محاورة عرضة الشاعر الرادار والشاعر سعيد مقبل

مبارك :-=
ياسعيد ادعم بنا الطيب والا اهربنا=
لكن الجيش القوي لاوصل منك اهربا=
لاتغرك ضحكة اللي يلوي في الشديق=
قلتها وادري ضميرك بيصحى بالنشيد =
ليت راعي الطيب من تونا ماتم ربيشة=
كان ماطيح حبوب الذرة من نخلها=

سعيد :-=
العلم مرفوع ياصاح والله ربنا=
نورنا دستورنا مايجي من كهربا=
خير من جده وأهلها جلوسي في الشديق=
والحراميه على ماتسوي مانشيد=
الحلاواني صنع له حلا من تمر بيشه=
بس هل بيشه حلاها يجي من نخلها=

مبارك:-=
يازميلي تعرف اللي يهد ومن بنا=
دام سيف الحق له في يدينك منصبا=
لايهمك حب من زاد عن الأوصاف ريق=
مقصدي بين ولا اريد لك حقد وكيد=
ودي إن راعي المزارع جنا حينه بريشه=
قبل ما شاف المصانع ولا يش فعلها=

سعيد:-=
كان ماتومن بنا غيركم يومن بنا=
مانقول الجمر ذا يافتى ماينصبا=
مات بوشرين ولسيرته وصى فريق=
وماشي في مجد لبطال خذ علم وكيد=
الصقر في الجو تسمو جناحينه بريشه=
والحدايا كبر الاجسام مايشفع لها=

مبارك:-=
واجب انك تقتري حبكم من حبنا=
لاتثور بندقك ياقبيلي في الخبا=
لازم إن تكون في مجمل المعنى دقيق=
اسمع اسمع وافتطن للمثايل ياسعيد=
حايز الناب المسمم يخوف من وشيشة=
وانت قدوة للمطاليق وإمام لها=

سعيد:-=
يامبارك لاتكيل العرب من حبنا=
وش مع الهدهد يوضع جميعه في الخبا=
والله لو ماعندنا ماء ولا معنى دقيق=
ما بنشفق له ورزق معه ماياسع ايد=
وأترك أللي في القهاوي على شاهي وشيشه=
خوة الذربان مهما حصل ماملها=

مبارك:-=
كل عود فيه يزهى الثمر ومشبنا=
يسعد العقال تو النظر والا غبا=
والموارد راهيه مالملاقى للشقيق=
لكن اركد وابن في غرة الوادي سديد=
واحتزب للموقف اللي يشرفنا وعيشة=
والديار المقفرة في المسايل حلها=

سعيد:-=
إنتحر راجو و يحرم عليه مشبنا=
في دياره محرقتهم صناديد الغبا=
الديار المبغضه م الطوال ليا الشقيق=
لا أصولية شهامه ولا راي سديد=
كنهم حمال لسفار همه ماء وعيشه=
يافطين العقل حل المسايل حلها=

مبارك:=
والله إنا ما نجامل مع من سبنا=
لو يكون الطاير اللي يقله من سبا=
يعدل البرهان بين المراوغ والصديق=
عقب ما باعدت بينك ومابين الحديد=
استخر رب الخلايق ولاتنوي غشيشة=
منهجك لاتظهره للعرب فيضلها=

سعيد:-=
وش مع الزاهد نوى في الوهج يرسب بنا=
جندي الخوبه يواجه بعزه من سبا=
والله ماود الخطا لكل منهو لي صديق =
سيفنا عادل ويبقى على الذمه حديد=
والله ماحن باهل خدعه ولا أقلوب غشيشه=
شجرة تأويك ضل أسترح في ظلها=

محاورة جدا ممتعة

صحت الألسنة يا مبارك أنت ورفيقك ,,

تحية طيبة أيها الغالي ,,

صح لسان الشاعرين
محاورة مميزه وقصائد فوق المستوى
تقبل تحياتي

سعيد --- الخطاف مشكورين على المرور وشهادتكم ترفع المعنوية ولكم مني اجمل تحية

محاوره جميله...يا مبارك
ولا هي مستغربه عليك انت وسعيد بن مقبل...شعار كبار
لكن ودنا...نلعب معاكم يالاثنين ,,,!
اذا ما عندكم مشكله...!

ابداع بمعنى الكلمه
بس مثل ما قال الشيباني
يا ليت لو تكون محاورة في المنتدى
وتكون بوجود محكمين ويكون لها موعد مسبق لكي نستمتع مباشرة بالمحاورة
تقبلوا مودتي
ابو عبدالله

الاخ الشاعر الشيباني مشكور على المرور

بالنسبة لي انا جاهز ولو تواجدي قليل بالنسبة لسعيد ما يعرف للكمبيوتر ولكن اقرب فرصة نجتمع ببلغك حينها ولنا الشرف

وباقي لي انا وانت قاف على فرصة تصفيات حقوق

ولك مني خالص الشكر

ابو عبدالله شهادة نعتز فيها وطلب غالي عن قريب انشاء الله نوعدكم بمحاورة تجمل