احكموا له ياعرب والا احكموا لي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ودٌي احكي قصتي والعشـق ملًـه= واحكموا له بعدها والا احكموا لـي
من بنى حكمه على سيف العدالـه = له مـن الله والمـلا زاد القبولـي
يرفع الله قدر مـن حكمـه يجلـه = يستحـق التـاج ياقوتـه ولؤلـي
والذي بالحكـم جايـر وش نقلـه = ذاك في حكمه وفي جوره فضولـي
القضـا والشـرع مايقبـل مذلـه= واحسبوا من جار في حكم الذلولي
بعضكم مل الحكي والهـرج ملًـه= خُش يابن العم بالموضوع طولـي
قلت في عصر الجرايـد والمجلـه= بعد ديباجةشعوري تسمحـوا لـي
لي حبيبن0طاوعه قلبـي وشلـه = وامتلك روحي رضا والهب فصولي
من0 وهو طفلن وعقلي فاطنن له= واحسب أيامه وعمره واحسبولـي
اذكر انه كان يسكـن وسـط فلـه = واذكر انه كان بالنظـره خجولـي
لين باب المدرسـه ظلـي بظلًـه = والعوايد تمنـع ادخـل بالفصـول=
اكـره السـواق لاظمًـه وشـلـه= واكره الحارس منعني من دخولـي
ودٌي اسميـه واخشـى لايـدًلـه= واحدن يقرع من الغيـره طبولـي
كان لي خلًن صفا واصبحت خلًـه = كان لي حلمن تربى فـي حقولـي
المهـم انـه وليـفـي لويـدًلـه= صار في حكم الشريعه من خيولي
امتلكتـه وامتلكنـي فـي محلُـه = واشتركنا في مضاميـر الخيولـي
صرت انا تاجه وهو للتـاج حلـه= البسه واغليه من حولـي لحولـي
ماحـلا صبحـن يقـدُم فيـه فلُـه = من خدوده لا رقيب اولا عذولـي
من صباح الخير والشمس المطلـه = والعرب في نومها ماهيب حولـي
بعدها مـن كفـه اروانـي بدًلـه= ذوقها وسط الحشا دايـم يصولـي
هيلها0انفاسـه وحمستهـا مقًلًـه = رغم طول الوقت ماشفته ملولـي
[/poet]