الــيــتــيـــــــــــــــم

بسم الله الرحمن الرحيـــــــــــم

قصه اخذت مني الوفير من الألم

رجل متزوج رزقه الله بطفل وكان يحب زوجته وبعد ما اكتمل عمر الطفل سنتين توفيت زوجته ولم يكن لديه الخيار
الا ان يتزوج بأسرع وقت ممكن لكي ترعاه وترعى ابنه وتدير شئون البيت وكانت الزوجه الجديده عديمة احساس لا تبالي بالطفل الصغير
ومهمله لأبعد حد احتار الأب واتخذ قرار بأنه يحضر شغاله خاصه لأبنه وفي احد الايام كان لدى الزوجه مناسبه نسائيه استأذت الزوج لكي تقوم الشغاله بمساعدتها
في التحضيرات و التجهيزات للمناسبه وعند حضور المدعوات اهملت الشغاله الطفل بأنشغالها في المطبخ وكثرة الشغل وكانت الزوجه تقول لشغاله انا مسئوله عن الطفل
خليك في مطبخك وعندما قدموا العشاء وكان الطفل بالقرب من زوجة ابيه المهمله وكان يلهو ويلعب بشقاوه كباقي الاطفال واخذت زوجة الأب وعاء صغير و وضعت فيه طعام وامسكت في يد الطفل ملعقه ثم اخرجته من الباب الخلفي للحوش المهجور كان الجو بارداً نوعاً ما

ثم عادت لتكمل الحديث والسوالف مع زميلاتها وقريباتها ذهب من الوقت الكثير حتى ذهبو الزوار ونامت الشغاله وهي تقول بينها وبين نفسها بأن الطفل نائم في غرفة زوجة ابيه....

رتبت الزوجه نفسها لنوم دون اي مبالات وحضر الزوج متأخر من الليل بعد انتهاء المناسبه

حط راسه على الوساده ونام بعد مضي ما يقارب ساعه اتته زوجته المتوفيه في المنام وكانت تقول يا فلان اين ابني ؟؟؟

قام من منامه صحى زوجته وسألها اين فلان؟؟

وكانت تقول فلان تعرف اين هو عند شغالته نائم ثم عاد لنومه وبعد مرور وقت

حضرت اليه زوجته المتوفيه للمرت الثانيه بالمنام وكانت تقول يا فلان اين ابني ؟؟

ثم قام من منامه وسئل الزوجه المهمله اين ابني قالت وش فيك دلوعك عن شغالته نايم ثم رجع ونام

وحضرت زوجته المتوفيه للمرت الثالثه بالمنام بحدود الساعه ثالثه ليلاً وكانت تقول له فلان فلان لا تخاف ابني وصلني وهو في احضاني ثم قام من منامه وهو يرجف من الخوف وسأل زوجه اين ابني ؟؟

خرج من الغرفه وهو مسرع لغرفة الشغاله وكانت زوجته تركض خلفه وتقول مابك مابك قال ابني اين هو فتح باب غرفة الشغاله واذا الطفل ليس موجود...

عندها ومسك بها اين ابني قالت؟؟

اخذته مني زوجتك وقت العشاء وكانت تقول انا مكفوله فيه هذا اليوم وانتي خليك بالمطبخ وفي شغلك

ثم رجع للمهمله زوجته واذا بها واقفه لاتعرف كيف تتصرف وقالت اخرجته لكي يتعشاء بالحوش الخلفي وكان الحوش الخلفي مهجور وفتحو الباب واذا بالطفل قد توفي من البرد على عتبة الباب وكان بحضنه وعائه الذي لم يأكل منه شيء .

حسبي الله على هذه الزوجة التي لا تخاف الله...

تدري وش اللي زود الماعلى الطين
.....................................شوفه يتيم(ن)فاقدلحضن امه
وتدري وش اقسى من جراح السكاكين
..........................................انك تسلم هاليتاما لعمه
ياصاحبي إن كان هذا من الدين
......................................لاتزيد هم القلب يكفيه همه
تبني لك احلام وقصور وبساتين
..................................وتترك عيالك للأسى والمطمه
ومايسمعون الاالمسبه وبعدين
..................................يالعنبو قلب(ن)جهل هالمهمه
طفل(ن)شكى همه على دمعه العين
..............................ويمسح دموعه كودبأطراف كمه
امانتك ياصاحبي حبك الشين
.................................وزوجه جديده مالها اي ذمه
من يأمن الذيبه على هالمساكين؟؟؟؟
..............................موت اليتيم ارحم اذا ماتت امه

في امان الله

قصه مؤلمه جدآ للطفل فهد
قدر الله عليه ان يقع بيد لاترحم
وياكثر الي على شاكلته من المعنفين والمظلومين
رحمه الله ..وجآزى من كان السبب ..تقديري لك..

من يأمن الذيبه على هالمساكين؟؟؟؟
..............................موت اليتيم ارحم اذا ماتت امه

الله اكبر

صح الله السانك

وقصه محزنه وتقهر

وش ذا المصايب وين قلوب ذا البشر


تحياتي لك ياشاعرنا

تراتيل

غليص


شكرا لهذا المرور الراقي والعطر لاعدمتكم

قصة مؤثرة جداً ..
مشكور أخي أيمن على هذه القصة ..
تقديري ..

لاحول ولا قوة الا بالله..
قصه موثره جداً..
حسبي الله عليها ..

يسلموووو أيمن

مشكور الله يعطيك العافية

قصة مؤثرة اكملتها بالقصيدة الروعه فشكرا لك بارك الله فيك .

الله المستعان

عموما فيه ناس اباءهم احياء وامهاتهم لكن كأنهم ايتام من عيشتهم القشره

تقديري لك

لاحول ولا قوة الا بالله

قصه موثره جداً

حسبي الله عليها

حسبي الله ونعم الوكيل
هذي مو انسانه الله يحرق قلبها