براءة القناص(ياسر القحطاني)قصيده لياسر بعد الأشاعه السخيفه‎

بصراحة شي مؤسف اللي صار


ما اقصد قضية ياسر .. لا لا


أقصد الشعب السعودي إللي للأسف أكل لحم ياسر وهو حي


من فينا ما يغلط ؟؟ هذا إذا فعلاً ياسر غلط والقضية صحيح


عموماً ..


لاحظت إن اغلب الناس قام يزيد على السالفة ويرسلها لغيرة بزعمة جاب شي جديد وحقق إنجاز في حياته !


يا جماعة .. الله سبحانه وتعالى أمر بالستر


والستر من حق الجميع .. مشاهير وغيرهم


خافوا ربكم .. ترى كل واحد معرض لموقف شبية لهذا ..


وإذا ما تعرض له هو بيتعرض له واحد من قرايبة أو حبايبة


والمفروض نوقف كلنا مع ياسر بهذا الوقت مو نوقف ضده


ياسر قدم لكم بطولات وياما رسم الضحكة على وجوهكم يالسعوديين


حتى لو نفترض إنه غلط .. مو نطردة من الملة


الله لا يردها رياضة وتعصب دام بناكل لحم اخونا حي



(( مطــلع القصيــده ))


تكرم عن العيبة ويكرم شاربك يابوسعيد
يبطون ياوجة محلف ربع النمايم والكلام



ماني هلالي لا ولا ضد العالمي وإلا العميد
قبيلي وتاخذني الحميا للقحاطين الحشام


من روس قوم مالها في (قال زايد قال زيد)
فينا عقول تميز الشاهين من فرخ النعام


حتى لو إن العلم صدق أقولها عبر القصيد
كبوة جواد وكلنا نخطي ياعمي والسلام


لا منت بالأول ولا الآخر ولا أنت الوحيد
كل آدمي يخطي ويتعلم عدا خير الأنام


الواجب نوقف مع المخطي ولا نقعد نعيد
أخطاءة ونقعد نشهر به ونكسب بة أثام


يعني نسو (القناص) يومه للبلد دايم يصيد
قدمت لبلادك فرح وامجاد يا راعي السهام


يا(ياسر) الموضوع ماهو (منهو إللي مستفيد؟)
ولاهي بقصة رياضة أو تصاريح وملام


السالفة وشلون ينسى المسلم العلم الأكيد
بأن دم المسلم المؤمن على المسلم حرام


تناقلوا هالسالفة عبر المواقع والبريد
كلن يزيد شوي من عنده ويرسلها قيام


أنجاس يجري في عروق أجسامهم قيح وصديد
هذي وصوف إللي يدنس عرض عالين المقام


تكرم وتكرم لابتك قحطان والمجد التليد
يشهد بأنكم ياولاد مظيم قوم(ن) ماتظام


العز منكم زاد عز وفي ذراكم يستزيد
ما الله خلق فيكم سفية ولا جبان ولا هلام


قل (حسبي الله) واترك الباقي على رب العبيد
وإسلم وسلم لي على ربعك بإسم صبيان يام

وســلامتكم ..



عجبتني حيييل وأتمنى تعجبكم نقلتها لأنهُ يجب على أبناء الجنوب عامة الدفاع عن ابن منطقتكم الجنوبية سواء كنتم نصراويين أو اتحاديين أو اهلاويين أو .... وين حميت عيال الجنوب عشانه الضعيف من أهل الجنوب أشاعة عبيد الرياض وجدة والشرقية وين حميتكم يا شباب الجنوب المتهم بريء حتى تثبت إدانته وياسر بريء لأنهم ما أدانوه وهذي خطة ملفقه ومدبره له من زمان وإلا الشغلة جت عليه المسكين الوليد شرب وبنات وماعليه وسمعته عادي وإلا هذا من الشعب ومسكين يعني ماله الله الله ينصره على من ظلمه أتمنى ابناء الجنوب يقفون معه لأن السالفة لو تلفقت على أحد من الاعبين من أهل الشمال مثلاً قوموا شباب الشمال السعودية وقعدوها وأنتم وين ياشباب الجنوب وإلا طقعه ونص للأسف أني هذا الكلام يصدر من امرأة لكن يشهد الله أني أم وأفكر في أمه وأتمنى أن كل واحد منكم يفكر كأن ياسر أخوه بعيد عن التعصب الرياضي فيا ابناء الجنوب أبشركم أنا ما أحب الكرة ولا حتى أهتم بإي فريق حتى المنتخب بس ما أدري ليش جتني الحميه وياليت تحسون فيه ويكفي انه من ابنائنا من جنوب المملكة العربية السعودية ...

اللهم استرنا وأستر علينا وعلى ابناءنا وعلى شباب المسلمين عامة وابنائي شباب الجنوب خاصة اللهم فرج همه وأنصره دنيا وأخره وتوب عليه وأنصره نصر قوي عزيز اللهم آمين...

أختكم في الله (العسبلية).