كل القصايد تنحني

كل القصايد تنحني تحت رجليك
وأجيبها لك يا بعد كل غالي
أحيا على قربك وصوتك وطاريك
وودي أشوفك كل لحظه قبالي
والله احبك حب يا قلب مغليك
ويزود حبك مع مرور الليالي
احلف برب البيت مانيب بناسيك
وشلون ابنسى دنيتي وراس مالي
ودي أحطك في عيوني وأغطيك
وودي أنا اللي بس أشوفك لحالي
وماودي عيون الخلايق تراعيك
أخاف تلقى لك حبيب(ن) بدالي
حتى الهوا لامر من بين ايديك
أقول هذا وش يبي في حلالي
أنا بمنامي يا هوى القلب أناديك
صورتك دايم ما تفارق خيالي
إن غبت عن عيني بقلبي ألاقيك
وان رحت عن قلبي فيا عزتا لي
تبي الصراحة ما قدر ابعد وأخليك
ينساني الله لا نسيتك يا غالي
منقول لعيونكم