يعلم الله انها قصة ابكتني من جد!!!

--------------------------------------------------------------------------------

السلام عليكم ورحمة الله وبركاته

أسعد الله صباحكم ومسائكم
اسف على طول القصه

قريت امس قصه خياليه وعلى الرغم انها خياليه الا انها اثرت فيني كثير وأبكتني

القصه بعنوان ( أمل و الزمن )

امل بنت شابه في بداية حياتها الا انها عاشت في طفولتها حياه بائسه وحزينه بسبب

مسلسل هوشات امها وابوها واللي انتهى بالطلاق

امل كانت دايما وحيده ومثقله بالهموم والضغط النفسي اللي سببوه لها اهلها اللي نسوا

معنى وواجب الابوه والامومه ونسوا الحنان اللي كان من المفروض يعطونه لبنتهم

عاشت امل محرومه من الكلمه الحلوه من امها وابوها عاشت محرومه حتى من البسمه

اللي ترتسم على شفاها عاشت وحيده مهمومه ما عندها من تشكي له همها

بعد طلاق امها وابوها بسنه ونص تزوجت الام وكان وقتها عمر امل 5 سنوات وتركتها

عند جدتها.

مسكينه امل بهالعمر منو يصدق ان طفله صغيره بريئه اتحس باللي اتحسه امل لكن مع

الاسف هذي حقيقه ما نقدر انغيرها

عاشت امل عند جدتها ( ام امها ) وجدها اللي حاولوا انهم يعوضونها بكل ما يملكون

ويرجعون البسمه لشفاتها حاولوا يعوضونا عن الحرمان العاطفي اللي انحرمت منها

لكن ما قدروا

صارت امل بنت انطوائيه بسبب الحاله اللي كانت عايشه فيها صارت اتحس انها مخلوق

غريب على هالعالم اتحس انها مختلفه عنهم صارت اتقارن نفسها بالاطفال اللي بسنها

قامت اتقول بعقلها الصغير بان الاطفال اللي معاها بالروضه عندهم اب وام بس انا لا ....

قامت اتقول كلهم بالهده ( نهاية الدوام ) ياخذهم امهم وابوهم وانا لا بابا عود ( الجد ) او

ماما عوده تاخذني ........ ليش ما عندي ام ........ ليش ما عندي ابو .... ايه اكيد انا

سويت شي غلط علشان جذي صار فيني هالشي

تخيلوا هالكلمات اتقولها طفله عمرها 5 سنوات يا الــــــــــلــــــــه شوفوا اشكثر مهمومه

هالبنت

مرت سنه وصار لامل اخت من امها قامت اتشوف اهتمام امها باختها بكل الم ومره من

المرات كانت امل قاعده عند امها ومتضايقه وايد وكان باين على ملامحها ولاحظت امها

هالشي لكن ما قدرت اتكلمها لان بهالوقت كان في زوار يهنئون الام على المولوده اليديده

وبعد ما مشوا قالت الام :

الام: امل

امل : ........ ( سرحانه )

الام : امل ......... امل

امل : هااااه نعم ماما

الام : اموله اشفيج يا ماما

امل : لا ماما مافيني شي

الام : اكيد اموله

امل : ايه ماما

الام ما عجبها حال بنتها لان مو اول مره اتشوفها بهالحاله فراحت الام ( ساره ) لامها

ساره : يما

الام : هلا يما ليش قمتي من السرير انتي لازم ترتاحين

ساره : ماعليه يمه بس امل يمه مو عاجبتني من زمان

الام : اي والله يا بنتي امل دايما بهالحاله يا بغرفتها بروحها او معانا بس بالها مو عندنا

وحاولت انا وابوج انطلعها من هالعزله هذي بس ماكوا فايده وترى يا بنتي امل اللي فيها

منكم انتي وابوها

ساره : احنا

الام : اي انتوا نسيتوا تعطونها حبكم وحنانكم والتهيتوا بمشاكلكم وبعد زواجج كل ما زرتينا

ورحتي ، اشوفها لما اتودعج وقلبها يتقطع على روحتج .... اما ابوها اللي ما يتذكرها الا

كل شهرين ثلاثه

دمعت عين الام ساره على اللي سمعته لكن ماباليد حيله اللي صار صار

امل كانت اتنام عند امها بالفتره اللي كانت الام عندها وفي ليله من الليالي قعدت الام على

صوت بجي بصوت خافت ومخنوق التفتت الام على بنتها لقتها امغطيه راسها بالبطانيه

وتبجي بحرقه

ركضت الام بسرعه لبنتها واحضنتها بهاللحضه هذي انفجرت امل من البجي لانها خلاص

قلبها الصغير ما قدر يتحمل هالهم اكثر ولاحساسها بحنان امها لما ضمتها على قلبها

هدت الام بنتها ولما هدت قامت تتكلم معاها وتبيها اتفرغ اللي بقلبها

الام : اشفيج يا حياتي اشفيج يا دنيتي قولي لامج

امل : ماما مافيني شي

الام : ماما فيج شي اللي مافيه شي يبجي جذي وكله قاعد بروحه

امل :ا ماما خلاص مافيني شي لا تتضايقين

الام : ياماما اذا ماقلتيلي اكيد بتضايق

امل : لا ماما خلاص .... ماما ... ليش انا جذي

ليش انا ما عندي ابو وام اعيش معاهم وانام عندهم كل الاطفال اللي معاي بالمدرسه

عندهم بس انا ليش ....... ولما اتصير عندنا حفلات التفوق ليش كلهم ابوهم يجيهم

وانا بس بابا عود يجي .... ماما، بابا ليش ما يحبني ... ماما بابا كل ما يجي عندنا يلعب

مع عبودي ولد خالي وانا لا وكل عيال عمامي وخوالي يلعبون مع ابوهم وانا لا بس مع

بابا عود .... ماما انا كل يوم اشوف عبودي امه وابوه يشيلونه ويلعبون معاه واانا لا

...... ليش ماما انا سويت شي غلط وربي عاقبني عليه ؟؟؟؟؟

اهني بعد ما سمعت الام كلام بنتها قامت تدمع اعيونها مع انها كانت اتحاول تمسك نفسها

بس جدام هالكلام اللي اتقوله بس صغيره منو يقدر

امل شافت ادموع امها وقامت اتمسحهم واتقول

امل : ماما .. ماما خلاص لا تبجين كله مني انا

الام : لا ياماما مو كله منج يا ماما انا وبابا كلنا انحبج وعمامج وخوالج وماما وبابا عود

كله يحبونج ويشترون لج هدايا صح

امل : صح

قامت الام تشرح لبنتها واتخفف عليها همها اللي اثر عليها وعلى نفسيتها

مرت السنوات وصار عمر امل 14 سنه وفي زياره ابوها لها بلغها بانه انسان كبر وانه قعد كل هالسنين عشانها وانه يحبها ويهتم فيها ومحتاج شخص يهتم فيه عشان جذي خطب وحده وبيتزوجها بعد شهرين

انصدمت امل من كلام ابوها اللي من الصدمه حست الدنيا تفتر فيها لكن كل اللي اقدرت اتقوله له مبروك وفي بالها اتقول انت من متى اهتميت فيني او حبيتي او حتى لعبت معاي وحسستني بحبك وحنانك انت كله لاهي مع نفسك وشغلك وسفراتك

بعد ما طلع ابوها راحت امل تركض لغرفتها تبجي ولحقها جدها
الجد : افاااااااااا اموله الحلوه تبجي ليش يا بنتي منو اللي امزعلج خليني اوريه الشغل
امل ماقالت شي لانها مو قادره تكلم من كثر ما تبجي
الجد : بس يا بنيتي بس يا قلبي انا ما احب اشوف الدموع بعيونج الحلوه بس يا يبه قطعتي قلبي

حضن الجد امل وقامت اتقول
امل : يبا تكفىلا اتهدني ابروحي يبا انت ابوي اللي ربيتني وتعبت علي يبا انت اللي اتحبني واتخاف علي تكفى يا يبه لا اتخليني مثل ما ابوي خلاني

تالم الجد بهذه الكلما وما قدر يقول شي ونطر لين ما امل نامت وطلع

في اليوم الثاني قامت امل امبجر وقعدت اتفكر بحالها وانه ابوها بينساها وماراح يحبها ولو انه هو من اول عاديه بالنسبه له لان هي كانت اتحبه ..... الـخ

دخلت عليهاالجده واقطعت عليها حبل افكارها
الجده : صباح الخير يا حياتي اشوفج قاعده امبجر اليوم
امل : صباح النور يما
الجده: يالله يما قومي توضي وصلي وانا بروح اسويلج ريوق ولبسي مره وحده لان امج وعمج يايين ياخذونج عشان تطلعون
امل : يما لا ما شتهي
الجده : لا يا يمه قومي لا اتزعليني منج
امل : لا يمه كلش ولا زعلج انتي وجدي كل شي في حياتي ومالي غيركم بهالدنيا تاثرت الجده بهالكلام وطلعت بره الغرفه وعيونها تدمع
نزلت امل وتريقه شوي عشان خاطر جدتها وبعدها وصلع عمها وخذوها معاهم

طلعتها هذي مقصوده بسبب اللي صار لها امل بسبب ابوها وكانوا يبون ينسونها ويخففون عنها بس على الرغم من محاولاتهم الا انها كانت كل شوي تسرح
عمها زوج امها انسان وايد طيب ويخاف ربه وكان يعتبر امل مثل بنته كانت امل تكسر خاطره فقال لها بوقتالغدا
العم : اموله وين ودج اتغدينا اليوم
امل : براحتك عمي باي مكان تبونه
الام : اموله مصيرنا ببايدينج ترى احنا يواعا يالله وين تبين
امل : عادي باي مطعم قريب من اهني
العم : تدرون اشلو الربع قالوا لي ان في مطعم يديد ووايد حل اشرايكم انروح له
امل : اوكي
وبعد دقيقه
العم : اموله ودي اطلب منج طلب وانتي براحتج
امل : امر عمي
العم : امل انت مثل بنتي وانا احبج وايد واذا كنتي تعتبريني مثل ابوج ناديبي يبا

افرحت امل وامها من كلامه ووافقة ولما ردةالبيت قالت لجدهل وجدتها عن اللي صار وهم بعد استانوا وايد من وناستها ولانه هالشي بيضيف لها وايد وقالت لهم انها تبي اتروح عرس ابوها
واهني احتاروا يرفضون او يرضون لان اخر شي رضوا علشانها
فقررتة الجده انها تاخذها لاحسن مصمم بالديره واتفصل لها افخم بدله عرس واتوديها لارقى صالون بالديره

وفي يوم العرس كانت امل احلى البنات واجملهم بطلتها وكانت ماسكه عمرها وتتظاهر بالسعاده وهي من الداخل حزينه وكانت ترقص وتضحك وبداخلها الم ماينوصف

خلصت الحفله وكانت امل حديث الناس بطلتها ورقتها وجمالها واخطفت اضواء الحفله من العروس وهذا اللي خلى مرت ابوها تحقد عليها


في نفس اليوم سافر ابوها لشعر العسل

وبعد العرس بجم يوم زادت حال امل سوء فكانت كل يوم اردى من الثاني
فقرر جدها بانه يروحون عمره علشان ترتاح نفسيتها

فعلا بعد ماراحوا هدت نفسيه امل وردت البسمه لشفاتها

مر شهرين بدون خبر عن ابوها وهذا اللي ضايقها اكثر واتعب نفسيتها وبعد 15 يوم مرها ابوها فقامت اتسلم عليه بشوق وحراره لكن هو كان سلامه بارد فلامت ابوها على انقطاعه عنها وبرر هالشي بانشغاله بالشغل

كانت حجج الاب مو منطقيه ومو مقبوله لكن امل رضت بامرها وطلبت من الله العوض

وبعد جم شهر صار لامل اخ من ابوه وكانت اتشوفه شلون يحضن ولده ويحبه ويلعب معاه وتتحسر لانها حتى الضحك ماكان يضحك معاها

كبرت امل وصار عمرها 17ونص والقدر لعب لعبته معاها
كبرت امل وصار عمرها 17ونص سنه والقدر لعب لعبته

قرر كل من الجد والجده انهم يروحون للحج بالسياره وبسبب ظروف الدراسه خلوا امل وللمره الاولى عند امها الين يردون

اول مره الجد والجده يخلون امل بروحها لكن سبحان الله هذا القدر

بعد ما حجوا الجدين وقضوا فرضهم قرروا انهم يردون للديره وكانوا محملين بالهدايا اللي كانت اغلبها لامل بنيتهم الصغيره ( حفيدتهم ) لكن اثناء الطريج انفجر تاير ( اطار ) السياره وبسبب السرعه ماقدر الجد يتحكم بالسياره وكانتالنتيجه انقلاب السياره اكثر من مره وموت الجدين

انصدمت امل لما سمعت الخبر في نشره الاخبارواعلان اسماء الضحايا وصار فيها انهيار عصبي شديد جدا فاغمى عليها وماصحت الا وهي بالمستشفى

لما صحت امل بجت بكل حرفه ومراره وقامت تتذكر كل لحظه عاشتها معاهم بحلوها وبمرها قامت اتمر بمخيلتها آلاف الصور الي تجمعها معاهم قامت تتذكر شلون كانوا يوكلونها بايدينهم حتى وهي كبيره..... قامت تتذكر شلون يضحكونها اذا زعلت وشلون يونسونها ......قامت تتذكر لما كان جدها وهي صغيره يشيلها ويحطها على ظهره ويلعبها .......قامت تتذكر شلون كانت جدتها تحضنها بكل حب وحنان وشلون مايرضون احد يزعلها ..... قامت تتذكر لما اتجيب الشهاده يستانسون ويفرحون من كل قلبهم....الـــــــخ

يــــــاالـــــلــــه اشكثر تعذبت هالبنت

طلعت امل من المستشفى و بالعزا الي استمر ثلاث ايام اتصلت اذارة المدرسه وعزت ام امل بمصيبتهم وابلغتهم ان الاداره قررت تعطي امل اجازه اسبوع زياده على الثلاث ايام مالت العزى لانهم عارفين الجدين شنو بالنسبه لامل من خلال متابعتهم لها من خلال ملفهاالدراسي .
بعد العزا تذكرت امل كلام جدتها لها لما كانت اتقول لها :
حبيبتي ابيج اتكونين احسن البنات بكل شي بدراستج باخلاقج الحلوه بصفاتج ابيج دايما ترفعين راسي فوق بالسما انا وابوج ( جدها ) ابي انكون دوم فخورين فيج

كانت هالكلمات دايما تخطر على بال امل في كل لحظه وثانيه وبعد ماردت لمقعدهاالدراسي قررت اتحقق امنية جدها وجدتها فيها بانها اتكون احسن البنات بكل شي واتصير دكتوره

شدة امل حيلها اكثر واكثر بدراستها وتخرجت من الثنويه بمجموع عالي دخلها الطب وهذا كله علشان هالجدين اللي ماقصروا فيها ولو يوم واحد

ولما سوت الجريده مقابله معاها ( بسبب المجموع العالي ) وقالوا لها منو تهدين تفوقج
قالت والدموع تترس عينها :
اهدي نجاحي وتفوقي لاثنين اسهموا في تربيتي ... لاثنين كانوا هم دافعي الدائم للنجاح والتفوق .... لاثنين حرموا نفسهم من الراحه علشاني .... لأثنين شفت فيهم حياتي ودنيتي .... لاذنين شفت الفرح دايما بعيونهم لنجاحي ... وهالاثنين هم امي وابوي العود الله يرحمهم ( جدي وجدتي )

اثرت الكلمات هذي على كل الموجودين والكل نزلت دموعه على هالكلمات الجميله اللي قالتها في حقهم

مرت السنين وكان ابو امل على حاله ما اتشوفه الا كل شهر مره وتخرجت امل وصارت طبيبه وبعد فتره من تخرجها تقدم لها زميل بالجامعه اللي اشاد بمدى اعجابه باخلاقها ومعاملتها للناس وتزوجوا
على من مرور اسنين على وفات جديها الا انهم دايما يخطرون على بالها وتدعيلهم بالرحمه
وبعد تقريبا سنه جابت امل بنت وسمتها على اسم جدتها ( حصه ) وكانت نعم الام ونعم الزوجه

في يوم من الايام وهي بالشغل جالها خبر من المستشفى بوجود شخص كبير تعرض لازمه قلبيه

يا سبحان الله

كان الشخص هذا ابوها سبحان الله ان الله يمهل ولا يهمل

في البدايه امل ماكانت تعرف منو هالشخص لكن بعد ماشافته قررت انها تنقذه بنفسها وبروحها لانه كان ابوها

الحمدالله عدت الازمه على خير وتعاف ابوها بعد جم يوم وندم كل الندم على اهماله لبنته
وقام حضنها وهو يبجي يطلب انها اتسامحه

كان الموقف وايد مفرح ومؤثر ولطيبة قلب امل سامحت ابوها وفتحوا صفحه يديده

سبحان الله العظيم الله عوض امل عن كل شي ورجع لهاابوها وامها وعطاها الذريه والزوج الصالح

النهااااااااااااااااايه

ولكم تحيتي
جنـalwaysــون
jnoonalways@hotmail.com

ماشاء الله عليك مجنون عليك قصص روعة الله يعطيك العافية..
بس اغلبها محزنة بس روعة..
مشكور..
اختك:احب الجنوب

اسفة قصدي جنون معليش على الغلط بلاسم..

قصه حزينه جداً 00
والله إنها تدعنا ننزف دموعاً00
لما بها من الآااااااااام ووأجاع00
مرت بها أمل مسكينه والله أموووووله00
ربي يوفقها إن شاء الله بس تصدقون البنت البنت كانت مكافحه 00
وتستاهل كل خير 00
وأشكرك أخي00
جنـalwaysــون00
على إختيارك لهذه القصه00
وأشكرك على طرحك المتواصل000

مشكور على القصه
وبصراحه انا احسدك على مشاعرك الحساسه
لان القصه ما بكتني ولا اثرت فيني
وكأني قاعد اقر خبريفرح في الجريد ه

مشكوريا يا اخ جنون

مشكورين على الردود
وانت يالبيك يا دب خلص الاكل بعدين انشالله رح تحس يمكن من متنك ماعاد تحس صار قلبك خارج التغطية بالمؤثرات الخارجية منع من وصولها المتن
نظرية جنون
تقبلو تحياتي

شككككككككككككككككككككككككرا

عفوووووووووووووووووووووووووووووووووووووووواً يا عاشقة
لا تكوني نعشقيني انتي كمان