تعالي

تعالي دام ما به شي يستاهل يفرقنا
عليم الله قلبي من بعادك ذاب بأشواقه

إذا قصدك تثيري الشوق.. ورب البيت اشتقنا
أنا مالي على بعد النوى يا هاجره طاقه

شوفي دفتر أشعاري عقب فرقاك مغرقنا
وضاعت في دروب الوجد والأشواق أوراقه

تعالي نرز في روض الهوا بارز يبارقنا
ونهدي باقي العشاق من ازهارها باقه

وقولي للعذول اللي وشا.. يا شيخ روقنا
ما لك في محبتنا جمل يا هيه أو ناقه

وقولي يا خطاوي الوصل ودينا توافقنا
وقولي للملا مركب هوانا صعب إغراقه

تعالي نكتب بصدر الغلا (الله لا يفرقنا)
ونسكن في فؤاد العشق وعروقه وإحداقه

كفاية صدّنا من أجمل اللحظات يسرقنا
أنا أدري مثل ما أنا حيل مشتاق.. أنتي مشتاقه

منقول

اختيار ذووق وروعه
يعطيكــ العافيه

هاه جيت هههههههههه امزح
الله يعطيك العافيه ع هالاحساس الرائع
شكرا سعودي

بنت الجنوب / أتعبني غلاك

لاشكر على واجب والله يعافيكم

مبدع باختيارك ...
الله يعطيك العاااااافيه ...

شيخه

شكراً لك والله يعافيك

ذوق رفيع بارك الله فيك
اخي السعودي
مروري ولك التحيه

أبو خالد

شكراً لك على الإشادة
والله يبارك فيك