قالت تراني مخطوبه

البنت قالت ياولد مخطــوبه = رح في طريقك لا يجيك إنكادي
قلت أسمحيلي شكلها أكــذوبه = قالت كلامي كل أبوه أوكادي
قلت الهوى يا بنت أنا مندوبه = أموت لأجله لو حداني الحادي
والحب له ناسٍ تعرف إسلوبه = ما هو عناد ولا يفيد عنادي
قالت حقيقه ما لقيت صعوبه = في حب منهو غايتي ومرادي
إذا زهمني قال يامحبـــــوبه = ويلد صوبي قبل أنا ما أنادي
ماهوب مثلك كل أبوه أعجوبه = ما يقتنع باللي معه ويفادي
قلت أرحمي يا بنت يا رعبوبه = لا تتركيني في العذاب أوحادي
بس أسمعيني صدق هذه النوبه = وإن ما عجبتك حدريني وادي
قالت تراني يا ولد مخطوبه = رح في طريقك لا يجيك إنكادي