&*%$الجًذآب يالمًلحً المثًير&*%$

خذني غلا يا أصدق غلا بالوقت الأول والأخير
أبغاك تدرس حالتي أول وأنا أدرس حالتك
حنا نفس واحد .. وروح .. وقلب .. وعيون .. وضمير
عدالتي ظلمك .. وظلمي منتهى عدالتك


يا بدري الطلــّــة ويا طلــّــتك يا البدر المنير
ترى خسوف القمر .. بشارة وصول إطلالتك


وإطلالتك عندي أنا .. تعني لي الشي الكثير
لا صارت .. عيوني على خــدّك سحآآآآب .. وسالتك


أوقف .. وأسميــك الملك .. وشوي أسمــّيك .. الأمير
أخاف من سطوة سمــوّك ... وأحترم جلالتك


حبــك كبير ... وبالمقابل .. قدرك بقلبي كبير
إحساسي بــ محبتك ... وإحساسي .. بــ زمالتك


لا يضيق لك خاطر .. فديتك .. لو يصير اللي يصير
إن كان ما شالتك الأرض .. رموش عيني شالتك


يا أترف مشاعر بالبشر ... يا أرق من لمس الحرير
ساعة زمن ... ممشاك من غرفتك .. حتي صالتك


دلعك يثقل خطوتك .. وأحيان .. يمنعك المسير
وأحيان أشك إن الدلــع ... سلالته .. سلالتك


يومك تعــض .. شفيفتــك .. وإصبعك لــ عيوني .. يشير
وتقول هذي مالتي ؟؟ ... وأقول طبعا مالتك


تقولهااا .. وأعيش نشوتها .. وأحس الموووت أخيــر
لا شفت موتي بين عقرب صدرك .. وسلسااالتك


تدري ؟؟؟ لا شفت بيالتك .. بأطراف ثغرك .. تستدير
أضرب على صدري .. وأقول الحظ .. حظ بيالتك


مدام أبوك الناي .. وأمك ضحكة الطفل الغرير
وتصير عمــّــتك الشطانة .. والشقاوة خآآآآلتك ؟؟


لازم عليك آغير من نفسك .. وحتي منك آغير
عشان لو تطاولك كل البشر ... ما طالتك


ما طالتك .. يالأسمر الجذآآآآب .. يالملح المثير
ياللي سمـــارك .. جامعِِ .. سكر وملح أصالتك


فتنتني .. بعيونك الخدرات .. والزول القصير
وحببتني في طيشك ... وحببتني .. جهالتك


ماعاد لي .. سلطة على حالي .. وأنا بــيديك أسير
ولا عاد لي حيــلِِ يساعدني .. على حيالتك


يا علــّــني فدوتك من راســك .. إلى إصبعك الصغير
يا كبر بختي .. يوم ناولتك يــدي .. ونآآآآآلتك


يا أصدق غلا.. وأعذب غلا .. بالوقت الأول .. والاخير
هذي خلاصة حالتي .. عطني خلاصة حالتك

:120103_emTE 65_prv:

ابو باسل الجمعي

يعطيك العافيه على هذه الرائعه الجميله والتي يروق لي ان اسميها مملكة الابداع

صح لسانك

من طول الغيبات جاب الغنايم

تقبل مروري,,

رووووعه ابو باسل
شكراً لك ولذائقه اتحفتنا بتلك

اجمل الود
اخووك

صحـ لســانــكـ واللهـ يعطيكـ العافيهـ ..

قصيدهـ جزلهـ ..

شـكــ وبارك الله فيك ـــرا لك ... لك مني أجمل تحية .

دورت الف مره كلمه منقول
ابو باسل الله يعطيك العافيه وسلمت يمينك
ممكن تخبرنا اذا ما عليك كلفه من هو قائل هذه الخاطره الجميله؟