الشعب حدر من على راس قمه ( للرادار )

هذي القصيدة للشاعر مبارك فاهد العمري ( الرادار )
حبيت أنقلها لكم

لا والله الا الشعب ياأهل الوفا ضاع
ما بين دخان وما بين شمه
اصبح يدور للرذيلة والأوجاع
ويشيل في جيبة دمارة وسمه
ورى علوم الشين والشر ينصاع
اتقول كنة رايح في مهمه
اما زقارة والعه بين الأصباع
والا التتن متكور وسط فمه
الى متى يبقى على ذي الأوضاع
والضيم يجري في شرايين دمه
انا اتخيل واتفرج ومرتاع
والشعب حدر من على راس قمه
تغيرت كل العوايد والأطباع
والشر لحق الشعب كله وعمه
ولبس التعاسة صار في السوق ينباع
واللي غزاه الغرب من السوق لمه
والجنز ضيق حيل وارجولة اوساع
والثوب والفستان مقطوع كمه
يعني كثير اشكال والوان وانواع
مير الصبي لازم يطقم مع امه
هذا التطور والتفتح والأبداع
في صالح اللي لأمر كله يهمه
ولا درينا ويش هذا البلا شاع
يا يابتي يا شق جيبي يايمه

صمت الشوق
أبيات قمه ومعبره وأبيات وافعها موجود والله يستر من القادم
موضوع مميز شكرالك على هذا الطرح الجميل لك التقدير

أبو بندر
الله عطيك العافية