يا وجودي كل ما هب نسناس الشمال...

ياوجودي كل ماهبّ نسناس الشمال ** وجد من حده زمانه على اللي مايبيه

وياوجودي كل ماأضحيت ثم مال الظلال ** لاغفت عيني ولاذقت شي(ن) مشتهيه

وجد من قفا..وهو في رجاء كلمة تعال ** وإلتفت من عقب ماأقفى ..ولاأحدن لدّّ فيه

ويا عذابي لآ دنى الليل من روس الجبال ** وأنتهى يوم(ن)من العمر ماعاد أرتجيه

وأنتي أبعد من سماء الحلم ووصالك امحال ** يابعد من هل دمعي ضحى الفرقى عليه

ياغناتي لاتحسبين دمعي يوم سال ** ضعف ولاخوف ولاكذا ولا كذيه

والله اني من رجال (ن) يضدون الرجال ** لكن الحظ الردي ساق دمعي كل ابيه

والله اني كل ما دار حوليك الجدال ** قمت كن الموت يشر على قبري بيديه

والله ان قد لي ونا اصد لاجالك مجال ** صدت اللي لأ تضايق تذكر قبر أخيه

ومن سالني قلت مدري واذا عاد السؤال ** قلت له تكفى سؤالك ترى ماهو وجيه

وش تبين اقول عمن ترى ذبحي حلال ** والخطاء منها علي صرت احبه وأهتويه

عذرها لو ماتعذر مثل وإضرب مثـال ** وأحد(ن) مايعرف الحر الاشقر يشتويه

وإن رجعنا للتواصيف لله الكمال ** لآنتهى ليل المزايين جاتك تبتديه

كنها غفل(ن) مع البدو طاويه الحيال ** مايميز وصفها الا نبيه(ن) من نبيه

واهني اللي وصلها وذاق امن الزلال ** رشفه مع غفلة الناس من فيها بفيه

وعزتي للي سواتي عشق مالايطـال ** ويوم طالـه ضيع الحـلـم بين امه وبيه

يااول احلام الطفوله على حد الخيال ** الرجاء باللي حمى البيت من حملت ابريه

حال دونك سيف عنتر وتاسع حول حال ** بثر حولن حال دونك وناادى هيه هيه هيه

ياللي غرك الحسن واطغاك الجمال ** والله ان اموت ماشفت باوصافك شبيه

لو يسام الحسن والتيه بجنيه وريال ** مابقى في سوق غيرك ريال ولا جنيه

كيف أهدك للمقادير ونتي راس مال ** راس مال ومال والمال مايعطى السفيه

حافظك حفظي لعيني ورمشي لك جلال** ونتي اتشحين بالماء ونا شفي امويه

شايف (ن) ظلمك وساكت وطال الليل طاال ** لا تركتي طعن قلبي ونا ماقلت ليه

لو بقى للهيل صبر(ن) على فوح الدلال ** مابقى للقلب صبر (ن) على شي يجيه

كنت أحسب ان الغلا زال وأثره لآيزال ** في الحشا ماكنه الا دخيل(ن) في الوجيه

سآقني حبك على الموت وسنيني هزال ** والظروف أقسى من الظلم للعرض النزيه

وأنتي اتسوقين عقلي على حد الهبال ** تحسبين إن من بغى شي(ن) يقدر يشتريه

ولا أنا ياوجدحالي وجود(ن) مايقال ** وجد من ضحا بغاليه في رضى والديه

وياوجودي أول العمر قبل البس اعقال ** وجد من باع آخر العمر في رغبة ذويه

وياوجودي كل ماهب صوتك من شمال ** وجد من حده زمانه على اللي مايبيه



رائعة الشاعر الكبير / ضيدان بن قضعان

تحياتي

أسيـــ الظلام ــــر

اسير الظلام

يعطيك العافيه ورائعه للرائع ضيدان بن قضعان

شكراً لك ولاهنت

شكراً لك أخوي المسكت على مرورك وتعليقك ...

اللهـ يعطيكـ الف عافيهـ ...


تقبل طلتـــــيـ ....

أسير الظلام : الله يعطيك العافيه ويكفي

وأنتي اتسوقين عقلي على حد الهبال ** تحسبين إن من بغى شي(ن) يقدر يشتريه

ولا أنا ياوجدحالي وجود(ن) مايقال ** وجد من ضحا بغاليه في رضى والديه

وياوجودي أول العمر قبل البس اعقال ** وجد من باع آخر العمر في رغبة ذويه

وياوجودي كل ماهب صوتك من شمال ** وجد من حده زمانه على اللي مايبيه

مرورك الأروع بن ظافر شكرراً لمرورك الكريم ...