قصيده لايلومني عليها احد

لعلكم تذكرون القصيدة التي كتبها احد الشعراء

والتي يشتم فيها بنات الجزيرة

ويثني ويمدح بنات المراقص في المغرب

ويقول ان الطاف المغربية هيا أفضل من المحجبة

(ولاتعجبه كشرة منيرة) :

ياللي تنشد عن علوم الذي طاف = كل البحور وكل دوله وديره
خذ من علومي علم اوصافه اوصاف =جزل سمين يشتعل له سعيره
الزين عقب المغربيات ينعاف =غيد لهن بالزين ذكره وسيره
فيهن حلاً طاغي ولين بالاعطاف = وفيهن حنان يشعل القلب غيره
حلوات وصف وفاهمات بالاعراف =زينات منطق صافيات السريره
بنات قوم طيبهم غصب ينشاف =اولا مغرب في الليال العسيره
ياللي تنشد عن علومي بالانصاف =هرجي يكفي صامله عن كثيره
الزين في لميا وتغريد والطــاف =ماهوب في حصه وكشرة منيره

فكان الرد مني عليه كالتالي :

يانذل حكمك جورمافـــيه إنصاف=ماهوغريب مابـقي فيــــــك غــيره
واللي مثــيــلك عند لشراف ينعاف =في كل مرقـص يحتسي كـاس بيره
اللي مثــيــلك مامن اللـــه قد خاف =مايحفظ الله في العــلن والســريره
لكل ساقـــط لا قـط كـاس ورشـاف=شـــــــم وكبائر ثم كشـف الستـيره
مايعـــرف التوبه. وطـه. والأعــــراف=ولا ذهــب للحج يقــضى الشعــيره
يا عاشق السفرات راعي التنكاف=يا خاين اهــله والـــبلد والعـــشيره
في كل عام بالحـــوانيت مصــطاف=تـثـــمل مع الثمـــلات في كــل ديره
اصبحت وشمة عار ياعاشق الطاف=الله يخــلص منـــك ارض الجــزيره

**هذا رد على عاشق المغربيات وشاتم بنات بلده**

صح لسانك مليووون ياشاعرنا

ولله ولله إنك ترفع الراس .. لاخلا ولاعدم

بالنسبة للقصيدة المذكوره ولله لم تمر عليٌه ..

ولكن كفيت ووفيت .. يا أبو الشعراء أنت ..

لك مني كل الشكر والتقدير

المهـــاجر

لا هنت يا راس الرجاجيل لا هنت

وبلادنا بحفظ وصون مدام يذب عن حياضها أبنائها

حفظك الله ورعاك

اصبحت وشمة عار ياعاشق الطاف=الله يخلص منـك ارض الجزيـره

**

آآآآآآآآآآآآآآمين يارب العالمين


























صح لسانك ملايييييييييييييين

كفووووووووو والله

عشان إهو وأمثاله يدرون إن ورانا رجااااااااال شعراء عظيمين

يعطيك العافية .. ودائماً في شوق لقصائدك الرائعة

اختك لمعة الماسة وأرق التحايااااا لك

صح لسانك
الله يعطيك العافيه
لك تحيات اخوك
دباس الجارح

هـــــــــلا والله

حياك الله يا أستاذنا وشاعرنا الكبير

لك مني

وعلى بال ما أرجع أكون قد رديت عليك برد يؤيد الشاعر الذي قبلك

ههههههههههههههههههههههههههههههههههههههههههههههههه

تحياتي لك ويعطيك العافيه .....

ولي عودة.....

اشكرك وانت والله الي ترفع الرأس

يدل عليك ردك

فنحن نقيم الرجل من ردة فعل

اشكرك اخي المهاجر

بارك الله فيك اخي سعد

اشكر لك تعقيبك

وافتخر بك

ولك تحيلتي

امانتي اختي الغاليه لمعة الماسه

فوالله اني عاجز عن شكرك

لانني لن اوفيك تعبك معي

ولكن لاحرمني الله منك اختي الغاليه

وهذاجهد المقل

اذا تعبتك بقصائدي ماعليك الا ان تقولي

حل.وانتي في حل

اشكر لك مرورك
اخي دباس الجارح
امل ان تحوز على رضاك

شكراً لك على تعليقك
ولا اتوقع
ان تكون ممن يوأيد
الاول
والدليل ردك على الثاني