يغازلها قدامي انصدمت..

يغازلها قدامي صدمني

في منتصف الليل في ليلة البارحه , وفي كورنيش مدينة الخبر تحديداً ، كنت أقضي وقتي مع صديقي (( سلطان ))*

كنا مستمتعين بالنقاش في الجانب الرياضي , قطع حديثنا أتصال لهاتف صديقي سلطان , أجبرني ذلك الأتصال على السكوت والأستماع فقط :




سلطان
(( هلا والله بالغاليه , ما بغيتي تقومين من النوم , ما تسوى علينا هالأختبارات اللي حرمتنا سماع صوتك وشوفتك يا حلوه , أكيد الحين شكلك يخوف وشعرك طاير لأنك نايمه من المغرب للحين , هاه وش سويتي مع دكتورتك الغبيه اللي رفضت تعيد لك أختبارك , عساها قبلت العذر الطبي اللي دبرته لك , قبلت العذر ؟ الحمدلله , شدي حيلك ولا تروح عليك نومه مره ثانيه ثم يفوتك الأختبار, توصيني شي , شنو بغيتي , بغيتي أجيب لك عشاء من هارديز الحين , تأمرين أمر , بس ترى بجيبه وأنزله عند باب البيت وأمشي لأن معاي صديقي يالله نشوفك على خير والله الله بالمذاكرة ))






أنا :
أفاااااااا يا سلطان , مسوي محترم وولد ناس واخر شي تغازل ؟ ?

سلطان*
: أنا اللي مفروض أقولك افاااااا , لأنك تشك فيني وأنت تعرفني زين ياصديقي ? .*


أنا : أيه أعرفك زين والقهر أني ما أدري أنك راعي غزل ومكالمات اخر الليل , ماعلينا المهم وين بيت البنت عشان تودي العشاء لها ? .








سلطان :

البنت يا طويل العمر بنفس البيت اللي ساكن فيه أنا , وتحديداُ بالغرفه اللي بجنب غرفتي , لأن هذي المتصله أختي ? (( وعلامة الثقه تملئ محياه)) .







أنا*
: من جدك تكلم أختك كذا ؟؟ تستهبل ؟؟ والله أنك منتم صاحيين يالحضر , أجل فيه أحد يكلم أخته كذا ويعرف كل شي عنها ? ؟؟



سلطان*: نعم فيه ناس تكلم أهلها كذا , تدري ليه ؟؟








أنا : ليه ؟؟




سلطان :طيب , لأن البنات يحتاجون للحنان ومعامله طيبه من أخوانهم عشان ما يلجؤون أنهم يدورون عنها خارج المنزل مع الصالح و الطالح , فهمت الحين ليه أعامل أختي كذا ? ؟؟

إنا : ايه فهمت









سؤال/*
لو كل أخ يعامل اخته مثل سلطان ، أو كل اب أو أم يعاملون بناتهم مثل سلطان .. هل سيسكنون في قلوب الغرباء



تعليقي الخاص:حيل اعجبت بتعامل سلطان مع اخته وهذا قليل بصراحه لازم الجنس الناعم مثلنا يسمع الكلام الحلو ويلقى الاهتمام سواء من الاب والاخوان وهشي يفيد الطرفين سواء البنت او الولد
البنت ماراح تلتفت لاي شخص غريب يقط عليها كلام حلواو تلقى منه اهتمام
ولولد بتعود على انه يكون حنون على اولاده وزجته في المستقبل*

وشرايكم بالموضوووع*


هل طريقة تعامل سلطان مع اخته صحيحه ؟؟؟*

وهل فيه طرق افضل في التعامل مع الجنس الناعم واحتوائه ؟؟

وهنا سؤالي للبنات*

ماهي الطريقه اللتي تريدين اخاك ان يعاملك بها ؟؟؟؟؟

حياك الله وطرحك الجديد والخاص بطريقة التعامل بين أفراد الأسرة عموماً ..
وفي جانب أهم بين الأخوان وتحديداً الأخ وأخته ..

المشاركة الأصلية كتبت بواسطة نوره التركي

وشرايكم بالموضوووع*

الموضوع جيد في طريقته وأسلوبه من ناحية شد الإنتباه ومن ثم وضع النتيجة
بآخره كمفاجأة وتبيين لخفاياه الهامة وكأنها نصيحة هامة ..

هل طريقة تعامل سلطان مع اخته صحيحه ؟؟؟*

نعم صحيحة ومثالية ومطلوبة بدون شك ..

وهل فيه طرق افضل في التعامل مع الجنس الناعم واحتوائه ؟؟

من هذه الطريقة وأرقى فالأخت مكسب لأخوها وهي بحاجته والعكس صحيح ..
الحنيّة وتلبية طلباتها والوقوف إلى جوارها ومعاملتها برقي دائماً يجب أن
تكون من اولويات الأخ لأخته طول العمر ..

نسأل الله أن يجعل الجميع أحبةً متحابين في الله وعلى الخير دائماً ..
تقديري ..

بالمختصر :
الموضوع هادف وجميل اوصل رسالة .
يبقى السؤال :

لو لم تجد تلك الفتاة الحنان هل تنجرف فتنحرف ؟؟

الانسان ايا كان ذكرا او انثى اذا اشغل وقته بذكر الله وعمل ما ينفعه فلن يهمه غيره حن وعطف عليه ام لم يفعل .
قراءة القران وسيرة الرسول الكريم وسيرة الصحابة والصحابيات والابتعاد عن ما يبث في وسائل التواصل تغني الف مرة .
نعم نحن بحاجة للحنان والعطف والتعاون والمساعدة لكن لا يعني هذا انه ليس هناك بدائل وان نبحث عن ما يضيع علينا ديننا واخرتنا مع من يمكن ان يدمر حياتنا عند اقرب فرصة له .
بل نتبع هذه البدائل فهي الافضل والاقوى .

شكرا لك .

كلام حلوووو كثير
نعم طريقة سلطان رائعه والمفروض كل الناس تتعامل كذا مع اهلهم مو الواحد يكون تعامله جلف لبده لازم الييونه والبساطه
ولا ازيد على كلام ابو ريان كفى ووفى ...

تحيتي لك يا نوره ...

واجب على الأخ وحق مشروع لأخته عليه ...
شكراً لكِ ...

نعم طريقته جميله وصحيحه وكذا يكون الاخ الحنون
لكن علاقه ربط التعامل بين الاخوين ايآ كان
لايجبل البنت على التعامل مع الغرباء لانها غريزه
في البشر الميل من قبل الانثى للذكر والعكس
وهذا الميل ليس سببه حسن او سوء تعامل ..
هو عاطفه جبريه لحاجة الطرفين لبعضهم بغض النظر
عن صله الطرفين لبعضهم ومدى علاقتهم ببعض
وتقوم علاقة الاخوين دائما على المحبه والإحترام..
شكرا لك ..

اسعدني ماطرزته اناملكم في متصفحي
واعلل قسوة اكثر الاخوان للتربيه والتفرقه
بان انت ولد وهي بنت طرف جايز له كل شي وطرف
حتى الهمسه محسوبه عليه وللاسف هذا يمكن السبب لرضوخ اعلب البنات وراء الكلام والتصرف المعسول مع الغير وتراتيل تعليقها صح وهذا هو الحال

احسنتي الطرح واتتتفق معك فكل الاخوان بحاجة بعضهما فالتشبع بالحنان والكلام الجميل يصبح عادة فلا تتآثر بمن حولها من المتصيدين .. والعكس يقاس علي من يفقد الكلام الجميل فقد ينخدع اسرع ..
فالتعامل والتعاون والوقوف مع بعض والسؤال دائم بحدود القيم والمبادي الاسلاميه ..
يعطيك العافية ..
دمتِ بوافر العطاء ..
تقديري ..

انتي عارفه مجتمعنا اعتقد مايحتاج اشرح لك يتفننون بإيجاد الشماعات
فلا تنكبينا يانوره...
مافي أمل ندلعكم...حتى لو دلعتونا باليوم الف مره فمهي لله وود ومحبه عشان البقاله...

واكيد مر عليك مثل بيالة الشاي والمجلس والأبو كأنموذج لمجتمعنا

وهالمثل يقول
اذا الابو شات بيالة شاي بالمجلس صاح في البيت كله ماتشيلون بيالات الشاهي
واذا غيره شاتها صاح ماتشوف يالاثول بيالة الشاي اللي اكبر من خشمك

يعني ادلعك يالسحليه يجي واحد يلحس مخك جات براسي...
امعصي...

وبصراحه عرفتي تنسقين الموضوع...شي يهبل...

موضوع هادف ....... وجميل بطرحه وشد الإنتباه له

لا أزيد على طرح الأخوان ............. فلك تقديري

المشاركة الأصلية كتبت بواسطة أمآبعد ㋡

احسنتي الطرح واتتتفق معك فكل الاخوان بحاجة بعضهما فالتشبع بالحنان والكلام الجميل يصبح عادة فلا تتآثر بمن حولها من المتصيدين .. والعكس يقاس علي من يفقد الكلام الجميل فقد ينخدع اسرع ..
فالتعامل والتعاون والوقوف مع بعض والسؤال دائم بحدود القيم والمبادي الاسلاميه ..
يعطيك العافية ..


دمتِ بوافر العطاء ..
تقديري ..

يعافيك اما بعد ..
كلام جميل وعقلاني
اسعتني بمرورك

المشاركة الأصلية كتبت بواسطة الصيـــ ( ضــــاري ) ــاد

انتي عارفه مجتمعنا اعتقد مايحتاج اشرح لك يتفننون بإيجاد الشماعات
فلا تنكبينا يانوره...
مافي أمل ندلعكم...حتى لو دلعتونا باليوم الف مره فمهي لله وود ومحبه عشان البقاله...

واكيد مر عليك مثل بيالة الشاي والمجلس والأبو كأنموذج لمجتمعنا

وهالمثل يقول
اذا الابو شات بيالة شاي بالمجلس صاح في البيت كله ماتشيلون بيالات الشاهي
واذا غيره شاتها صاح ماتشوف يالاثول بيالة الشاي اللي اكبر من خشمك

يعني ادلعك يالسحليه يجي واحد يلحس مخك جات براسي...
امعصي...

وبصراحه عرفتي تنسقين الموضوع...شي يهبل...

هلا ضاري ..
كلامك متعجرف للغايه
مااكرمهن الا كريم ..
الاب لو يكسر البيت فله
الولاء والطاعه والنضام يمشي
على من في البيت الا الوالدين
وبعدين السحليه هاذي بيوم تصير زوجه
من جنسها لك ..والولاء والطاعه بانواعه يالتمساح هههه
تصير سواق ومربيه وطباخ ..فاختك اولى انك فقط بكلمه طيبه ومعامله بسيطه تخلي عيونها واحاسيسها داخل بيتها واكيد فاهم قصدي ..حيل اعجبتني صراحتك ويمكن انك من افضل الاخوان مع اخواتهم
سلمت وسلم قلمك الجريئ .

المشاركة الأصلية كتبت بواسطة ابو سيف العمري

موضوع هادف ....... وجميل بطرحه وشد الإنتباه له

لا أزيد على طرح الأخوان ............. فلك تقديري

هلا ابو سيف ودي انك عطرت المتصفح
بقلمك ونقاش اكثر انت من الاشخاص اللي
تعجبني ردودهم واحب اقرالهم ..اسعتني
بمرورك ..

وقفت عند هارديز ضيق الله عليها مطاعم الخبر
هارديز موجود حتى بالخميس

المشاركة الأصلية كتبت بواسطة @ROYAL@

وقفت عند هارديز ضيق الله عليها مطاعم الخبر
هارديز موجود حتى بالخميس

طيب وين المشكله