#مساجله_شعريه

تقهويت انا والوالده ذا المغرب الله يحفظها ووالديكم جميع وصبيت لها ومليت لها الفنجال وزعلت تقول فناجيل الشيوخ ما ملوها .. شكيت ذا الموضوع لاخي وصديقي شاعر البيعه ( ناصر بن مانع بن خرصان العجمي ) وجاوبني ببيت ورديت عليه بمثله وحبيت اسمعكم اياه ..

#بدعه
املأ لها الفنجال وتقول لي عيب
ما تدري اني من غلاها مليته

#رديت
انا اشهد انك صادق(ن) يا نما الذيب
فنجا لها مقدار بر ( ن ) نويته

وأنا أقول من وين جالك الشِعر . كذا مالك عذر بصراحة
دام الأم شاعرة فما يحتاج ..
صراحة بدع ورد على مستوى ..
وأعجبني الرد أكثر لأنه مسكت وما عاد تقدر وراه شئ أبد
الله يرحم أمي ويسكنها الجنة فقد ذكرتني بموقف معها ..
قلت يالله يا أمي هات من القصايد اللي تحفظين ..
طالعت فيني وقالت ولد قلت نعم ياأمي قالت إمس أحسن لك
الله يعطيك العافية أخي راعي الأولة وكل عام وأنت بخير ..

الله يرحمها ويغفرلها ولجميع المسلمين
شكلها قهرت فيك .. ههههه