قــــدهــا وقـــدود...

#1 01-29-2007, 12:49 PM

قــــد هــــاوقــــدود

أناربتني الدنيا على جزل العطا والجود
ونفسي للوفاوالطيب وفعل الخير جزامه
واعارض منهج الهابط واوافق للصعودصعود
واسيرنفسي بعقلي مدام النفس هدامه
ولاتثربي البسمةولاكحل العيون السود
ولايقوى على قلبي صغيرالحسد واجسامه
أردالجودبامثاله وأقابل باالجحود جحود
وترى لاخيرفي رجل يوطي للردى هامه
وعندي مع هل العليامواثيق وثلاث عهود
أوفي له مطاليبه واوده وارفع اعلامه
أعايش مركب الدنياعلى متن القدر مولود

أبعرف هوصحيح ان القدربالناس دوامة؟
ومن وين الزمن مقبل والى وين الليال تقود؟
ومن في هالزمن يقدريوجه خطوة اقدامه؟
ومن له بالزمن غايةومن عنده هدف منشود؟
ومن مناقدر يعرف خفايا مقبل ايامه؟

عرفت ان الشقاباقي،عرفت ان الحسد موجود
عرفت ان القدريفرض عليناباسوأ أحكامه
لقينابالعرب حسادوشفنابالعرب محسود
وبه ناس لناضامت،وبه بالناس منضامه
ونقص بعضناخوه وينقصناوفاء بوعود
مدام أن الحسد باقي وبعض الناس نمامه
ولاترجى بهاالدنيامن ربوعك يجيك اسنود
ولاتشره على رجـــل عيونه خانت اقدامه

وقابل خطوة بخطوةوجازي بالصدود صدود
تناسى غلطةالصاحب عليك بلحظة اخصامه
ولاتخطي ترى لصبرالحليم الياسلاك حدود
تروى واعرف بضرب الحديد تفكك لحامه
تجنب كسرةالخاطرولوحبل الزعل مشدود
تراك بكسرةالخاطرحكمت القلب بعدامه

ولاتزعل على رجل بذل لك ولرضاك جهود
ولاتامن من الحسادرضاه ورفعة ابهامه

نبي نصبرعلى الدنياقلوب بالحياة زهود
مدام ان البخت عيت توفق رمعة سهامه

واناماقلتهاراجي ولااطلب بعدها مردود
ولكن الفتى وده يحقق جمله احلامـــــــــه
وبمشي لآخرالدنياولوكل الانام اقعود
وعن وجه الزمن بكشف حقيقه وارفع الثامه
صحيح اني صغيرالسن ولكن (قدهاوقدود)
واناعندي مع الدنيامواقف ترفع الهامــــة
طموحي يملي العالم ولابه للطموح قيود
مدام ان الامل طبعي (عرين وصرت ضرغامه)
خلقناالله من ترابه ولأحضان التراب نعود
تحت رمل الثرى نبقى تغطي جسمنا خامه
سلفنا مالحقناهم تحت قاع التراب رقود
ولايبقي من الميت ســوى ذكراه وعظامه
ولوطال العمرفاني وترى عمرالفتى محدود
وكل يطلب المولى يبيحه يحسن ختامــــه
وانابلغت بلساني وربي والأنام شهود
وصحف البينة جفت وعنهارفعت اقلامه

01-29-2007, 12:50 PM

م ن
ق و
ل

01-29-2007, 12:55 PM

أبعرف هوصحيح ان القدربالناس دوامة؟
ومن وين الزمن مقبل والى وين الليال تقود؟
ومن في هالزمن يقدريوجه خطوة اقدامه؟
ومن له بالزمن غايةومن عنده هدف منشود؟
ومن مناقدر يعرف خفايا مقبل ايامه؟

يسلـمك ربي أميــرة الــورد على هالنقل الرائــع ولا عدمنــاك ،،،

تحيــــآتي ،،،،

77777
7777
777
77
7

***** ولـ(آل عطيفة)ــد *****

01-30-2007, 10:44 AM

يسلمك ربي ياولد آل عطيفه ومشكور على ردك ولا تحرمنا تواصلك

تحيا111تي

01-30-2007, 06:52 PM

أميره الورد .....أميرة باختيارك ..

01-31-2007, 12:48 AM

اميرة الورد اشكرك على هالمشاركة الجميله والرائعة تقبلي مروري ولا تحرميننا من الجديد

01-31-2007, 01:23 AM

أميرة الورد الله يعطيك العافيه على هذا النقل ولكن أتمنى أن يكتب أسم الشاعر لتكمل الروعه وشكرا 0

02-09-2007, 09:30 PM

العمريه تسلمي يالغاليه
ومشكوره ياميره

تحيا111تي لك

02-09-2007, 09:32 PM

الطير الحزين ياهلا فيكـ واشكركـ على ردك وعلى مروركـ

تحيا111تي

02-09-2007, 09:35 PM

غرمان بن عزيز هلا وغلا فيكـ ومشكور على ردكـ ومروركـ والشاعر والله ماعرف من هو انا قرأت القصيده في منتدى وعجبتني ونقلتها لكم ومو كاتبين اسم الشاعر

تحيا111تي