شـيـلـة بـصـوت طـفـل

قصيدة تتحدث عن ملابس بعض البنات في هذا الزمن ، بصوت جميل من طفل صغير

للإستماع أو التحميل:

mp3

rm


القصيدة
معقول هذا الشيّ يا ناس قد صــار ---- معقول هذا اللي نشوفه يصيـر ي
معقول لا لا ما تخيل هالافكار ---- إنا نشوف البنت تلبس قصيـري
تلبس بناطيل وتنانير ٍ اقصار ---- بلايز ٍ ما تستر إلا اليسـيـري
والصدر مكشوف ٍ على كل الانظار ---- والبطن يظهر سره المستديري
يا للأسف صار التعري له انصار ---- والستر مستنكر وماله نصيري
قل الحيا والدين خوف من النار ---- والخوف من رب ٍ سميع بصيري
معقول هذا الشي يا ناس قد صار ---- معقول هذا اللي نشوفه يصيري
الرجل مستور وهي سترها طار ---- مع التحرر والتمدن يطيري
تمشي مع الموضه ولا همها انكار ---- من ينكر المنكر وعنده ضميري
تشري ملابسها وتلبس وتختار ---- اللي تبي وتقول انا مثل غيري
تدفع عن اشرا الماركات اغلى الاسعار ---- ولا عليها من صغير وكبيري
تقول خلونا على كيفنا احرار ---- كل على كيفه وفكره يسيري
والأم تدري مالها راي بالدار ---- لا تستشار ولا على احد ٍ تشيري
والرجل مسكين ٍ يدبر ويندار ---- ما عنده امر وما بغى انه يصيري
سواقهن يضرب بهن كم مشوار ---- للسوق والمشغل ويم الكوفيري
هذا زمان فيه الاخلاق تنهار ---- باسم التطور إنهيار ٍ خطيري
ربتهم mbc على الفحش والعار ---- واللي بروتنا سقيط ودشيري
والـ LBC نشر الرذيله لها اشعار ---- أم التعري شرها مستطيري
والـ art فيها بلى كل الاعمار ---- مزابل ٍ فيها فساد كثيري
أخص في هذا ولا اعم الاخيار ---- اللي بهم في كل الاوقات خيري
معقول هذا الشي يا ناس قد صار ---- معقول هذا اللي نشوفه يصيري

ملاحظة: راعينا في الرسم الإملائي اللهجة العامية.