نبضة شعر

ماعسرني من سؤالك كيف حالك في فراقي ؟؟
غير نبرة هالسؤال ابلا جــدال ولا حكايا !!

للجواب الفين باب وحارس ٍ مـِـحكم و ِ ثاقي !!
منتصف روض المحبه مايقارن بالزوايا !!

وش بقالي من غلاتك كان قلـبـك فيه باقي ؟
لا تقول الا تعال وشـف وش اعمل بالبقايا ؟

لو تدور مثل قلبي !! مثل قلبي منت لاقي ؟
يكفي انه وســط قلبي للسكـــن عدة مزايا

دمــه الما والعروق لياضمت روحك سواقي
نبضته تشهق وفاه وقبضته تزفر هدايا

لو وصفته مانصفــته يبـلغ الوصف التراقي
يـَـشرق الشعر بغلاك .. ويشعر بقرب المنايا

مو حرام الحزن فيه ؟ ولا يبشّر بالتلاقي ؟؟
مو حرام يهمـّــلونه.. من غمرهم بالعطايا ؟؟

يافريد القلب قلبك لو عرف قدر اشتياقي !!
كان ماارخى سمع شوقه ، للعذول من النوايا !!

خلفاان المشعان ..لله درك

لبــى الذوق وصاحبته
صح لسان الشاعر على هالرائعه
وسلم بنانك الأنيق.’.
لك الود يمتد ..

صح لسان شاعره
سلمت يمين ناقلها
تحياتي

صح لسان الشاعر ::: وسلمت يمينك على النقل

تراتيل ...ابو خالد ...انا سعودي ..

لكم نوارس شكري ..ودي لاارواحكم