كوكيز الزنجبيل ~ من عمايل ايديّه ..

هاااااي والله من زمان عن قسمي المحبوب ( المطبخ ) ..

بصراحه انا كان نفسي من زمان اتعلم طريقة عمل الكوكيز ولمن اتابع التلفزيون او اليوتيوب او حتى النت القى طرق صعبه و طويله و تضيّع ..

فجلست احاول و اعدل و ابدل الين ما طلعت بوصفه اخترعتها و جربتها و الحمدالله النتيجه وااااااااجهت و طلعت مره كويسه و لذيذه ..

طبعا هي اول مره اعمل كوكيز حبيت اسوي كوكيز بالزنجبيل بما اننا في موسم برد و احب نكهة الزنجبيل و ريحته ..

فالمعذره لو كانت الكوكيز مش مرتبه و ان شاالله عقبال مااسوي كوكيز بالإم اند امز .. و الهيرشي كيسيز ..

المقادير مع الطريقه :

اصبع زبده ذايب بحرارة الغرفه.. كاسة سكر .. نخلطها مع بعض لحد ما تتجانس .. نضيف بيضتين و نخلط .. نضيف زنجبيل بودره ( مااحبه فاضفت زنجبيل اخضر مهروووس مره , تقريبا اضفت 3 ملاعق صغيره )

في صينيه ثانيه .. ننخل كاستين دقيق + ملعقه صغيره قرفه مطحونه + ملعقتين صغيره بيكنق باودر + 1 ملعقه صغيره بيكربونات الصودا + رشة فانيليا ..

بعد ما نخلتهم مع بعض اضفتهم للزبده و اخواتها .. حركت المزيج بملعقه عاديه شوي بس ..حتى امتزجت ..

طيب في صينية فرن ( تيفال او مدري شسمها السوداء ) حطي ورق زبده .. اذا عندك ملعقة الايسكريم خذي من العجينه و حطيها بالصينيه بس خليها زي ماهي لا تضغطينها باصابعك لانها راح تصغر في الفرن .. اذا ماعندك ملعقة الايسكريم خذي بيدك و كوريها و حطيها بالصينيه نفس الشي بدوووون ضغط ..

دخليها الفرن لمدة ربع ساعة فقط او عشر دقايق .. و من فوق ليصير لونها ذهبي بس ..

طلعيها و خليها لحد ما تبرد لا تحركينها بعدين بالعاااافيه قديمها بوقتها او احفظيها في برطمان مدري وشسمه ..





اشكالها مو مرتبه بس عشان اول مره والله

راااااااااااااااااااااائعه جدا

بإذن الله جاري عملها

ومرحبا الف مقدما


يسلمك من كل باس ومن تحبين

الله عليك يَ نوااره ..
عليك بالف عاااافيه..
تستاهلين التقيم والخمس نجووم ..

يم يمم شكلها نايس
واهم شئ الطعم.ماعليك من الشكل
..دائما اتابع قناه فتافيت مايهتمون كثير بالشكل في الكوكيزات والبيتيفور اهم شئ الطعم
باذن الله اجربها واعطيكم النتيجه

ماشاءالله تبارك الله
تسلم الأيادي

ياهلا و غلا فيكم حبيباتي ..

و ان شاالله تجربونه و تكون النتائج مرضية يا رب ..

بنت قسم انك فن انتي وبسكوتك فديت عنونك
حاسه اني لو طحت فيه باسير مثل قرقور الي في افتح ياسمسم يوم ينثر البسكوت هههههههههههههههههههههههههههههههههههههه

يااااااا لبى ترتولتي .. البكسوت ( ع قولة ولد اختي ) و راعية البكسوت تحت امرك ..

بالعاااافيه على قلبك يّ حبة عيني ..