علم التجارب

قصيدة اعني بها الحفاظ على كل صديق وفي

بعطيك من علم التجارب وهايب=واحفظ معانيها من اللي درسها
احرص على اللي نظرته للسحايب=اللي شراك وقيمتك مابخسها
محشوم عن درب الزلل والمعايب=وان شاف زله من جنابك طمسها
ارفع مقامه والجمايل سبايب=واذخر لوحشات الليالي ونسها
ياحي عين الكفو سقم النوايب=ضلعٍ يشوق النفس حزة فحسها
ماخاف صلفات الزمن والنشايب=ولا هاب قرع اطبولها مع جرسها
لا صار لك محزم بعج الحرايب=يخسر عدوك لبسةٍ يلتبسها
لالضت النيران وقت الضرايب=تنصد غارتها ويطفى قبسها
للموقف الغصاب مخطي وصايب=والصايب اللي كايداته دهسها
خذها من اللي ناطحته الهبايب=واقبل معاذير العرب والتمسها

الشاعر/ سعد ال درويش العمري

,,,,,,,,,,,,,,,,,,,,

صح الله لسانك ..
قصيدة على مستوى عالي ..
مليئة بالحِكم والكلام الجزل والمعاني الرفيعة والوافية ..
كفو وقصيدك كفو وبيض الله وجهك على ما قدمت ..

ملاحظة / تم تعديل التنسيق بحكم عدم ظهور القصيدة بشكلها الصحيح ..
تقديري ..

ووجهك ابيض ابو ريان وشرفني مرورك يالغالي

***


لله درك..
غَمامة شعريّه محملة بـ الدُرر

شكرًا كبيرة للـ جمال هُنا...



امتناني وتحية.

صح لسانك ي شعر
ابدعت وامتعت بهذه الرائعه
لك التقدير والاحترام..

الله يعطيك العافية وصح الله لسانك حفظك الرحمن

صح لسانك يا سعد وما قلت الا الصحيح بارك الله فيك .