...,,,,...,,.., يــــبـــه ويــــنــــك ..؟؟!! ..,,.,,,...,,...

	يبـه وينك ؟؟ ولهت لنظره من عينك .... يبه وينك ؟؟ اشوفه طوّل غيابك !! و من ودّاك .... ما جابك !! قالوا ما يدوم الزين !! و انا عندي امل للحين .. و لا كني اعرفك وين !! يبه وينك ؟؟ عسى الداعي يبه بس خير ؟!! عساك بخير ....!! مداين تكرم لعينك ... بس ارجوك علمني ... علمني .. يبه وينك ؟؟ سألت امي عن رجوعك ... ولا كني اعرفك وين !! و قالت .. ما يدوم الزين !! و انا .. عندي امل للحين .. في رجوعك !! يبه بس تكفى علمني .... متى رجوعك ؟؟ يبه بس تكفى علمني . وش احلى من طلوع اثنين ؟؟ طلوع الشمس .... و طلوعك يبه وينك ؟؟ سألت امي ...... غيابك طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين !! سؤالي عنك يالوالد .. صبح موال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! و ادريبه مكانك وين !! مع َ هذا .. ارد و اسأل !! يبه .... ووووينك ؟؟ و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! و جرح ٍ عذ ّب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! و هذا الفرق في جرحي ... عجز يلقا الدوا دكتور .. انا جرحي غريب الطور !! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! و لا كنّي اعرفك وين !! يبه .. ذكراك تفرحني .... في نفس الوقت تجرحني !! لا من جبت في طاريك ... دموعي غصب تفضحني .... يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! يبه وينك ؟؟ تعال و شوف ... كبرنا مثل ما تمنيت . درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! و لا كني اعرفك وين !! يبه تذكر شطانـتـنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار نحبك يا يبه ... ارجع مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! يبه ارجع !! اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !! يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! و برجع اسألك وينك !! بس لازم تجاوبني .. ترى عندي امل للحين !! و لا كني اعرفك وين ..!!

كلمات اعجبتني ..أتمنى ان تقبلوها مني وتجعلوها مضيئه بنورها وصدقها

حرررررررررررررررركة
انا اول وحده أرد عليك

المهم..ان كنت فقدت والدك فعوضك الله بمن حولك

شعور حساس ومرهف وخاطرة قليل ان يقال فيها ابداااااااااااااع

استمر له بالدعاء فلن ينفعه الاعمله ودعائك فانت جزءاً منه فهو سبب وجودك في هذه الدنيا وهو من نجح في تربيتك
فكن له ولد صالح

وان كنت تنعم بوالديك حولك فكن دائما حريصا لرضاهم عليك وكن ولدا يفتخر والديه به

#**#اللــــــــــــــــــــهم ارحـــــــــــــــــــم موتــــانــــا وموتـــــــا المســـــــــــــــــلمين أجمعــــــــــــــــــين#*#
اللهم آميـــــــــــــــــــن..

الله عليك يا بو سالم

خاطره قمه في الروعة
اتمنى من الكل ان يقرأها

احسست بداخلي شعور غريب

شعور بحنان الأب مهما كبر الأبن
أدام الله على والدي الصحة والعافية
وعلى جميع المسلمين ورحم الله موتانا وموتى المسلمين

اشكرك سيدي كل الشكر فأنت دائما رائع

اخي ابوسالم خاطره رائعه تنبع من فكر ناضج وحس مدرك
ويعطيك العافيه
وسلملي على الشيبان في الخميس

زهورة جده...
العقد.....
لابس طاقية.....
مشكووووووووووووورررررررررررين..