يعني الحين انت واحد خــارج حدوود المـديــنــهـ ..!!!

مآتغيَّر شي .. لكن .. صار فاضي هالمكـان . .

يعني إنتَ شفت قلبي طحت مِنْ عيني وعينـه

[ كان ] لك قلبي" مدينه "

ولاحظ إني قلت :

كان !!!

يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان..؟!!

وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان

الخطا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !


[ عزِّتي ].. ما هي جديده آنا شامخ من زمان
إغسل إيدك من رجوعي وروح يا إبن اللذينه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه
تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك [ بحـرهـآ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! ؟هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه



من روآئـع المٌـبـدع .. [ أحمد الصـآنـع ] : )

قصيدته جمعت كل الكلام وياليت نفهم ونأخذ حتى جزء منه
الله يسعدك خانتي نظرتي على الاختيار

درر والله درر !!!

والله عجزت الاقي بيت يتميز عن باقي الابيات ,,,

بوتقه واحده من اللآلئ نظمت لتشكل عقدا من اللمعان والتوهج ,,,

اشكر لك انتقاءك ,,, ولك تقـــ ( خانتني نظرتي )ـــــيري ,,
ddfrad")

دايماً ذوقك حلو

تسلمين على انتقائك

فعلا دائما ذووق في القصائد الجميله والمعانى الجذابه

تقبل خالص الموده والمحبه

هبووب الجنووب

اسعدنــــــــــــــــي مروركم ..

يعجز اللسان عن وصف هذه القصيدة رائعة بكل ما تعنيه الكلمة من معنى

والله جيت أبي أمييز بيتين ولا ثلاث ماقدرت كلها على بعضها جميلة جداً

أشكرك على نقلك الرائع وبعدين دام هذا إنتقائك وذوقك في القصايد

ما جربتي تكتبين أتمنى أن تجربين يمكن تصبحين شاعرة المنتدى في يوم من الأيام وش يدريك

تقبلي مروري وتعليقي

أسيـــ الظلام ـــر