شفتها والعين جاها !!

المشاعر في غـــــــــيابك بالــثواني
مشغله فكري وقلبـي يا عـــــــجيبه

كنت اقول الوقت من ضيمه سقاني
عفت كاس العشق ما عاد اهتنيبه

لين جابك يا بنيه الـــشوق ثــــاني
قال يا محمد هــــديتك بنت ذيبه

تقضي الايــام في لعب الــــزماني
ما تحـــاسب للخـــطر والا المصيبه

الحــزن فيها تمـــثل بهلــــــواني
يضحك اللي بالهوى ما شاف شيبه

شفتها والعين جاها سهـــــم عاني
صابني ومن الغلا جـــــاني نديبه

بالتـــراحيب الاصيله والـــبياني
قلـــت يا مرحب ومثلك نحتفيبه

لك عيوني مير لي بعض الاماني
الدروب الموحله فيها ضريبـــــه

الرجال اجناس يا سيد الغـــواني
من جهل بالحر قالوا يشتويبـــــه

ثم قالــــــت تدري المعشوق اناني
انت باغي جــــود والحلوه صعيبه

الهوى من يدخله ذاق الهوانـــي
السوالف مســـكها ما يندريــــبه

قلت هاك العمر ما نطمع بفاني
ان طلبتي ما عجز عندك نجيبه

اذخريني سيفك ودرعك تراني
قد عطيتك من معاليقي قليبه

ما يجيك الضيم لو بخـسر عياني
دام قلبي هقوته بانك حــبيبه

كنت اقول النافره ماهي حصاني
بعد دار الوقت صارت لي ذهيبه

الغريبه صـــــارت بحلــمي اماني
والغريبه عشـــــــقها قصه غريبه

والحقيقه يسجد المعنى عشاني
لو وصــــــفت الزين والعــالم دريبه

قد يصاب من العــرب نصفه ولاني
ضامن اهل العلم ما يفسق صحيبه

الملوك اعشــــــــارها ترجع ثماني
من حلاها وهنــي من يهتنــــــيبه

الشعر لو يكتبه كافر وجــــــــــــاني
يعبد اوصاوف الفجور المكــتسيبه

يجزم ان مخلوقها من طين ثاني
ماهي من طين البشرهذي غريبه

وختم بقولي وزبدات المــــــعاني
لو تروحين العمر وش نرتجيــــبه
لو تروحين العمر وش نرتجيــــبه