......زمان اخضر ......

[poet font="Andalus,6,red,bold,normal" bkcolor="transparent" bkimage="backgrounds/18.gif" border="groove,4,crimson" type=0 line=200% align=center use=ex length=0 char="" num="0,black" filter=""]
تذكرت الزمان اللي .. بكيته وضاعت الامال
زمان اخضر ...ملاه الحب بإحساسه
طراه الوقت وياحزن الوقت لو ماتنصفه الاحوال
ملا حزن الورق دفتري ودقت اجراسه
حبيبٍ طيّب السيره... وشيخ رجال
عطاني الحب لين اقسمت اني طوع لانفاسه
صفا وقتي انا وياه .. وغنينا الفرح موال
وعانقنا شعور اكبر من هالعالم وناسه
تمنيته وجاني صدق حقيقه والله ماهي خيال
وتقهوينا دلال الشوق واللهفه بمجلاسه
وسولف لي وسولف لي الين الراس لصدره مال
غريبه كيف انا اصدق؟ قرب انفاسي لانفاسه
احبك موت رددها الين اقسمت بالانفال
انه حلم وانا احلم وتملكني بوسواسه
على عهده انا باقي على مر الزمن وان طال
على عهده احبه موت ..واموت برقة احساسه
تذكرته زمانٍ فات .. وبكيته وضاعت الامال
اه زمان اخضر ملاه الحب حسافه دقت اجراسه!

اخر كتاباتي
نفرتيتي
[/poet]