الهوى شرقي وقلبي (كره) الشرقيه !!

حالياً اتمتع بإجازه قصيره فالمنطقة الشرقية من باب تغير الأجواء والحمدلله على كل حال فهي عظمة الخالق كون الأجواء تناسب او لاتناسب
مايناسب ان تخرج من مدينة عملك للترفيه والتنزه وتقضي اوقات ممتعه لتعود من جديد بنفسه طيبه ومالا يناسب ان تحس انك في بلد خيره كثير ووفير ولاتجد الا مبنى صغير يحتوي 4 دورات مياه في واجهة الدمام الجديده الناس طابور طووويل سألت احدهم وش السالفه قال لي 45 دقيقه ماسك نفسي عشان ادش الدوره .. (قلت في نفسي مايحتاج اكثر فالسوائل بعدين اقضي باقي الوقت واقف ولا اطلع ادور .......) ماهو شي يخليك تفكر ليش أمانات المناطق اللي تُعطى مسئوليه وميزانيه ماتأدي عملها بذمه وضمير ؟؟
ثم شاطئ نصف القمر متنفس جميل لايسمح بوضع كوشكات تبيع ماء او مايلزم من إحتياجات المرتادين للمكان ولا مطاعم تخدم الناس (بفلوسها) خذ اكلك من البلد واطلع زمانك وصلت الا برد
اللي مهتمين فيه الشرقيه (ساهر) تلاقيه حتى في اضيق الطرقات 😡 رغم سلامتي منه ولكن هنالك اولويات يجب وضعها بعين الاعتبار من اجل الوطن والمواطن
شي يثير النفس ويضع اكثر من علامة استفهام ؟؟؟