الدنيا

	بسم الله الرحمن الرحيم هذي هي الدنيا وكل افراحها ماهي تدوم=واحزانها لو تغلبك جاتك جميع احثالها لابد من صبرن علـى ماتلتقي في كل يوم=إصبر وصابر للمــحن في دقـهــا واجـلالهـــا الصبر للمـــؤمن خـــــراج ويبعـده عن كل لوم=لاعتمت سود الليالي جاك نور إهلالها لاتستعيـن الا بـرب البـيت حـــزات الغمـــــوم=والله بعـــــونه يكشف الضــرا بكل اشكالها كـــم من سقيمن حالته صعبه وبارته الهمـــوم=ولا علم بن الصعايب تقتفيها أسهالها ووصيك في وترن بتالي الليل قبل انك تنــــوم=أبرك لعينك من لذيذ النوم لو هو جالها وبــوالديك إحسن ولو منهم تــجرعت السمــوم=برك له الجنه وباب البر في مدخالها وارحامــك الي واجبن فيهم وصالك وامحتــــوم=الناس تجزا كل خيرن من حصاد أعمالها واخـــوانك الي بحاجتـــك خلك قريبن في اللزوم=تــرا لخو في وقفته يســوى دول برجالها ووصـيك في جــــــارك ترا جارك محقاته تدوم=عليك بِكرامـــه ونفسك دلها لفعالها واكـــــــرم ضيوفك لالفوك إمن العوايد والسلوم=الي لها العربان تنحر لو ختام إجمالها واكفـــل يتيم صارت أحلامـــه لزاده و الهـــدوم=حقق له الي هو تمناها ولاهو نالها وإجلس مع أهل الشور واهل الراي مركين العـلوم=تكسب من الحكمـه وتربح من جميع أقوالها واحفظ لسانك عن ردي القول ضراب السهــوم=لاطاحت اهروجك بعرض الناس جا نقالها والصاحب الــــي رفقته تغنيك عن كل الرخـــوم=خلــه حزامك واحتفظ فــي خــــوته واعنالــها وافــــزع لمن ينصــاك لو يبغى الثريا والنجــوم=خلك مثل وبل السحاب إليا انهمر بخيالها وان كنت تقـــوى للجمايل للقــــروب وللعمــوم=إجمـــــل معا كل البشر لو كان من مرسالها أردى البشــر مايقضي العازه معا حب الخشـوم=واطيب جميع الناس قبل الحب تعطي مالها خلك على روس النوايف والطـــلايع والـــرجوم=واركز بيارق كـل طيبن فــوق روس إجبالها وختامهــــا نحمــــدك ياربن على الأمه رحـــوم=وازكـى صـلاة للـنبي تشـفـع لـمن هـو قـالـهـا الشاعر/ سعد العمري

قصيدة مثالية جداً ..
مليئة بالحِكم والكلام الرائع في كيفية التعامل وقبلها بدأت بمقدمة رائعة
عن الدنيا وأحوالها ثم انتقل الشاعر لسرد أهمية وجود الإنسان في حياة الآخرين
ووجودهم في حياته وشملت نصائح من ذهب ..
القصيدة بعمومها تعطي مدلول على جزالة شاعرها وامتلاكه لمقومات غاية في الجمال..
الشاعر الرائع الذي يوظف إمكانياته الشعرية وثقافته وحكمته في أبواب الحِكمة وقصائد التوجيه
يمتلك حِس كبير وينال ثقة أكبر ..
صح لسانك يا سعد وطاب حالك ولك تقديري ..

صح لسانك شاعر مبدع بارك الله فيك .

المشاركة الأصلية كتبت بواسطة أبو ريان

قصيدة مثالية جداً ..
مليئة بالحِكم والكلام الرائع في كيفية التعامل وقبلها بدأت بمقدمة رائعة
عن الدنيا وأحوالها ثم انتقل الشاعر لسرد أهمية وجود الإنسان في حياة الآخرين
ووجودهم في حياته وشملت نصائح من ذهب ..
القصيدة بعمومها تعطي مدلول على جزالة شاعرها وامتلاكه لمقومات غاية في الجمال..
الشاعر الرائع الذي يوظف إمكانياته الشعرية وثقافته وحكمته في أبواب الحِكمة وقصائد التوجيه
يمتلك حِس كبير وينال ثقة أكبر ..
صح لسانك يا سعد وطاب حالك ولك تقديري ..

صح بدنك أبو ريان وشرفني مرورك ويعطيك الصحه والعافيه

تسلم وتبقى يابو فهد ولاهنت على مرورك الطيب..تحياتي وتقديري

صح لسانك شاعر مبدع
أبدعت وأمتعت بارك الله بفكرك النير..تقديري

القديره تراتيل يعطيك العافيه وصح بدنك..

صح لسانكـ الف شاعرنا سعد
قصيدة مليئة بالحكم والكلام الطيّب وفقكـ الله
الشعر رســـالة وقد اديت رسالتكـ في هذه القصيدة باحتراف رائع

شكرا لكـ

المشاركة الأصلية كتبت بواسطة المهندســ

صح لسانكـ الف شاعرنا سعد
قصيدة مليئة بالحكم والكلام الطيّب وفقكـ الله
الشعر رســـالة وقد اديت رسالتكـ في هذه القصيدة باحتراف رائع

شكرا لكـ

الأخ القدير المهندس/ تحياتي وتقديري لك,,, ولايسعني إلا أن اشكرك على مرورك الطيب...تقبل تحياتي

، صَح لِسانك يِ شِعر وَ مرحباً بِكْ وَ بِ حرفكْ

تلاهيف العمري يعطيك العافيه وصح بدنك