قصة شايب تزوج بنت حلوه...لاتفوتكم

قصة شايب ومعزبته وهي عايشة معاه طول السنين وتعرف حاله وامكانياته وما هي متحمله اكثر مما يقدر عليه ومسايرته وهو شايب كبير في السن وهي كذلك كبيرة، ومعاه ولد نشمي.. جاه الولد وقال يا يبه وشي رايك تبينا نزوجك ؟

قال: والله الساعة المباركة.. اي والله يا ولدي، يا ولد السعد.. اي والله زوجني


قال الولد: ها ما به خلاف.. قام وخطب له في ذيك البنت، وهم شغالين في ترتيب الزواج درت العجوز وتأكدت ان الشايب


بيعرس، الا وتغيرت عليها الأمور .. الا وقامت تمترح وماهي متأكدة ان الشايب بيعرس من جد لأنها خابره امكانياته متقاربه


وبياخذ له بنت


قالت للولد: ياولدي انتو بتزوجون الشايب؟ لا تزوجونه ماله لزوم.. الشايب ذا المفروض ما تزوجونه ..


العجوز ذي شاعرة وكذلك الشايب شاعر..


المهم قامت وسوت لها بيتين في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته اللي من أوله قابله منه الميسور وراح تتغير عليه الامور

قالت العجوز:

جملنا جملنا باركن له ثلاث سنين *** وهو ليّا جبنا له الحمل ما شله


ماغير القتب والمزودة وصطها مدين *** وهو بارك عجزان عن شيلها لله


وذا اليوم جبتوا حملةٍ وزنها طنين *** وذا الحمل يا الجواد ما هو قد له


جيته وقلت بالهون بالهون يا مسكين *** هذا الحمل يبغاله جمال تجهم له


ماهوب انت ياللي جايب فيدك من الصين *** أنا اللي أعرفك زين يا بارد الدله

قام الشايب والظاهر عنده امكانيات.. لكن ذي العجوز واقفه في طريقه ومدقره له

الرد من الشايب:


جملكم ماهو مسكين يا جعلك السكين *** جملكم يبي ينقل زهاب العرب كله


وهو اللي نفع العرب في الزمان الشين *** لكن الجمل في تاليه طاح في عله


وقع في رحوم طول سيقانها مترين *** صخاف الجنوب ضلوعها كنها هله


وحتى الجمل من شوفها صار حاله شين *** وهي السبب في طيحته جعلها العله


لها ذيل أجرد عمرها من ورا السبعين *** وعز الله انها تمرض القلب وتعله


لكن جيبوا للجمل بكرةٍ عمرها عشرين *** وتشوف الجمل يعطي كلش على حله


ليا عيّن الحمرا الردوم اشتغلها زين *** وخله بعيد من أم شاصين منحله


اذا الله عطانا عمر وانتوا من الحييّن *** تشوف الجمل لو حمله طويق يشتله

هههههههههههههههه

ماهوب هين ذا الشايب
((انا الهوى الغايب))
يعطيك العافيه

تحياتي

مثل النهر وابقى نهر

المشاركة الأصلية كتبت بواسطة مثل النهر وابقى نهر

هههههههههههههههه

ماهوب هين ذا الشايب
((انا الهوى الغايب))
يعطيك العافيه

تحياتي

مثل النهر وابقى نهر

...يعافيك قلبي ياذوق...

اثاري الدينمو عند الشايب شغال...بس العجوز الله يسامحها ماكانت تشوف الفيش..هههههههههههههه

هههههههههههه
الله يعطيك العافيه

والله شيبان اول نشيطين مومثلنى اذى صرنى شيبان الله يستر

هههههههههههههه

يعطيك العافيه يا الهوى الغايب

مشكوووووور والله يعطيك الف عافيه

لكن جيبوا للجمل بكرةٍ عمرها عشرين *** وتشوف الجمل يعطي كلش على حله


ليا عيّن الحمرا الردوم اشتغلها زين *** وخله بعيد من أم شاصين منحله


اذا الله عطانا عمر وانتوا من الحييّن *** تشوف الجمل لو حمله طويق يشتله


ههههههههههههههههههههههههههههههههههه
الهوى الغايب

رائعه وجميله الله يعطيك الف عافيه
والله هالشايب مو بسيط وطلعت العجوز ع نياتها
مشكور ع النقل والطرح الراقي. دمت بخير. تحيااتي

روح القصيد.... نواااره.... ابو ليلى المهلهل..... عمري ولا احد قدي....


ربي يعافيكم...وسعدت بطلتكم الحلوه..لاتحرمونا منها..

ودمتم..

انا الهوى الغايب

ويش فيكم على الشيبان ترى صبرت لكم كثير انت وال غيهب واليوم ما عاد يبغا لها سكوت 0ههههههههههههه

ترى المثل يقول( ما يعقلها الا شايب ) وترانا الخير والبركه وانا عمك 0

شكرا لك على هذه المحاوره الشيقه بارك الله فيك وننتظر جديدك عن الشيبان 0

ههههه والله خطييره تسلم ياغالي تقبل مرووري

ههههههههههه رهيبه
يسلموووو انا الهوى

الجمل يهج شهور ويكس شهور