عزوبي بعد زواج

عزوبي بعد زواج

يالجتي لجة صويب الذيابه
يوم المسلح باشهب الملح يرميه

عزي لمن مثلي زمانه رمابه
وأصبح أعزوبي ما لقى من يلفيه

والجوع حدٌه والعشا ما حظابه
والشاي الأسود ما لقى من يسويه

والعيشه اللي بالمطاعم معابه
مليت أنا ياناس ماني مدانيه

وغسل الملابس ما حسبنا أحسابه
الثوب مادري كيف وشلون أبكويه

والبيت موحش تكتنفه الكآبه
ولولا الحيا لاهج عنٌه وأخليه

من يوم غاب اللي خفوقي سرابه
البيت ماله قبلةً عقب راعيه

كني خلاوي عايشً وسط غابه
وإن ما أكلني ذيب صرت لحصانيه

كني على جمر الغضا واللتهابه
فرقا الأهل يجرح فوادي ويكويه

ياشين فرقا لابتي والقرابه
مثل الذي يشرب غثا السم بيديه

هذا العزوبي وإن شرح ما جرابه
مايلام لو يبدي على الناس خافيه
-----------------------------

الله يكون في عونه مسكين