود جميعا

والله اذا انا مو حلوه ومقصره معه يرووح ويتزوج لاكن كذا من الباب لطاقه لا
ومستحييييل اخليه ((والمراه من طبعها الغيره ))يعني الوحده تبي زوجها لها هي وحدها
ومالها اي شريييك

امييييير كل الشكر والتقدير

يسلمو انثى صح كلامك الغيره اهم شي
بالحياة الزوجيه بس تكون في المحدود تقبلي احترامي تحياتي لك

أعرفلك قبيلة في المملكة الواحد ما يكمل عمره 30 سنة إلا و عنده ثلاث زوجات

بس المشكلة أن التعدد عند الغالبية يكون في سن الخمسين لا و ياخذ بنت بكر

إذا عمرك خمسين معليش أخذ وحدة مطلقة و عمرها فوق الخمسة و ثلاثين

بس عمرك خمسين تبي وحدة عمرها 16 سنة حرام

أقول يا شباب وحدة والله يعين عليها

الزعيم يالغالي يمكن الواحده ماتكون لك زينه مشكور ياااخوي على التواجد

المشاركة الأصلية كتبت بواسطة أميرالأحساس

الزعيم يالغالي يمكن الواحده ماتكون لك زينه مشكور ياااخوي على التواجد

يعطيك العافية يا أمير الأحساس

صح إن التعامل من وحدة إلى وحدة يختلف بس إذا كانت الأمور الأساسية في الحياة الزوجية قائمة على أكمل وجه فالأمور الثانية تتعدل إنشاء الله مع الوقت وإذا ما تعدلت ( لا بد من عصر المسمع ) عساها تفهم وتتعدل وإذا ما تعدلت مرة الله يعينك على الثانية ( وما تصاحبها من قلق )