الرزّ البخاري بأيديّ ..

حياكم الله مع الرز البخاري .. طريقة لذيذه جدا و سهله و نفس اللي من برى .. دجاج مقطع انصاف و منظف رز منقوع لمدة نصف ساعة او اقل , الكمية حسب عدد الاشخاص جزر مبشور و كميته تعتمد على كمية الرز انا بشرت ثلاثة حبات لكاسة رز بصلتين مقطعه جوانح رفيعه زنجبيل مطحون ملعقة صغيره + فلفل اسود مطحون ملعقة صغيره + قرفة صحيحة او مطحونه نصف ملعقه صغيره + كركم ربع ملعقة صغيره + بهارات مشكلة مطحونه ملعقة كبيره + ملح حسب الرغبه نشوح البصل على قليل زيت في قدر حتى يصبح ذهبي و يذبل قليلا نضيف الجزر و البهارات المذكوره في الاعلى كلها و نحرك حتى يذبل و يلين قليلا نضيف الدجاج و نقلب حتى ياخذ لون المكونات .. نضيف مقدار من الماء و نضع ثلاثة قرون فلفل حار او حسب الرغبه و نتركه على نار عاليه حتى يغلي الماء " تطلع فقاعات " ثم نغطي القدر و ننقص النار الى الوسط و نتركه حتى يستوي الدجاج و اللي مستعجله تسويه بقدر الضغط بس الرز بيكون مطبوخ بدون ضغط لازم .. اذا استوى الدجاج نطلعه و نشويه و نضيف الرز على الماء و نغطي القدر حتى ينضج .. اذا نضج نطفي النار و نحط عليه زبيب نيّ و نغطي القدر و بكذا يستوي الزبيب ببخار الرز .. و هذي النتيجة النهائية و اتمنى تكون عجبتكم يا رب .. نعمل معاها السلطه الحاره " الدقّوس ّ فلفل بارد و طماطم و معجون طماطم و فلفل حار و بصل و ثوم و ملح و فلفل اسود نخلطهم بالخلاط ثم نضعهم على النار خمس دقائق فقط .. و الف هناء و عافيه ..

نوارة
لك جزيل الشكر على هذه الوصفه الرائعه
وبإذن الله سأطبقها
لك ودي وتحيتي

يَ فديت السنع ...
الله يسلمـ هالانااااامل ...

والي ماتعشى يانواره من يمنعك منه ههههههه
شكراً لك حضور دسم وممتع مروري المتواضع
ولك التحيه

حدثني احدهم ان " الكبسة المضبوطة " تقي المرأة ( مصارع السوء ) فقلت له وما ( مصارع السوء ) فقال لي " الطلاق " يا ثوررر ... مع التحيـــــــ@

ههههههههههه ....حلوه مصارع السوء

الله يسعدك يالخط الاحمر ...

مرره روعه نواااره تسلم الايادي

جاري التجربه ..ولاهنتي

يالبى الايادي اللي طبخت
تسلممممممين يانوارتنا الله يعطيك العافيه يااااارب

ما شاء الله ......... لا لا لا الأسبوع هذا كله طبخ

غير ما ذقنا شئ ....... يعطك العافية والله شكلها يخرم اللسان

صحت يمينك واليسار والكرعان

تقديري

يمي يمي نوني
تسلم الايآدي يالغلا
وأحلى تقييم ولايك لعنونك..

ماشاء الله يانواره
احتلقتي من ذا الكبسات باسم الله عليك ماتوعين
إلا انتي مثل البرميل ولا مثل قطمة الرز هههه
ما كأنك زدتي الماء شويه ؟ هيا لاعاد تعلينها خخخ
يعطيك العافيه وصحتين على قلبكم أنتي وعوالك

الله يحرصك راعية كبسه
هذا منهج البنات الشاطرات
ماهم يطاردون الكوره وقيادة السيارة
عليه اسوي احلا براد شاهي بالحبق
مخدر

سلمتي ولا ندمتي على هالطبق الرائع

بجد ماشاء الله نفسك حلو بالطبخ

تقديري لك

تستحقين الاعجاب والتميز

ماشاء الله
الله يعطيك العافية
وفكرة طبخ الزبيب ببخار الماء جديدة عليها
اطبقها ان شاء الله

يمي يمي،،
تسلم يدينك،،

ماشاءالله تسلم الأيادي
الله يعطيكِ العافيه..