غلطه قديمه وانتهت لكن بقا الجـرح العميـق

غلطه قديمه وانتهت لكن بقا الجـرح العميـق
اللي يبي يبقـى علـى مـر الليالـي مالتئـم

آسف لاني ماقدرت اصبر وغيـرت الطريـق
وآسف لاني ماقـدرت افهَـم اللـي مافهـم

بركت للحمل الثقيل وطقت لو ماكنت اطيـق
من شان لاقالـوا زيـاد يقـال والله والنعـم

لكن نعم مفعولهـا ماياصـل يديـن الغريـق
اللـي لمـد ايديـه للـي مايطيقونـه سئـم

ولاعاد يسوى في عيونـه لازفيـر ولاشهيـق
شيئ يجي , تقفاه منـه يقطعـه لوهـو نسـم

مسرح جريمة قصتي اكثر غموض من الحريـق
اللي تضيع بـه الدلائـل والقرائـن والتهـم

مافيه امر مـن الصديـق لياتنكـر للصديـق
ولافيه بالدنيـا اهـم مـن المهـم الا الاهـم

الياصرت بالحالك فريق وفيه قدامـك فريـق
وتخاف بكره لانهزمت يقـال مسكيـن انهـزم

خذلك طريق تظمـن انـه بالنهايـه مايضيـق
وان طعت شوري خذ طريق الله ترى مابه نـدم

وانا استخرت الله وعيني خايلت قمـة طويـق
القمه اللـي فوقهـا رفـرف للامجـاد العلـم

والله لعانـق راسهـا مادامنـي حـر طليـق
حر اليامنه شلع مـن سرعتـه مثـل السهـم

ماعادت احلامي على خبرك ترى خبرك عتيـق
وان شفت بعيونك هرم , حلمي على راس الهرم

لي مده احلامي من العالي على الجزلـه تويـق
صافحت كف المستحيل وقال : مد ام الشحم

انا برئ من اي حلـم يلبـس ثيـاب الرقيـق
ان ما امتطى صهوة جواد العـز بالله واعتصـم

طموحي اخدم امتي وان مت يبقى اسمي عريـق
قبلي فهد خادم لبيـت الله وعبـد الله خـدم

اقسمت ما انسى واجبي واخترت لي درب يليق
وانا هنا والا هنا ما انسـى انتمائـي والقسـم

مادام نيشان الفخر له في سماء صـدري بريـق
وشلون نيشان الولا اللي داخل القلب انرسـم

جدي وابوي معاهدين الدين بالعهـد الوثيـق
وانا على نفس الطريق اقسمت والوضع انحسم

الشاعر؛؛ زياد بن حجاب نحيت

بيض الله وجهك يابن ظافر على هذا الطرح وصح الله لسان بن نحيت شاعر المليون

موفق بإذن الله ... لك مني أجمل تحية .

عاشق ثرى الديره؛؛ شرفني مرورك الكريم الله يعطيك العافيه

رائع يابن ظافر
وإختيارك كذلك راائع
دمت بسعاااده ولاعدمناك

مودتي لك
اخووك

بن ظافر .

يا هلا وغلا فيك.
صح لسانك ولا هان منطوقك.
بيض الله وجهك على هذا الإختيار الرائع.
كل الشكر والتقدير ابعثه الى سمو مشاعرك الدافئه.

المسكت؛؛ تشرفت بمرورك الغالي الله يعطيك العافيه

عمري ولا احد قدي؛؛ ألف شكر على مرورك الكريمك الله يعطيك العافيه