(<::>)( الـمـعـانــاه )(<::>)

بدينا بذكر المعتلي الواحد المعبود =جزيل العطايا في يدينه ويعطيها
ومن يطلب الله صادق يلتقي المردود =ولا خاب راعي دعوة يوم يدعيها
أسأله يصبرني على حظي المقرود =ويذهب هموم في فؤادي ويمحيها
ويا رب ترحم حالتي يوم يبس العود =فلا عاد ينفع في عظامي مداويها
وأنا أحس في قلبي كما النار والبارود =ولفح السموم اللي تجينا بحاميها
وأنا ساهر في الليل والمسلمين رقود =وعيني هجرها النوم ماعاد يلفيها
وحيد المجال ولا لقيت الذي مقصود =تصافق بي الدنيا وتزعل وأهديها
أدور طريق النور لكلن طلع مسدود =وروحي عليلة يا الله أنك تشافيها
وقالوا كثير الناس يا حاسد المحسود =ترى هذي الدنيا كثيرة بلاويها
وأنا أحسبك يا المذكور باقي على المعهود =تراعي الظروف وتعطي القوس باريها
ولكن هذا اليوم أتعبت روحي زود =وحطيتني في نار ما أحدٍ يطفيها
وأنا يوم جيتك والله اني معك بالجود =ومن عز نفسه لازم انه يراعيها
وترى ما على وجه البسيطة بقاء وخلود =سواء رب هذا الناس علاَّم خافيها
وفي الخاتمة مني صلاةٍ على الموعود =بجنات عدن جعل منزالنا فيها

*

غرمان بن عزيز

صح لسااانك مدد يالطيب


سلمت ولاهنت

غرمان بن عزيز

مليئه بكل ماهو رائع
صح الله لسانك وعلا شانك يالقرم


تقبل مروري ولك من الود اصدقه

اخووك

الأخت الغاليه والشاعره القديره / حنان آل فاضل . لقد تشرفت بمرورك الغالي فشكراً لك على هذا وتقبلي مني أرقى وأحلى التحايا والتقدير ودمتي بخير 0


الأخ الغالي / االمسكت . أشكرك شكراً جزيلاً على مرورك الذي يدل على ذوقك الرفيع وحسك الشاعري وأخلاقك العاليه أشكرك مرة ثانيه وعساك تسلم 0

غرمان بن عزيز صح لسانك وفالك لخير والسعد ويا زينه من درر

صح لسانك واعتلا شانك
تحياتي وتقديري

الأخ الغالي / أبو ظافر . أشكرك على المرور الجميل بجمال اخلاقك وعساك تسلم 0 وفالك الطيب

الأخ الغالي / الخطاف . شكراً لمرور الغالي يا غالي وتقبل تحياتي وأشواقي وعساك سالم وغانم 0

ابو محمد

صح لسانك مليوووووووون يابعدي

مودتي

الله يحييك يا أبا عبدالله وعساك تسلم والحمدلله على العوده والمشاركة والمرور الجميل بجمال أخلاقك ولك مني أعذب وأرقى التحايا ودمت بخير 0