تعاااالووو : عيشو معي قصة الحطا ب في هذه القصيده

هذه القصيده من اواخر القصائد ولستم مطالبين بفهم المغزى ولكنني اطالبكم ان تعيشوا مأساة هذا الحطاب المسكين

قصة الحطاب

يدرسنا الغباين: ما حـصل في قصة الحـطاب

سرح صوب الجبل يبني الطموح وشايلا فاسه

تحزم في حباله مثل غـز الــوغى "حـراب"

تواخت لارض مـــن قرعة خطاه وبحة انفاسه

فكبر حزمته ثم ارتكى جسمه على مشـعاب

يـــخالف خــــطوتينه وانحنى من هايلة باسه

وفجأه ينبتر حبله بلا داعــي ودون أسباب

وطـــــــاح وكبــر الزفره تواسى كتفه بساسه

وكفين الحجاره يوم طاح اتمثلت أعشـــاب

رقـيقه : لين خضبــــها خضاب الدم من راسه

ولا حوله مفازيع ومواســينٍ ولا هـو طاب

غــدى مملوك فرشة شوك والحزمه هي لباسه

وفمه قبل أشواك ٍوشوفه في حصى وتراب

عــــذابه واقفٍ فـــــوقه واذا حرك جفن داسه

يحاول يقهر الحيره ويتقلب على الاجـناب

ويخفي زمجرة عزمه بطحن الصوت بأضراسه

تحرك تحت غزات الحطب نابٍ يحـده ناب

عـــســى عينه تقر بفزعة الأحباب من ناسه

ومد الشوف صوب النوف مرقاب ورى مرقاب

وشـاف نسورها حامت وصـــحت خامل نعاسه

ويسمع صوت ذيبٍ كنه يجمع فصيل ذياب

وصــار الــــدم والرهبه وموت الـحلم جـُلاسه

ولا حيله يشوف الموت طعنة ناب اومخلاب

وبالــــدم الأمل ســـــيَل وصك الأورده ياسه

وتمت قصة الحطاب عبره يا أولي الألــــباب

أنا الشاهـــد وبعد الإذن تكفى عيشو احساسه

تحياااتي الشاعر غارم العمري