انصفوا اهل الدين يالربع... واعطونا رايكم

سلام عليكم ياخلق الله .. !!


ما كنت أتمنى أشوف اليوم إلي يكتب فيه احد في منتدى بني عمرو او اي منتدى اخر ويسيء للاسلام ..
لكن الله المستعان ..

=======================================

التدين المغشوش..

أحترم الدين .. لكن ليش أهل الدين كذا .. ؟؟

ملتحي .. ويفعل الفاحشه في إمرأه .. مقطع مخزي .. (هؤلاء الهيئه حقتكم ) ؟؟

الدين يحث على الخير .. لكن جارنا الملتزم .. يضرب زوجته .. !!

عبارات لا تنتهي .. إلى متى ؟

ليه كذا يا حبايبي .. ؟؟

نبي نحل العقده من أكثر مكان

وجهة نظر .. تعبّر عن رأيِ ..


أولاً .. لا يوجد شي إسمه مطوع ولا ملتزم .. ولا .. ولا متدين

حنا كلنا مسلمين .. لماذا هذا التفريق ؟
نختلف فقط في إتباعنا في السنه .. قد ترى ملتحي .. كذاب .. وقد ترى حليق صادق صدوق .. ليس عجيب

كان من الصحابه من يشرب الخمر ويجاهد .. !!

فياليت ما ننسب الأعمال السيئه للدين .. ننسبها لصاحبها ..


هذي أول نقطه .. هل تتفق معي فيها .. ولا كيف ؟




النقطه الثانيه

الناس أجناس .. ومستويات .. أصابع يدك ما هي سوا

فشيء طبيعي .. يكون فيه أمثال سيئه .. في كل طبقه من المجتمعه..
ليش نستغرب لما نشوف ملتحي .. يشرب دخان .. أو يفجّر في نفسه والمسلمين !


ياخوي طيب وش ذنبي أنا الملتحي .. الصالح ..
وش ذنبي أمشي والناس كلها تطالع فيني وتقول .. شوفوا أبو (تنوره) ذا .. تراه منافق يحسب الإلتزام بالثوب القصير .. والوجه المشعر .. !!


أنا ليس لي أي علاقه في أي غلط يبدر عن ملتحي .. انا أتحمّل أغلاطي فقط ..
ولن أُسأل أمام الله إلا عن نفسي ..

فياليت ما ننسب الأعمال السيئه لأهل الدين .. ننسبها لأهلها

هذي ثاني نقطه .. هل تتفق معي فيها .. ولا كيف ؟





ثالث نقطه .. والأخيره .. لكي لا أطيل عليكم



لماذا المجهر على من يسمون بالمطاوعه فقط .. ؟؟
قد شفت واحد يشوف حلييق يغازل .. ويقوول شف ذا وش يسوي .. ؟ .. لا

طيب لو شفت ملتحي يسوي كذا .. وش بتقول .. ؟؟
أحلف إنك بتصوره الجوال .. !!

ليش نحط المجهر على المتحين .. ياخي وخروا عنّا ..
داري بتقولون .. أنتوا تمثّلون الدين .. أنا أقول .. طيب وش ذنبي .. إذا فيه ناس ما تفهم .. ؟؟
ياخوي كل واحد يمثل نفسه .. والعمل الصالح يمثل الدين ..

قالوا لك الملتحي ذا الرسول .. عشان تنسب عمله للدين دايركت ..

فلا تتبعون عورات الملتحين .. وتتبعوا عوراتكم .. !!

هذي النقطه الثالثه .. هل تتفق معي فيها .. ولا كيف ؟



وفي النهايه .. لو كنت أنا ملتحي .. وثوبي تنوره على قولتكم ..
وماني مضبووط .. !


وش أسوي .. ؟؟
أحلق لحيتي .. أطوّل ثوبي عشان ترتاح يعني ؟؟

ياخوي هذي واجبات .. مثل أي عباده أخرى .. متى راح نفهم ..
أنت المفروض تصلي .. والمفرووض تصوم بعد .. صح ؟ ... بعد المفرووض تقصّر ثوبك وتعفي لحيتك !


هذا مظهرنا الإسلامي .. والله عيب علينا .. حنا مسلمين ..




خاطره مرت في صدري مرور السلام .. كتبتها على صفحات العاصمه ..


ارجوا أن نرتقي قليلاً .. ونترك هذه المواضييع ...


تحياتي



منقول

أخوي الشرقاوي تحياتي لك على هذا الطرح الرائع

وبصراحة انا عن نفسي اتفق معك في كل النقاط

لكن مجتمعنا هالايام.....الله يهديهم بس.!

طرحك مميز ولك خالص تحياتي




ولــــــــــ(آل عطيفة)ــــــــــــــد

الف شكر يا وادي العطيفة على المرور....

ما قصرت يا ولد العطيفة

اوافقك انه لا يصح ان نعمم

على الجميع بذنب شخص واحد

الشرقاوي

بارك الله فيك وفيما طرحت
أوافقك أغلب النقاط .... ولكن لا أعتقد أن أحداً من الصحابة
كان يسكر ويجاهد !!!

الإيمان في القلوب وليس في الأشكال ....
معك في عدم التعميم على الملتحين فهناك الكثير منهم قدوة صالحة
وهناك من نسأل الله له الهداية والعودة إلى طريق الحق .

الشرقاوي الله يحييك ..

هذا هو اللي حاصل فعلاً والكلام اللي ذكرته بصراحة كله صحيح..

ولكن يبقى هناك الرجال الملتزمين قولاً وفعلاً .. سواء ملتحين أو غير ذلك ..

المسألة مسألة فتنة وحصلت وأصبح هناك من يتلبس بالدين لتحقيق مآرب خاصة

والعياذ بالله ..

أضف إلى ذلك أن هناك أعداء حقيقيين للدين الاسلامي دعموا الفكرة جيداً من أجل

تشويه الدين وأهله ..

فأصبحنا فعلاً في حيرة من تنوع الشخصيات أمامنا .. رغم من أن الأمر واضح وجلي ..

هذا رأيي وبصراحة .. ولك التقدير ..

اخي الشرقاوي جزاك الله خيرا وموضوع جدا مهم في هذا التوقيت بذات بعد ان تكالب اشباه الرجال على الاسلام من كل جهه 0

ولكن هؤلاء يسيؤن الى الدين عن قصد فأكثرهم من ابنائتا ان لم يكونوا جميعهم اي انهم درسوا التوحيد وعرفوا احكامه وتعلموا الولاء والبراء ولم يطبقوه عن قصد منهم واذية للاسلام والمسلمين 0

وهنا اريد ان انبه الاداره عن مثل هذه المواضيع او بعض الردود التي تقدح في الاسلام واهله من علماء سابقين وحاليين , ام انهم ينتظرون الطوام من هؤلاء (اشباه الرجال ) 0

اتمنى من الاداره ان لاتهمل مثل هذه المواضيع فهم المسؤلون امام الله بما يدار في هذا المنتدى , ووفقهم الله الى حفظ دينه واعلاء كلمته 0

تحياتي للجميع ,,,

الشرقاوي اشكرك
والله صادق بكل صرحة اقول يا أخي كل من يكتب وبالأصح يتفلسف في الدين واهل الدين هم اناس فشلوا في كثير من المواضيع وبصراحة يبغون يعملون بلبله واثارة مواضيع للشهرة لا اكثر احدهم كنت معه نتحدث يكتب في هذي المواضيع اجده غير مقتنع حقيقة بل يحاول يقتنع
المشكلة انهم يحاولون استغلال الفرص وتصيد الزلات الغير مقصودة من من الناس لا يخطأ كلنا نزل ونغلط لكن ليش اهل الدين بالذات هم المقصودين في كل مشكلة ناس ضعيفي ايمان وتقوى من شوه صورة الدين هم شباب توهم ملتزمين صراحة اخذوها شده وشوشرو على اهل الدين انا لان اطيل اترك لكم النقاش لكن تأكد يا الشرقاوي ان الدين واهل لان يطيح بهم كلام منمق علماني ولا غيره صدقني الدين عز ومن اعتز به اعزه الله فلا تخاف الله يمهل ولا يهمل

موضوع في غاية الاهميه لتصحيح بعض المفاهيم عند الكثير من الاشخاص

اشكرك من اعماق قلبي

الاخ/ الشرقاوي،

شكراً لطرحك ونقلك لهذه المشكلة الهامة،

فتعميم مشكلة خاصة على عامة الملتزمين لها مقاصدها السيئةً لتشويه الدين ومبادئه السمحة والملتزمين به

فقد وظف الأعداء له أعداء ومخالفين من أبناء العالم الاسلامي وخرج علينا فيئات ومسميات لم نعهدها من قبل

مثل التقدميين والحداثيين والعلمانيين والمذوبين وكلها تصب في تذويب الهوية الإسلامية لينتهي غريباً كما بدأ غريباً،

نسأل الله الثبات على الحق والسنة المطهرة،

وللجيمع تحياتي،،،