من أعزي فيك يازايد؟؟

لو مات زايد كل أبونا جهاته
بقلوبنا باقي مع الدم يجري
الحزن خيّم يوم ودع حياته
كن الحزن في موتته صار جبري
جنّت عيوني بالبكاء في مماته
ويبست عظايه وإنكسر كل عمري
أشم طيبه وأتنفس غلاته
مامات أحسه ساكنٍ وسط صدري
مافرّع التفكير إلا لشراته
وأحس بن موته تقفاه قبري
يارب عجّل في مماتي وهاته
من عقب زايد مابقى شي يغري
صفحات هالدنيا تقلّب صفاته
كل صفحةٍ لفت على عنق فكري
إن كان عمره ينحسب بحسناته
لاتلومني يارب إن قلت بدري
صايمٍ مصلي قاضيٍ واجباته
عالخير دايم زايد الخير يجري
محدٍ يسوي في حياته سواته
في كل خيرٍ أعرفه كان فطري
منهو أعزي ياترى في وفاته؟؟
بيني وبيني طول ليلي أهذري
إخوانه..عياله..خواته..بناته
ولاّ الشعب كله أعزيه مدري؟
كلن على زايد يهل عبراته
الحزن بوجيه البشر صار مقري
لاشك تبقى صاحيه ذكرياته
مادامني حيّه على البال يطري
أيت شعر ينقال في حق ذاته؟
أمحق بقايا للشعر وأي شعري
أحتاج حتى أكتب لشيخٍ شراته
النخل ريشه والبحر صار حبري
وأكتب على هالأرض سيرة حياته
ويعلها تكفي ويقديه ذكري

بنت زايد
حصه آل عمرو