شعر منقول ؟؟

ياللي تقولين الــــشعر منك منقول =وزدتي على ذر الغبار الرمادي
قولي وقـــــولك مابعد مسمعه قول=كنه يقطع في صــــميم الفؤادي
يابــــنت عمي كان لو دار بالحول=ابتعرفي لامن زهمنا المنــــادي
ياقاتل ماحس بطـــــــــعون مقتول= ويا ساكنٍ ماحس طعم الــبعادي
يمكن تقولي شخص هايم ومهبول=بس اني ادله في علوم الرشــادي
انتي امــــــيره باللقب قول وفعول=حتى انا ماني من الناس عــــادي
جدي تعرفينه على الطيب مجبول=وابوي اشهر من حكم في العبادي
وانا قتلني غــــبن نــــــقالة القــول =رؤوس النعام اليا حصل به هدادي
جاني على وضح النقا منك مرسول =كنه درى في غربتــي عن بلادي
كنه يحس ان الكرى منه ما اطـــول =الا عظيم من الوله والســــــهادي
ان قلتي شويعر قلت يابنـــت لاحول= شعري تغلب فوق لهــــفة مرادي
شعري مشاعر قبل احـساس وميول=من قلب مطعونٍ وفي جو هــادي
وعدي ونفذته ولا يعــــــــرفه زول=قصدي التسلي مع بقايا عنادي
الا اذا بــــــاقي تقولين مــنقــــــول ؟؟=بانثر على شعري دموع الحدادي

بسم الله الرحمن الرحيم


صح لسانك يالغالي (عجاج السنينى) يعطيك العافيه على هذه الابيات الجميله الروئعه ونستنى المزيد يالغالى من أبداعاتك الرائعه

فالك التوفيق


هبووب الجنووب2008

جاني على وضح النقا منك مرسول
0000 كنه درى في غربتي عـن بـلادي

عجاج والنعم فيك مليون
قصيده بمجملها روعه
وبيت بأكمله إبداع

اصدق الود وسلم قلبك

اخووك

هبوب الجنوب شكرا لمرورك واطرائك العذب
لك تحياتي الخالصه

المسكت : اشكر مرورك الدائم واطرائك العذب وتناغمك الدائم . لك شكري وتحياتي

	ياقاتل ماحـس بطعـون مقتـول ويا ساكنٍ ماحس طعـم البعـادي أخي الكريم عــــجــــاج الســنــيـــنـــي كلمات رائعه بكل مافيها من معاني سلمت يمينك أخي الكريم على هذه الرائعه وصح لسانك ((فالك المليوووووووووووون)) لازلنا في انتظار جديدك وإبداااااااااااااااااااااعــــــــــــــــك

اميره بدنيتي : الف شكر لإطرائك الروعه كما اتمنى ان تكون القصيده في محلها واشكر لك اطرائك الخاص ولك تقديري الخاااااااااااااااالص