نكسر الخاطر ...

نكسر الخاطر

***
علامك جيت ياقلبي وراجع خاطرك مكسور

ابد لاينكسر خاطرك دامه صاحبي جاير

ابي تنسى مبادئنا وتترك طبعنا المغرور

وابي هالحين ترجع له وقله يطلب ويامر

واذا جت عينك بعينه ابي تشهد شهاده زور

بأني مذنب ومخطي وقلبه ناسي وغافر

وقله لايخليني على حزني ابات شهور

لان الموت اشوالي وانا من طبعي ما كابر

ولايفكر يقول:انسى وغيري بالبشر مذكور

لاني ماخبر غيره قســــم بالله مو خابر

احس اللي خلق زينه خلق باقي البشر ديكور

واحس الورد لاشمه يميل وينثني شاكر

وربي هالبشر بعده هياكل والبيوت قبور

ولابه شي بالدنيا يجاري غيابه الكافر

حبيبي يا بعد كل الحبايب والزمان يدور

علامك ما تخاف الله تعال وشوفني وناظر

الا ياصاحبي القاسي بدونك هالحياه تفور

الا ياسبه جروحي الا يا حظي العاثر

احبك يا منى عمري وغيرك يمسك الطابور

احبك يا مولعني واذوب بصوتك الخاثر

انا من كثر ما احبك احس اني معك مسحور

فديتك خلني مسحور اذا تبقى لي ساحر

تعال وخذ بكيفك قصيد ولو تبي جمهور

فداك اللي قصدته امس واللي بقصده باكر

لك الله وانت خابرني شجاع ولا علي قصور

ولكن لو وصل امري بيدك .. اااه يا ساتر

دخيلك انتبه .. لا لا تمادى مع رجل مقهور

ترى قهر الرجال اكبر من اللي تحسب وفاكر

انا حبي معك والله عفيف وطاهر ومستور

حشا صعبه تلاقي قلب شروى قلبي الطاهر

اذا ناوي تجربني ترى وقتك معي مهدور

اموت بنار طغيانك ولا ينقال لي صابر

امانه روح يا قلبي وابي تضبط عليه الدور

امانه طير له تكفى وابي هالحين يا شاطر

ابيك تحب لي راسه وتنسى طبعنا المغرور

ترانا اثنيننا والله بدونه نكسر الخاطر
***

مما راق لي
اتمنى تنال اعجابكم
تقبلو تحياتي

ما هزني غير فرقاه

الله يعطيك العافيه

اختيار رائع

صح الله لسان قايلها

ولاهنتي على النقل

تقبل اطيب التحايا

يسلمووو ع مرورك العطر