رساله من علي بن زهير

هذه قصيده كتبها الشاعر علي بن زهير العمري و هي موجهه لوزير المواصلات

(( خط الجنوب ))

ياوزيـر النقـل سـلام تسليـمٍ حشيـم

صافيٍ منهله مثل العسل حلـو المـذاق

بعدها بسـم الارامـل ولوعـات اليتيـم

وبسم طفلٍ فالعناية وضـع مابعـد فـاق

وبسم صرخة شيخ قلبه على اولاده وريم

وبسم عرسانٍ توفوا قبل لحظـة عنـاق

جيت وانا الحزن في داخل اعماقي مقيـم

بعد ماضحى بين عيني ونومتها شقـاق

جيت بسم اهل الجنوب الموشح بالسديم

واسم من يحمل احاسيس ومشاعر رقاق

جيت بسم الكل واقـول قـولٍ فالصميـم

فاستمع للعلم والشـرح ياتـي فالسيـاق

نبغى خطٍ مثل خط الرياض الى القصيـم

سهل للراكب ويرتاح من جابـه وسـاق

عندنا وش عندنا عندنا الأمـر العظيـم

عندنـا دربٍ لسيـارةٍ مـدري زقــاق

سيدي والوضع يحتاج بعد السين جيـم

بذمتك هو خاطرك صافيٍ والفكـر راق؟؟

كان كشف وزارتك وصل وان قلبك رحيم

فالضحايا فيه كثـر الضحايـا بالعـراق

وكان ماوصلك يقين الخبر بأمر الصريم

وان مندوب الـوزارة تعـود عالنفـاق

فالرجاء منك تجي بر وتشوف الخصيـم

خطٍ اصبح لونه احمر من دميّ الرفـاق

وشاهد وحس بالمنـا جديـدة والقديـم

دون تضخيمٍ وتحجيم من دون اختـلاق

شف مراسيم العزى واسمع نواح الحريم

وحسرة اهلٍ فقدوا غالـيٍ قبـل التـلاق

ثم قرر بعدهـا فانـت ابوهـا والغريـم

واحنا في حروى القرارات نامل باشتياق

الهلال الاحمر اصبـح عميـلٍ مستديـم

لاتصـالات الاهالـي يقولـون اللحـاق

حـادثٍ لمعلمـات العلايـة فـي دحيـم

موتن ماغيـر سواقهـن سلمـان بـاق

وحادث اهل الليث خلا اربعه مثل الهشيم

واللي سلم انشل والا غدى شخصٍ معاق

ولو رأت عينك تجهام سلمى بنت ريـم

بعد ماحلـت عليهـا تهاويـل الفـراق

فقدت بوها على خـط جيـزان السقيـم

ولا التقت من جثتة غير جمجمة وسـاق

سيدي ماكل مـن قـاد مركبـةٍ غشيـم

الا من خطٍ توجع من الزحمـة وضـاق

فكشر انيابه في اصباح يومـه والبهيـم

يحصد الارواح من دون عقـدٍ واتفـاق

سيدي ان كان ماجاك من دنيـاك ضيـم

فالله انـا عايشيـن بوضـعٍ مايـطـاق

كانك مرتاحٍ مابيـن الـوزارة والنسيـم

فاحنا صوب المقبرة كل يوم في سبـاق

وحنا والله مانبي غيـر توجيـه سليـم

يحفظ ارواح ابرياء دمهـا دايـم يـراق

مانطالب غير في حق يالرجـل الفهيـم

واعلم انا من وزارتـك نتحمـل مشـاق

مانقل ردوا لنا ارواح في منهـم رميـم

الا تكفى رشد اللي في التخطيـط عـاق

من رحل عنا عسى ارواحهم دار النعيـم

ومن بقي ترهم امانتك وعلـيّ الطـلاق

شاكر لك على طرحك المميز تقبلي مروري

صح لسانك قايلها ودام
عطاء ناقلها الينا لا عدمنا
ها الطله الروعه . دمتي..

صح لسان علي بن زهير ..
الحقيقة قصيدة جميلة وذات هدف جميل ..
هناك شعراء لديهم ميزة توظيف الكلمة بنطاق مهم ويعود بالنفع على المجتمع ..
هكذا وجدت قصيدة الشاعر علي بن زهير وهو غني عن التعريف ..
خالص تقديري ..

صح لسان الشاعر والله يعطيك الصحه والعافيه

صح لسانك يابو زهير
والله يرحم والديك فهم كذلك كانوا ضحيتين من ضحايا خط الجنوب .

نواااااره
تقديري يالغلا على هذه القصيده الرائعه
ودمتي بخير ..

رووح القصيد

عمري و لا احد قدي

ابو ريان

بن مذكر

يوسف

اشكركم اخواني
لا عدمتكم

والشاعر علي دائما مميز
رحم الله والديه (الشيخ زهير بن عوض و زوجته)

فلا زال ذكرهما يعطر مجالسنا
و لا زالت العيون تبكي عليهما

و لا زال خط الجنوب يحصد ارواح احبتنا

صح الله لسان الشاعر الله يعطيه العافية وألف شكر لنقل هذه القصيدة

مانقل ردوا لنا ارواح في منهـم رميـم

الا تكفى رشد اللي في التخطيـط عـاق

من رحل عنا عسى ارواحهم دار النعيـم

ومن بقي ترهم امانتك وعلـيّ الطـلاق

خط الجنوب مشكلته مشكله لكن الدوله ماهي بعجزانه

شكراً للشاعر وسلم قلبه

إحترامي

اشكرك نواره على هذه القصيده
وعلي شاعر معروف متمكن من الشعر وفقه الله
له صولات وجولات في هذا المجال
وانا من المحبين لشخصه الكريم وشعره الجميل
وعلي هو احد الاعضاء المميزين لدينا
ونحن اشتقنا لوجوده كثيراً
له الكثير من الروائع
ولا انسى قصيدته
آهـ يالروح الشريدة
علمينـي وش كسبت امن العروبه ؟؟
الشماغ !!!!!!
اكسي به هذا الدماغ
اللي افكاره فراغ
صنعوه ايهود لندن
ثـم قالوا شخصوا به
والله ان يعربي لازلت ناقص
دام في القدس احتــلال
ووسط بيـروت الـمراقص
ياعربنا 00 ياعربنا
شوفوا الـ شارون ويش انه مسوّي
رافعن رايه يهــوده
وبوش تلهينا وعـوده
علم الدنيا من شروره وشرّع
واحنا نتطلع لشجب ٍ من .......اسي
ونرتـجي للقدس عوده
ياعـــــــــــرب ستيـن عوذه
الـحميـة عند بوذه
وانـحن في رجوى الامم تصدر ادانه
كيف نترجى الامانه
من مديرين الـخيانه
انظروا عنتـر وهو عبدٍ لسيده
لـجل عبله فــــــــك قيده
وارخــــــــص الدم ابوريده
ماحنـاه الـخـوف
ولاارتعش له جـوف
حتـي انه تـحرر مالعبوديه
وصــــــار الفارس اللي
يكتب التاريخ له قصــة فريده
واحنا يامن ندعي معنـى الشجاعه
تـحت مطرقة الحصار
وفوق سندان الـمجاعه

البطل فينا ينـوخ
آهـ يامعنـى الشجاعه
كيف صار الذل مرجع؟؟؟
آسف 000آسف 000 ياعربنا
والله ان تبطون تتحرون ترجع
والسبب البعد عن لب القضيه
شــــــــــــــــرع سامي
ضاع منا لجل تـمجيد الاسامي
شفت الاحـــــــرار البواسل
علقوا بـحلوقهم اغلى السلاسل
كلهم في مرقصك يالست فيفي
بعد هز الوسط غنوا ياوليفي
مثمليـن ارواحهم من شرب كاسي
والبطل شارون قاسي
واكثر مابيديننا نـجمع نقودي
تاصــــــــــل البنك اليهودي
منّها شعبـي تـجرع ... كل اصناف المآسي
عفواً والله ماتبـرع
لك يالأقصى
غير


ومن اراد الاطلاع على ملفه

http://www.baniamro.com/vb/member.php?u=31

اكرر شكري نواااره
ابو عبدالله

بن ظافر

المسكت

صالح ابو عبدالله

اشكركم اخواني و لاعدمتكم