أبيات أعجبتني 00 كل واحد يشـارك

تعب حبك .. تعب فرقاك .. تعب هالكون من دونك=تعبت وجبتني لاقصاي أشق الصـدر لـك دامـي
تعبـت ولا لقيـت دواي سهيـر أردد لحـونـك=لحن ياخذني فيه الناي .. لحن يعزف لي أحلامـي
أنا لاقلت لـك تعبـان صـدوق ٍ أذكـر عيونـك=تروم العاشق الولهان .. تـرد الـروح بعظامـي
تأمل كل مافي الكون .. تأمـل صـوت مجنونـك=يهيجن لك تعب حرفه على جالـك وهـو ظامـي
سـواد البعـد عذبنـي ووردي حـن لمـزونـك=وصالك غيمة ٍ تزهـر جـدب روحـي وأيامـي
تصور..! دنيتي دونك .. تصورها بـلا شجونـك=وأرد أذكر سواليفك طـواري الحـب وأوهامـي
تذكر..! عهدك الأول.. تذكر قلـت مـا أخونـك=وأنا حافظ لك الذكرى وحافـظ عهـدك السامـي
حبيبـي والرجـاء باكـر لعلـه ضـد قانـونـك=ترد تشوفنـي واقـف أضمـك وأنـت قدامـي !

يا رسالة عزيزة ودي اقراها = بس يا للأسف خانتني اعصابي
صار لي مدة وانا اتحراها = من وليف عليه القلب منصابي
أن قريته عيوني نثرت ماها = قالت الخط مرسول من احبابي

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسـّك وأصدق الحب فارق
ياللي عيونك دم وعيونك عروق
ولهاث قلبٍ فـي نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق

	امنتك الله لايطول غيابك وش تنفع الدنيا بليا رجوعك يمكن غيابي مايسبب عذابك لكن عذابي ياعذابي غيابك

آآآآآآآآآآآآآآآه من قلبي ..

نصحته ...

بس عيا .. ينتصح .. !!

نبضه ... يبيـــــــــــــــــــــــــــ ـ ـ ـ ـ ـ ـ هـ ـ ـ ـ اااااا

السلام عليكم .....واعتذر على الانقطاع اللذي كان لظروف طارئة

والشكر الجزيل لكل من لاحظ ذلك

[line]

احدٍ يـــدور بالـــردى بنــــت عــــمه

واحدٍ يــــدور ستر عــذرى عوانـيه

يوم(ن) رزق اللاش دايم على امـه

رزقي على اللي ميت العشب يـحيه

مــــاني وانــــــابنــدر ابياع دمـــــه

يقطـــعك يــابيــياع دمــه وشـــاريه

(بندر بن سرور ) رحمه الله
وموتانا وموتى المسلمين

شعرك طويل والرجا لا تقصيه = تلحفي به في الليالي البريدة
هذي نصيحة من حبيب تخصيه = أللي قضى معكم ليال سعيدة
يسمع كلامك لو بغيتي توصيه = مافيه عبد مايطيع امر سيده

ان عشت يا راسي كسيتك عمامة = وان مت ياراسي فدتك العمايم

السلام عليكم .....واعتذر على الانقطاع اللذي كان لظروف طارئة

والشكر الجزيل لكل من لاحظ ذلك

[line]

احدٍ يدور بالردى بنت عـمه=واحدٍ يـدورسترعذرى عوانيه
يوم(ن)رزق اللاش دايم على امه=رزقي على اللي ميت القش يـحيه
ماني وانابندر ابياع دمه =يقطعك يـابياع دمه وشاريه

(بندر بن سرور )
رحمه الله وموتانا وموتى المسلمين

آمين ..

عودة جميلة جداَ ياخوي وافي ..

بس الأهم إنك ما تتركنا مرة ثانية ..

يعطيك العافية ..

*

*

*

المشكلة بالضبط .. ماهو خطاها = خطا الخفوق اللي تعوّد عليها

على ذاااك الثرى نرسم طفولتنا // دلع محلاه =تجيني للدلع طفله // واجيلك عنتر أهوالك
على أرجوحتي جيتي ... تمرجحتي غزل مــ //غواه=قليبي كالـــوتد ثابت ... وروحي لوح لـــ // هبالك

اللي تحبه حيــــــــــــــــــــــــــــــــــــل ..

يا شين فرقاه .. !!

جربتها ..

وعندي عليها وثايق .............................

ينساني الله لو نوى القلب ينساه ..

ما غيره بعيني ..

من الناس لايق ..

دقت وقالت لو تكرم شويه =وصل طعونى يالعلك مواجر
قلت أبشرى ثم دنت الهاشميه =ضجت بهمٌ زاح صمت الحناجر
أربع تعش عامٌ غدت سرمديه =ساعاتها مرت بقلبى خناجر
تدعى تقول الله يجيب المنيه =وأرتاح من علة عن العدل فاجر
والله يالولا زهرتينٌ نديه =ما أبقى مع همٌ يحب المشاجر
صاحت تقول حظوظ قلبى رديه =وأسترسلت دمعٌ حرق بالمحاجر
قلت أصبرى والله رب الرعيه =بتجارته ما خيب أيات تاجر
تدرين وين المشكله والقضيه =همٌ يضج بلابسات البناجر
ظلم الاهل والعاده الجاهليه =منه أشتكت غيدا وساره وهاجر

يا عين ماهذا السهر يا عين = على وليف(ن) شد ترحاله
تصبري ذا اليوم واليومين = يمكن يجيب الحظ مرساله
لو كان بالاردن بلاد حسين = والله والله لاتعناله

قــالت مــن انــت ؟ وقــلــت مجمــوعة انــســان

مـــن كـــل ضـــد و ضــــد تـلقـيــن فـينـي

فــيـنـي نــهـــار ولــيــل وافـــراح و احــزان

اضـــحــك ودمـــعــي حـــايـر وســط عينــي

وفــيــنـي بــدابة وقـت و نــهـــا ية ازمـــــان

اشــــتاق بــاكــــر واعــطـــي امســي حنيـني

واســقـي قــلوب الــناس عــشــــقٍ وظــمـيـان

واهـــدي حـــيارى الــدرب واحـــتـار ويــــنـي

واحـــاوم صـــقور الــهـــوا حـــوم نشــــوان

واســـيــل الــوديـــــان دمــــــع حــزيـنِ

فــي عــيـني الـيمنــى مـن الورد بــســــتـــان

وفــــي عيـــنــي الــيــســرا عـجـاج الـسـنينِ

تــهــزمنــي الـنجــلا وانــا نــد فـــرســـان

واخـــفـــي طــعونــي والـمحــبــه تــبـيــنِ

امـــا عــرفتــيني فـــلا نــــي بـــزعـــلان

حتـــى انــا تــرانـــي احـــــتـرت فـــــني